JOHAN 16:11 - AMÜSA BAIBEL (BSI)

¹¹ ko yukhaba nengdang arüh amüthsalang licho, tunüo hiba limih yangthsaba yu tsü khapehko.

JOHAN 16:11 Iomraidhean Croise

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

NENGSEKHI 68:18

Abinü azonglang arangyohrü khütang nüpü tuwüre; Abinü anyümrü khehlanü jiyü khyüchore. Abüdongba Tsingrang hütsüla linung.

MATHI 12:18

“Hila I dikehbong lile, Sü Ihnü throchehcho, Sü Ihnü müiro, ko sü chah I long kyangro. Ihnü abi chah I nbü müthehnung, ko abinü yochoti te I yukhaba seyohjünung.

MATHI 12:36

“Nührünü hi müdheing, yukhaba nyümongla palunü amükhyu yu cho rocho nengdang palunü yuzi jünung.

YUSE ATSA LUK 10:18

Jisu-nü arüh te lalingcho, “Ninglangnü ningmüla roh-i Satan shohjocho Ihnü nguko.

JOHAN 12:31

Ade hiba limih yukhanung bekhyah; ade hiba limih yangthsaba iipehnung.

JOHAN 14:30

Ihnü nührü te anyahli müchotacheh, tunüo hiba limih yangthsabong tsü tsehle. Abi I chah tu tase mühle,

JOHAN 16:12

“Nührü te yonung adesü yu khütango lile, ta ade nührünü mükoh hinung.

RIWÜRÜTI NGUCHI 10:42

Nyitsarü te Yuse Atsa thsingyunung ko abi tsü akang lirü ko asürü yukhanung Tsingrangba-nü throchehchoepü yuzithsanung abinü ihrü khyang yuzengjücho.

RIWÜRÜTI NGUCHI 24:25

Ta Paul-nü atsa, abürü jangjang rahsehba ko aronung yukhaba Nyümong nengdang yuzi jo chode, Felix-nü drü yocho, “Nüh tsieng. Ih bekhyah ngude nüh thali dsinung.”

RIWÜRÜTI NGUCHI 26:18

Arühnü I chah yudsicho khu arüh münyi mülang pehnung ko Tsingrangba athrochehrü yola nohlüm khyürü kangnung nengdang, amarürah lanü atsingse yang ko Satan zii lanü Tsingrangba yanglang arühnü ximülanung nengdang nühnü arüh nahtse khangthrujünung.’

ROMRÜ 16:20

Ko tbachijüba Tsingrangba-nü nührü jing pohki Satan zah dhrümnahsohnung. Ihsa Abüdongba Jisu achomang nührü te lieng.

ROMRÜ 2:16

Hütsüta, Ihnü thsingyuba Yuse Atsanü yocho müjang, Tsingrangba-nü Jisu Khrista khu apüm arang lümlong hütsü nyümong yukhanung.

1 KORINTRÜ 4:5

Hütsüeko akyang müchie nührünü sü yu tükha. Abüdongba mürodelü achangka yukhaba tsü ying; abinü amarürah la rang yohpücho atsingse la hirojünung, ko nyitsarü lasih la lümcho mishajünung. Hütsüpü nyitsarü müipi Tsingrangba chahnü palu aleng anengse ngunung.

2 KORINTRÜ 4:4

Arüh shulümlü hiba limih tsingrangnü müyudsirü khyang Khristarü ahechi yuse atsa, sü Tsingrangba kyocho, arühnü atsingse müngusohnung shulüm arüh nahtohsohko.

EFESIARÜ 2:2

Hütsü shikhela nührünü limih amünyi langla tsehcho; nührünü ningwüm la amünyi ziiti yangthsarü, sünü ade Tsingrangba yocho mühnyirüti michah yangthsaro, abi yochonyicho.

KOLOSIRÜ 2:15

Abinü ayingti ko ziiti kengchonü arüh michah akohba kang khala chah arüh tsü misha adüzüthsa ngusohko.

IBRIRÜ 2:14

Tsuzarüti tsü shutsa ko ashüh thsachonü, Jisu apusü arüh kyo kangcho ko nyitsarü yangthsa khyüchocho. Abinü hi nguchiba tsü abi sücho khunü Motsing, sü asü michah tase liro abi thsangnyangjünung,

IBRIRÜ 6:2

adelü Ihsanü adikeh hütsü nengdang müchochinung.

IBRIRÜ 9:27

Nyitsarü müipi khüdupi sübae, hütsüpü Tsingrangba-nü yukhanung.

2 PETER 3:7

Ta ade liba ningti ko limih hisü michangnü changjünung nengdang Tsingrangba apu yuzeng khu khümcho yohpüre. Arüh tsü müyudsirü yukhaba ko changjüba nyümong nengdang yohpülire.

1 JOHAN 3:8

Sünü amünyi bichiro abi motsing chahnü lile, tunüo adikeh lanü motsingnü amünyi shitpahko. Motsingnü tu nguchicho hütsü changjünung nengdang Tsingrangba Tsurü rocho.

MISHACHO 1:7

Dhing, abi nyükhi michah role! Nyitsarü müipinü ko abi chah thrarü nüsü abi ngunung. Liküpnü abi me tranung. Hütsüta tikehnung!