JOHAN 15:1 - AMÜSA BAIBEL (BSI)

¹ “Ih shükusishü khung, ko latbü thsaba tsü I U lile.

JOHAN 15:1 Iomraidhean Croise

SOLOMON KHI 7:12

Ihsanü mütoh suronung ko shükusih tsü müzinang ko shükusih shü tsü müpichehnang dhingnung. Hütsüla Ihnü nü khyang I amüi jünung.

ISAYA 4:2

Abüdongba-nü alih la singdonglidong apüm khyang adhingtang ko amülah zisohnung becho chihle. Nying lirü Israelrü atümungnü alihnü tsahma chürosohchola künyangnung.

ISAYA 60:21

Nührü müyurü apümnü tu athsalang hütsü nguchinung; ko alih tsü arühtoh khyünung. Ihnü arüh khyümcho, Ihnü arüh thricho, Atümung te I dicho mishanung nengdang.

ISAYA 61:3

Zion la meshürü khyang alongri mülih akünyang ko alongphi, awah mülih anengse jünung nengdang. Arüh atümungnü yuje du nguchinung, ko abinü nguchicho ngang Tsingrangba nengsenung.

JEREMIA 12:10

Shuparü yangthsarü adrongnü I shükusih yo thsangnyangjüko; arühnü I luh dhrümnahjüko; arühnü aditpangnung I lih lipilih kangsohko.

JEREMIA 2:21

Ihnü nüh shükusih atsauba majüh kyo nüh khyümcho. Ta nüh tu kangcho dhing! Nüh asühcho amükhyu shükusih kyole.

EZEKIEL 19:10

Nü tpa tsü yongkhi te khyümcho shükusishü kyo licho. Kih thangchi lichonü, shükusishü tsü ava ko asihnü mütsenglüp licho.

HOSEA 10:1

Israel tsü asihnü mütsenglüpba shükusih kyo licho. Arüh alaa pungrohiroli, arühnü bholu alaa du külüplicho. Arüh lihnü amüwa alaa chürosoh li, arühnü mübüba amüsa lung tsü alaa atsau külüplicho.

ZEKARIA 3:8

Hütsüeko nyieng, Joshua, nüh Bebü Amungthriba; ko abi te müjang bebürüti nyieng, nührü aronung suro atsa: Ajengza dsiba I dikehrü mishajünung!

MATHI 15:13

Jisu-nü yocho, “Ninglang liba I U-nü müchisicho apüm rohpehnung”

MATHI 20:1

“Ninglang Yanglih tsü hi kyole. Shikhe khüdu nyüh khüdunü abi shükusiluh la nguchisohnung nyükheh mülihnung anyangnyü mütoh wücho.

MATHI 21:33

“Jisu-nü yocho, Yukitaba apa khüdu nyieng,” “Shikhe khüdu alih abüdongrü khüdunü shükusiluh khüdu thsacho, ko hütsü mükang tbü tbücho, anyehnung akhi jucho ko roshengvi khüdu thsacho. Hütsüpü anguchirü khyang luh tsü dhingyeh pehjüpü shitsehnung wücho.

MARK 12:1

Achotsü Jisu-nü arüh te yukitabanü chotacho: “Shikhe khüdu nyüh khüdunü shükusiluh thsacho, ko tbünü tbütipü anyehnung shukuh jucho, ko roshengvi khüdu thsacho. Hütsüpü anguchirü khyang luh tsü yuthsahsohnung jüpü shitsehnung tsicho.

YUSE ATSA LUK 13:6

Hütsüpü Jisu-nü arüh te yukitaba hi yocho: “Shikhe khüdu nyüh khüdu abi shükusiluh la ngurüsing khüdu yacho. Abinü hütsü chah asih dhingnung wücho, ta müngucho.

JOHAN 1:17

Tsingrangba-nü Yuzeng tsü Mosa khu jücho, ta achomang ko yuje tsü Jisu Khrista khunü rocho.

JOHAN 1:9

Yuje atsingse tsü limih la ro amüi tsurü atümung chah vijüre.

JOHAN 15:2

I chah liba asih müsihba ajengza tsü abinü kyopehre, ko asih sihba jengza tsü asih alaa sihsohnung abinü hütsü dhrükehjüre.

JOHAN 6:32

Jisu-nü yocho, “Ihnü yutsatsa nührü te yore: Nührü khyang ninglangnü tsuyongnung jüba tsü Mosa mah; ta ninglangnü yuje tsuyongnung jüba tsü I U nüe.

JOHAN 6:55

Tunüo I shuh yuje atsuba; ko I shüh yuje ayongba.

ROMRÜ 11:17

Akhyümcho olive singjengza khürü kyüsahpü rangmü olive singjengza chah chikehsohre. Nührü yangpirü tsü hütsüba rangmü olive sing tsü kyole, ko ade nührünü Jihudarü amüwa changtare.

1 KORINTRÜ 3:9

Tunüo ihrü Tsingrangba nengdang müjang nguchirü, ko nührü Tsingrangba luh.

1 JOHAN 2:8

Ta ade Ihnü nührü yang thrahba yuzeng hi asi lile, tunüo hütsü yuje tsü Khrista chah ko nührü chahsü nguko. Tunüo ama tsü khu tsile, ko yuje atsingse tsü viyale.