JOHAN 15:21 - AMÜSA BAIBEL (BSI)

²¹ Ta arühnü hi apüm nührü chah nguchinung; tunüo nührü I yo ko arühnü Ih müthehbong mümüdhe.

JOHAN 15:21 Iomraidhean Croise

NENGSEKHI 69:7

Nü khyanglangnü Ih nyüpmüsehsohcho ko ashahnü I romih hapticho.

ISAYA 66:5

Abüdongba yu nyieng, nührü Abi drürü ko Abi yocho nyirüti: “Nührünü Ite yuje cho lichonü, nührübürü nyitsarü khürünü nührü thrünyicho ko nührü mükhiyohcho. Arühnü nührü münyodhing yocho, ‘Nührü künyangtacho ihrünü ngunungthsa, Abüdongba-nü Abi dicho ngusoh nührü khümchosohng.’ Ta arühbürü ashah khyünung!

MATHI 10:18

I khyanglangnü; yangpirüti bete yuzithsasohnung governorti ko yangthsarüti bete yukhanung nührü nowünung.

MATHI 10:22

I khyanglangnü nyitsarü atümungnü nührü thrünyinung. Ta sünü achangchi rangchonang abi du khümchonung.

MATHI 10:39

Sünü palu akang jingchonung müküpnang hütsü changnung; ta sünü I nengdang palu akang changnang hütsü ngulinung.

MATHI 24:9

“Hütsüde nührü rangnü khingchisohnung ko süsohnung khakhuchüjünung. I khyanglangnü amüi tsurü atümungnü nührü thrünyinung.

MATHI 5:11

“Nührü I mono thsacho ngang khode nyitsarünü nührü müchümükehnang ko dhsümthsedhsümlohnang ko nührü nyüm arahkheh apüm yonang nührü akünyangnung.

MARK 13:13

I thsacholanü atümungnü nührü thrünyinung, ta sünü achangchi rangchonang abi khümchonung.

YUSE ATSA LUK 21:12

Ta hiri tikehnung thsade, nührü rangnung ko dhsümthsenung; nührü Sinagog ko arangyoh kuh la nowünung; nührü yangthsarü ko governor bete noronung.

YUSE ATSA LUK 21:17

I thsacholanü atümungnü nührü thrünyinung.

YUSE ATSA LUK 6:22

“Nyitsarü Tsurü thsacholanü khode nyitsarünü nührü thrünyinang, mükhyüchonang, müchümükehnang ko nührü amünyiepü yonang, nührü akünyangnung!

JOHAN 15:24

Ihnü arüh yola sünüsü münguchicho nguchi tsü münguchirelang arüh münyi müliba thsacho; ta adelü Ihnü tu nguchicho; arühnü nguko, arühnü I U Ihjüding thrünyire.

JOHAN 16:3

Arühnü I U thsanye Ih thsanye mümüdhechonü nührü chah hiri nguchinung.

JOHAN 17:25

Amüsa Uwa! Limihnü nüh mümüdhe, ta Ihnü nüh müdhele, ko nühnü Ih müthehchoepü hirinü müdhele.

JOHAN 8:19

Arühnü abi te tsingdhingcho, “Nü U khüde liro?” Jisu-nü lalingcho, “Nührünü Ihsü mümüdhe ko I U sü mümüdhe. Nührünü Ih müdherelang I U sü müdhebae.”

JOHAN 8:54

Jisu-nü lalingcho, “Ihnü Ipu jangjang hechikhang, ahechi hütsü tu mah, sünü Ih hechiro abi tsü nührünü nührü Tsingrangepü yoba I U lile.

JOHAN 8:55

Nührünü abi khodesü mümüdhe, ta Ihnü abi müdhele. Ihnü abi mümüdhepü yokhang, nührü kyo Ih arahkhehrü. Ta Ihnü abi müdhele, ko Ihnü abi yocho nyire.

RIWÜRÜTI NGUCHI 17:23

Tunüo nührü yangdila nührü mübübati chah dhing rachide, Ihnü bholu khüdu chah hita thrah ngucho, ‘Mümüdheba Tsingrang khüdu khyang.’ Nührünü mümüdhepü mübüba nengdang tsü Ihnü nührü te sobhore.

RIWÜRÜTI NGUCHI 26:9

“Ihnüsü Nazaret-rü Jisu nyümnü I kohcho nguchinungepü lümcho.

RIWÜRÜTI NGUCHI 3:17

“Ko ade jünirüti, nührü ko nührü langnürütinü Jisu chah tu nguchicho hütsü nührünü mümüdhechonüepü Ihnü müdhele.

RIWÜRÜTI NGUCHI 4:17

Ta hiba khiyu alaa nyitsarü yola müsobhosohnung nengdang, hiko khodesü Jisu nengla sütesü müchochinung hiri nyitsarü khyang yuzeng jünung.

RIWÜRÜTI NGUCHI 5:41

Riwürüti Ashimükhong lanü künyangseh tsicho, tunüo Jisu khyanglangnü chongchanung tsü Tsingrangba-nü arüh dekhing khichicho.

RIWÜRÜTI NGUCHI 9:14

Ko nüh mübürüti atümung rangnung nengdang bebü ayingti chahnü tase bipü Damaskas la ro lile.”

RIWÜRÜTI NGUCHI 9:16

Ko I nengdang abi khüta chongchanung Ipunü abi te ngusohnung.”

ROMRÜ 1:28

Arüh lasih la Tsingrangba yuje lümlong tsü müyohpüchonü, abinü arüh athsangnyang lümlong khyang khakhuchüjücho; hütsünü amünguchiba arühnü nguchire.

1 KORINTRÜ 15:34

Nührü lümlong amüchonglang thalieng ko adelü amünyi tübichi. Ihnü nührü shahsohnung yore, nührü yola khürünü Tsingrangba mümüdhe.

1 KORINTRÜ 2:8

Limih yangthsarü sünüsü hiba lümlong tsü mümüdhe. Arühnü hi müdherelang, arühnü ahechi Abüdongba mühamkehnung.

2 TESALONIKARÜ 1:8

mihmüle la ronang, Tsingrangba mükhyüchorü ko Abüdongba Jisu Yuse atsa yocho münyirüti khingchinung.

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

3 JOHAN 1:7

Tunüo arühnü Khrista nengdangnü müyudsirü chahnü tusü mükhyüpü shemüsuko.

MISHACHO 2:3

Nüh arangcho, nühnü I khyanglangnü chongchako, ko nüh mükyah.