JOHAN 16:1 - AMÜSA BAIBEL (BSI)

¹ “Nührü yudsi lanü müshehlisohnung nengdang Ihnü nührü te hi yopehko.

JOHAN 16:1 Iomraidhean Croise

MATHI 11:6

Sürünü I nengdang mütütohnyünyehro arüh amüwanung!”

MATHI 13:21

Ta arüh ara asoh mürachonü, arüh anyahli müyare. Hütsünü khode hiba yusi nengdangnü chongcha mahkhang dhsümthsedhsümloh ronang, arühnü khüdupinü pehjüre.

MATHI 13:57

Hütsüta arühnü abi mükhyüchocho. Jisu-nü arüh te yocho, “Azikehrü khüdu tsü apu yang la ko kukhi chah khu atümunglang hechire.”

MATHI 24:10

Hütsüde adrongnü arüh yudsi pehjünung; arüh khüdunü khüdu itsutanung ko khüunü khüu thrünyitanung.

JOHAN 15:11

“I akünyang nührü chah linung ko nührü akünyang ajeng kangnung nengdang, Ihnü nührü te hi yoko.

JOHAN 16:4

Khode arühnü hiri nguchinung nyümong chii ronang, Ihnü nührü te yochoeko nührünü lümchehnung nengdang Ihnü nührü te hi yoko. “Ihnü adikehla nührü te hiri müyo, tunüo Ih nührü te licho.

ROMRÜ 14:21

Athsalang nguchi tsü shuh mütsunung, yongkha müyongnung, mahkhang nü jünirü shohjonungthsa tusü münguchinung.

FILIPIRÜ 1:10

nührü amüi tsü athsalang lümlong ko yuje yukhaba la alaa zisohnung Ihnü dangkhidangnangjüre. Hütsünü du Khrista Nyümong la nührü amümüsa ko mülangjüba lanü za lichehnung.

1 PETER 2:8

Ko adesü amüsa yu khüdunü yore: “Hiba lung hi nyitsarü müthikehsing, arüh khülusohba lung.” Arühnü yu chah tsü müyudsichonü müthikehcho; arüh nengdang Tsingrangba alümcho hütsü licho.