JOHAN 15:14 - AMÜSA BAIBEL (BSI)

¹⁴ Ko Ihnü nührü te tu mülaro hütsü nührünü nguchikhang, nührü I müyangrü.

JOHAN 15:14 Iomraidhean Croise

1 YANGTHSARÜTI 4:5

Governor ayingba: Nathan tsurü Azaria Lümlongjürü: Nathan tsurü bebüba Zabud

2 YANGTHSARÜTI 18:6

Abi Abüdongba te yuje cho licho ko khodesü yocho münyi mühle, ta Abüdongba-nü Mosa khyang jücho yuzengti apüm bichicho.

2 ROHTHÜP 20:7

Nüh ihrü Tsingrang, Nü müyurü hiba lih yang rode hila lirü nühnü iipehjüpü Nü shangrü Abraham chahnü trahchocho khyang arühtoh arüh yo thsanung jücho.

NÜCHEHCHO 7:6

Mosa e Aron nyühnü Abüdongba-nü yocho kyo nguchicho.

CHOYOH 18:24

Khürü shangrü thsacho zah threhre, shangrü khürü jünirü tenü awüba müitare.

SOLOMON KHI 5:1

I tbü la Ih züroko, I müitpü, I nitpü. Ih axümlichi ko müchiji khyübülungre; Ih thsakukih müthsüpre; Ih yongkha ko nyikih yongre. Amüinü mümüchade, I müibong, tsung, yong!

ISAYA 41:8

“Ta nüh, I dikehrü Israel, Ihnü throchehba nyitsarü tsü nührü, I shangrü Abraham chahnü trahchocho.

JEREMIA 32:23

Ta arühnü ro hiba lih khyüde, Nü yuzeng mübichi mahkhang Nü adoba roh-i müli; ko Nühnü yocho tusü arühnü münguchi. Hütsü khu Nühnü achangba hiri arüh chah tikehsohcho.

EZEKIEL 12:7

Abüdongba-nü yocho roh-i Ihnü nguchicho. Hütsü nyümong atsichirü kyo Ihnü I jengki tacho, ko hütsü anyüzehlang ma rode, züdi la tsü I khehnü akhi juphoh hütsü khu chüducho. Atümungnü dhingyade, Ihnü shüta tsü I pünurü chah dhikeh dhipü tsicho.

MATHI 12:50

Sünü ninglang liba I U lümcho nguchinang abi tsü I jünirü, I jünilarü ko Itpa.”

YUSE ATSA LUK 12:4

“Ihnü nührü te yore, müyangrüti, sürünü afü du müpsehnung kohrüma akhanglang tu nguchinung mükohro arüh tüdrü.

JOHAN 13:17

Adelü nührünü hiba yuje tsü müdheko, nührünü hütsü bichikhang nührü khütoi akünyang thsanung!

JOHAN 14:15

“Nührünü Ih müikhang, I yuzeng bichinung.

JOHAN 14:21

“Sünü I yuzeng khyüchoro ko hütsüri bichiro abinü Ih müire. Sünü Ih müiro; I U-nü abi müinung ko Ihnüsü abi müinung ko abi te Ipu mishanung.”

JOHAN 14:28

‘Ih tsire, ta nührü yang thali ronungepü nührü te yocho nührünü yuchiko.’ Nührünü Ih müire langlü, Ih Au yanglang wüba tsü nührünü künyangbae, tunüo abi I tenü adiuba.

JOHAN 2:5

Hütsüpü Jisu atpanü kulirüti te yocho, “Abinü nührü te tu yonang nguching.”

JAKOB 2:23

Ko amüsa yu tikehcho, “Abraham-nü Tsingrangba chah yudsicho, ko abi yudsinü Tsingrangba-nü abi amüsa kang khyüchocho. Hütsünü Abraham te Tsingrangba shangrü” pü dsicho.

1 JOHAN 5:3

Tunüo Ihsanü Tsingrangba müireba tsü abi yuzeng bichicho du tsü lile. Ko abi yuzengti tsü Ihsa nengdang dee amülinglü mah,

RUTH 3:6

Achotsü Ruth-nü pungkhyanglang tsü jowücho ko anii atpanü yocho roh-i du nguchicho.