JOHAN 14:2 - AMÜSA BAIBEL (BSI)

² I U kuh la alichah khütang lile, ko Ih nührü nengdang alichah rungnümnung würe. Hütsüta mahrelang Ihnü nührü te yobae.

JOHAN 14:2 Iomraidhean Croise

YUSE ATSA LUK 14:22

Tunyah mülipü kuliba tsünü yocho, ‘Adirü nühnü yocho roh-i nguchiko ko adesü pümji alaa lile.’

JOHAN 13:33

I tsurüti, Ih nührü te anyahli mülinung. Nührünü Ih yangchinung, ta Ihnü Jihudarü langnürüte yocho roh-i, ade Ihnü nührü te yore, ‘Ih khüilang würo hütsülang nührünü mürochehnung.’

JOHAN 13:36

Simon Peter-nü abi te tsingdhingcho, “Abüdongba, nüh khüilang wünung?” Jisu-nü lalingcho, “Ih khüilang wünang nühnü adelü mürochehnung; ta akhanglang du iirochehnung.”

JOHAN 14:28

‘Ih tsire, ta nührü yang thali ronungepü nührü te yocho nührünü yuchiko.’ Nührünü Ih müire langlü, Ih Au yanglang wüba tsü nührünü künyangbae, tunüo abi I tenü adiuba.

JOHAN 16:4

Khode arühnü hiri nguchinung nyümong chii ronang, Ihnü nührü te yochoeko nührünü lümchehnung nengdang Ihnü nührü te hi yoko. “Ihnü adikehla nührü te hiri müyo, tunüo Ih nührü te licho.

JOHAN 17:24

“Uwa! Nühnü arüh I khyang jücho, hütsünü Ih khüde linang arüh hütsüla lisohnyüre; ko nühnü I khyang jüba Ih ahechi tsü arühnü ngunung, tunüo limih müthridenü nühnü Ih müicho.

RIWÜRÜTI NGUCHI 9:16

Ko I nengdang abi khüta chongchanung Ipunü abi te ngusohnung.”

2 KORINTRÜ 5:1

Tunüo limih la ihrü lichah shükuh hi thsangnyangnye, Tsingrangba chahnü khehnü müthsacho lede nengdang ninglanglih la kuh khüdu lilepü ihrünü müdhele.

1 TESALONIKARÜ 5:9

Tunüo Tsingrangba-nü abi rihlong nengdang mah, ta Ihsa Abüdongba Jisu Khrista ro nyümong Ihsa akang linye ko sünye,

TITAS 1:2

Tsingrangba sünü arahkheh müchoro, abinü hiba akang tsü adikeh lanü Ihsa te nyengchocho,

IBRIRÜ 11:10

Amüdongkehsing atsa la Tsingrangba-nü thri thsacho yangdi khüdu nengdang Abraham-nü yingcho.

IBRIRÜ 13:14

Tunüo hiba lih la Ihsa nengdang lede shulüm yangdi mühle; aronung liba yangdi khüdu nengdang Ihsanü yingre.

IBRIRÜ 6:20

Hütsüla Jisu-nü Ihsa nengdang Ihsa müngu züduko, ko lede nengdang Melkizedek chung la amungthriba bebü kangcho.

IBRIRÜ 9:8

Amüsauba Müdüm la züdunung tsü akhudiba chongsah litashilü lang khangthru mühlepü Anbü Amüsanü tsidsa yore.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko

MISHACHO 21:2

Ko kulangwütpünü anii shirünung jengki khyücho kyo rungnümpü Amüsa Yangdi, asi Jerusalem tsü Tsingrangba chahnü ninglangnü jürochi Ihnü ngucho.

MISHACHO 3:12

Sünü kohro abinü I Tsingrang kuh la Ihnü dongdi khüdu kangsohnung, ko hütsüla tsünü abi khodesü müshehnung. Ihnü abi chah I Tsingrang neng ko asi Jerusalem I Tsingrang yangdi neng khüiba I Tsingrang chahnü ninglangnü jüronung, hütsü thrahnung. Ihnü abi chah I neng asi sü thrahnung.

MISHACHO 3:21

Ihnü kohpü ade I U te abi yangthsaba pümji la pümcho kyo, sünü kohro abi Ite yangthsaba pümji la pümsohnung.