JOHAN 15:4 - AMÜSA BAIBEL (BSI)

⁴ I chah lieng, ko Ih nührü chah linung. Ajengzanü ashü chah mülikhang ajangjang asih müsihcheh. Hütsü kyo nührünü I chah mülikhang asih müsihcheh.

JOHAN 15:4 Iomraidhean Croise

SOLOMON KHI 8:5

Lipilih langnü amüibong te khyahritapü royaba hi süo? Nüh nümüsuba müthohdong pohki Ihnü nüh khamüsucho.

HOSEA 14:8

Israelrünü adelü kyothri nengdang du münguchinung; Ihnü arüh dangkhidangnang lalingnung ko arüh xükümnung; Lede müyah liba singdong kyo, Ihnü arüh tsikehsohnung; Ih arüh amüwa dong.”

MATHI 12:33

“Singsih atsa sihsohnung singdong atsa adhsütah; Singdong amütsa chahnü singsih amütsa ngunung. Singdong khüdu tsü asih tsünü müdhere.

YUSE ATSA LUK 8:15

Alih asu la longba majüh adüzü tsü sürünü yusi tsü yuchiro ko lasih la yochonyi atsanü yohpüro ko asih müsih tashi arühnü rangchore.

JOHAN 14:20

Khode hütsüba nyümong tsü ronang, Ih I U chah, nührü I chah ko Ih nührü chah lirepü nührünü müdhenung.

JOHAN 17:23

Ih arüh chah ko nüh I chah; hütsünü arüh khüdu du kangnung, ko nühnü Ih müthehcho ko müicho kyo arüh mii müirepü limihnü müdhenung nengdang, ahechi nühnü I khyang tu jücho Ihnü arüh khyang jüko.

JOHAN 6:56

Sünü I shuh tsuro ko I shüh yongrü abi I chah lire, ko Ih abi chah lire.

JOHAN 8:31

Achotsü Jisu-nü abi chah yudsirü te yocho, “Nührünü I adoba nyikhang, nührü ajüje I monoe;

RIWÜRÜTI NGUCHI 11:23

Abi khode chihcho ko Tsingrangba-nü müwajücho ngude, abi künyangcho, ko arüh lasih apümnü Abüdongba te yudsi ko yujecho linung arüh atümung thsüchicho.

RIWÜRÜTI NGUCHI 14:22

Arühnü yudsirüti rezehsohcho ko yudsila drengdreng linung thsüchicho. Arühnü docho, “Tsingrangba yanglih la züdunung nengdang chongcha adrong khunungbae.”

2 KORINTRÜ 13:5

Nührü yudsi la lirü a mahnang müdhenung nührü jangjang thsadsüdhing. Nührü müshohjopü likhang, Jisu Khrista nührü chah lilepü nührünü longi tsüple.

GALATIARÜ 2:20

Ih Khrista te khala chah hamkehko. Hütsünü adelü akang liba tsü Ih mah, ta I chah Khrista akang lire. Ade Ih liba akang hilü, Tsingrangba Tsurü sünü Ih müicho, ko I nengdang akang jücho abi chah yudsi khu lire.

EFESIARÜ 3:17

ko yudsi khu nührü lasih la Khrista lichehnung Ihnü kihchijüre. Nührü amüila ara ra lichehnung nengdang Ihnü kihchire,

FILIPIRÜ 1:11

Tsingrangba ahechi ko anengse nengdang, Jisu Khrista khu dunü jünung kohba amüsa sih atsa tsünü nührü akang jengsohng.

KOLOSIRÜ 1:23

Ajüje, nührünü yudsi la drengdreng ko mümühachipü mütozah lieng, ko nührünü yuse atsa khunü nguba alongdi la tsünü nührübürü tüshümshümsoh. Hiba yuse atsa khüi liküprü te thsingyucho, hi nengdang Ih, Paul dikehrü khüdu kangcho.

KOLOSIRÜ 1:27

Tsingrangba lümchung tsü hiba bholo, ko thsidi arangyu khüi abi nyitsarü atümung nengdang liro, abi arangyu tsü apu nyitsarü te müdhesohnung Tsingrangba lümchung lile. Ko hiba arangyu tsü nührü chah Khrista lile, adüzü nührünü Tsingrangba ahechi la changtanung.

KOLOSIRÜ 2:6

Nührünü Abüdongba Jisu khyüchocho roh-i, abi te lieng.

1 TESALONIKARÜ 3:5

Motsingnü nührü thsadsü ihrü nguchi amükang kangnung lümxüchonü Ihnü mürangchopü Timoti nührü yang müthehnungthsa kangcho.

IBRIRÜ 10:39

Ihsa shehli tsiba ko chahpehba nyitsarüti roh-i mah, ta Ihsa yudsinü khümcho lile.

1 JOHAN 2:6

Sünü abi Tsingrangba chah lilepü yoro abinü Jisu Khrista-nü nguchicho kyo nguchibae.

2 JOHAN 1:9

Sünü Khrista adobala mülipü alaa tsiro, abi chah Tsingrangba mühle; sü adoba la liro, abi chah Au ko Atsudhre anyüding lile.