JOHAN 15:18 - AMÜSA BAIBEL (BSI)

¹⁸ “Limihnü nührü thrünyikhang, hinü Ih akhu thrünyichoepü nührünü lümchehng.

JOHAN 15:18 Iomraidhean Croise

1 YANGTHSARÜTI 22:8

Ahab-nü lalingcho, “Imla tsurü Mikaia lile. Ta Ihnü abi thrünyire, tunüo khodesü abinü I nengdang atsa müchoyohre.” Jehoshafat-nü yocho, “Nühnü hütsüta tücho!”

CHOYOH 29:27

Amüsanü amütsa thrünyire, ko amütsanü amüsa thrünyire.

ISAYA 49:7

Dee mükhimüngupü liba, yuchotinü thrünyiba ko yangthsarüti dikehba te, Israel Amüsa Tsingrang ko khümchobongnü yore: “Nührü lehchehcho yangthsarünü ngunung; ko jengreng jünung yamüsunung; yangthsarü tsurütinüsü hütsü ngunung, ko nührü jingte mükhukehnung.” Hi tikehnung, tunüo Abüdongba-nü Abi dikehrü throchehko; Israel Amüsa Tsingrang-nü Abi anyengchocho yohpüre.

ISAYA 53:3

Ihsanü abi mükhimünguko ko abi mükhyücho; abinü chongcha ko adhsa rangko. Sünüsü abi chah adhing mii müdhingkeh, abi tulamüyoh kyo Ihsanü abi mükhimünguko.”

ISAYA 66:5

Abüdongba yu nyieng, nührü Abi drürü ko Abi yocho nyirüti: “Nührünü Ite yuje cho lichonü, nührübürü nyitsarü khürünü nührü thrünyicho ko nührü mükhiyohcho. Arühnü nührü münyodhing yocho, ‘Nührü künyangtacho ihrünü ngunungthsa, Abüdongba-nü Abi dicho ngusoh nührü khümchosohng.’ Ta arühbürü ashah khyünung!

ZEKARIA 11:8

I thrünyirü aparü san nyahrü asang te Ihnü mürangchocho, ko choo khüdu lanü arüh apüm iipehcho.

MATHI 10:22

I khyanglangnü nyitsarü atümungnü nührü thrünyinung. Ta sünü achangchi rangchonang abi du khümchonung.

MATHI 24:9

“Hütsüde nührü rangnü khingchisohnung ko süsohnung khakhuchüjünung. I khyanglangnü amüi tsurü atümungnü nührü thrünyinung.

MATHI 5:11

“Nührü I mono thsacho ngang khode nyitsarünü nührü müchümükehnang ko dhsümthsedhsümlohnang ko nührü nyüm arahkheh apüm yonang nührü akünyangnung.

MARK 13:13

I thsacholanü atümungnü nührü thrünyinung, ta sünü achangchi rangchonang abi khümchonung.

YUSE ATSA LUK 6:22

“Nyitsarü Tsurü thsacholanü khode nyitsarünü nührü thrünyinang, mükhyüchonang, müchümükehnang ko nührü amünyiepü yonang, nührü akünyangnung!

JOHAN 16:1

“Nührü yudsi lanü müshehlisohnung nengdang Ihnü nührü te hi yopehko.

JOHAN 16:33

Nührü Ite li atbachi ngunung nengdang Ihnü hi nührü te yoko. Limih la nührü chongcha roto lile. Ta rezehng! Ihnü limih kohko!”

JOHAN 3:20

Sünü amütsa nguchiro abinü atsingse thrünyire ko atsingse yang müronung, tunüo abinü amütsa nguchiti tsü müngusohnyüre.

JOHAN 7:7

Limihnü nührü thrünyirü mah, ta Ih thrünyire, tunüo arüh münyi nguchi nengdang Ihnü yuzi jüre.

RIWÜRÜTI NGUCHI 14:22

Arühnü yudsirüti rezehsohcho ko yudsila drengdreng linung thsüchicho. Arühnü docho, “Tsingrangba yanglih la züdunung nengdang chongcha adrong khunungbae.”

IBRIRÜ 12:2

Ihsanü Jisu, sü chah adikeh lanü achangchi Ihsa yudsi ngakeh liro abi chah dhingkeh linung. Aronung liba akünyang tsünü ashah tsü mükhichi khala chongcha tsü abinü rangchocho, ko ade abi Tsingrangba pümji tsalang pümle.

JAKOB 4:4

Yujemücho nyitsarüti! Limih te shangrüthsaba tsü Tsingrangba münyehrüepü mümüdherü do? Sünü limih te shangrüthsanyüro, abinü apu jangjang Tsingrangba münyehrü kangre.

1 JOHAN 3:1

Dhing Aunü Ihsa khütoh-i müicho! Abi amüi dirachonü Ihsa te Tsingrangba tsurü pü dsire, hütsü roh-i yuje, Ihsa abi tsurüti lile. Hütsünü limihnü Ihsa mümüdhere: tunüo limihnü abi mümüdhe.

1 JOHAN 3:13

Hütsüeko jünirüti, limih nyitsarünü nührü thrünyikhang tünyemüyang.

1 JOHAN 3:3

Khrista chah sünü hiba alongdi liro arühnü khüroh-i Khrista amüsa hütsü roh-i apu jangjang müsa yohpüre.