JOHAN 13:18 - AMÜSA BAIBEL (BSI)

¹⁸ “Ihnü nührü atümung nengdang müchore; Ihnü throchehrü Ihnü müdhele. Ta amüsa yunü hita yocho tikehnungbae, ‘Ite marita tsuba tsü Ih nyüm yacho.’

JOHAN 13:18 Iomraidhean Croise

NENGSEKHI 41:9

Ihnü longlangba, I shangrükhung, tbhü khüdula marita tsuba, abinü mii Ih nyümpehko.

JEREMIA 41:2

Arüh atümung tsuyong yade, Ishmael ko nyüh dhüre tsünü arüh nohsheng tphahcheh Gedalia kyüsehcho.

MATHI 10:36

arorüh amütsauba tsü abürü kukhi la lirüti thsanung.

MATHI 26:21

Yangtsu chah tsü Jisu-nü yocho, “Ihnü nührü te yore, nührü yola nyüh khüdunü Ih kihyochünung.”

MATHI 26:23

Jisu-nü lalingcho, “Sünü tbhü la Ite abi hümdhse dhsangro abinü Ih kihyochüjünung.

MARK 14:17

Khode nyüzehcho, Jisu-nü mono dhüreanyüh yola rocho.

MARK 14:18

Ko arüh tsingthsang chah yangtsu pümde, Jisu-nü yocho, “Ihnü nührü te yore, Nührü yola Ite yangtsurü khüdunü Ih kihyochüjünung.”

MARK 14:20

Jisu-nü lalingcho, “Hütsü nührü dhüreanyüh yola khüdu, sü hümdhse I tbhü la dhsangnang abi thsanung.

YUSE ATSA LUK 22:21

“Ta dhing! Ih kihyochüjünung tsü hila Ite tsingthsang chah lile!

JOHAN 13:21

Jisu-nü hi yoko khanglang, alüm dee tohchonü abinü khohcheh yocho, “Ihnü nührü te yutsatsa yore; nührü yola nyüh khüdunü Ih kihyochünung.”

JOHAN 13:22

Abinü sükhu yorünang nyekanü monotinü arüh-e arührü dhingtacho.

JOHAN 13:26

Jisu-nü lalingcho, “Ihnü hikih la hümdhse dhsangpü sü khyang jünang hütsü abi thsanung.” Hütsüpü abinü hümdhse azikyah khyo dhsangcho, ko hütsü Simon Iskariot tsurü Judas khyang jücho.

JOHAN 15:16

Nührünü Ih throchehcho mah; ta Ihnü nührü throchehcho ko nührünü wünü singsih khütango sihsohnung Ihnü nührü jehsohcho. Hütsünü nührünü I nengla tuturü chingnang Aunü hütsü nührü khyang jünung.

JOHAN 15:19

Nührü limih yoerelang, abi yo roh-i nührü müiba thsako. Ta hiba limih lanü Ihnü nührü throchehcho, ko nührü abi yo mah; hütsünü limihnü nührü thrünyire.

JOHAN 15:25

Ta hütsü arüh yuzeng la thrah licho tikehnungba licho: ‘Arühnü amükangnü Ih thrünyicho.’

JOHAN 17:12

Ih arüh te lide nühnü I khyang jüba nü neng zii tsünü arüh khümcho yohpücho. Ihnü arüh tsungticho, ko amüsa yu tikehsohnung sü chahnung licho, abi chah khu arüh süsü müchah.

JOHAN 18:32

(Hiba hi Jisu-nü abi khütari asübanü sünung chocho, hütsü tikehnung nengdang.)

JOHAN 19:24

Rothsarütinü arüh-e arüh-rü chotacho, “Ihsanü hilü mürehnahnung; ta zii thsadhingpü sü chah thsakehnang abi khyünung. Hiba hi amüsa yu tikehsohnung nengdang licho: “Arühnü I shü arüh yola changtacho, ko I pümkhüm nengdang zii thsadhingcho.” Hütsüta rothsarütinü nguchicho.

JOHAN 19:36

Amüsa yunü “Abi chah arüh khüdusü müthsangnyang” pü yocho tikehsohnung hi nguchicho.

JOHAN 21:17

Asangpiusü Jisu-nü yocho, “Johan tsurü Simon, nühnü Ih müirü mah-o?” Ko Jisu-nü asangpili, “Nühnü Ih müirü mah-o” pü yochonü Peter longyücho. Hütsünü abinü abi te yocho, “Abüdongba, nühnü lüpcho müdhele; Ihnü nüh müirepü nühnü müdhele!” Jisu-nü abi te yocho, “I Santi xüküm.

JOHAN 6:70

Jisu-nü lalingcho, “Ihnü nührü dhüreanyüh müthrochehcho do? Ta nührü yola nyüh khüdu motsing lile.”

RIWÜRÜTI NGUCHI 1:16

Jünirüti, “Jisu rangrü te lang thonguba Judas nengdang Anbü Amüsanü David khu choyohchoba amüsa yu tsü tikehnungbae.

RIWÜRÜTI NGUCHI 1:2

abinü nguchicho ko docho apüm nengdang Ihnü thrahko. Abi nükeh mütsiede, abi riwürüti thsanung throchehchoti khyang abinü Anbü Amüsa zii khu athülaba jücho.

2 KORINTRÜ 4:5

Tunüo ihrünü abürü nengdang thsingyurü mah; ta Jisu Khrista tsü Abüdongbaepü ihrünü Jisu khyanglangnü nührü dikehrüepü thsingyure.

IBRIRÜ 4:13

Tsingrangba tenü rangnung tusü mühle; athricho lüpcho abi nah te misha lile. Ko abi te Ihsa atümung palu nguchi hüm nguchisohnung lile.

MISHACHO 2:23

Abükyü khanglang iiwürüsü atümung Ihnü kyüsehnung, hütsüpü du lithroti apümnü nyitsarü müipi lümcho müdhebong tsü Ih-epü müdhenung. Ihnü nührü nyitsarü müipi khyang palu nguchi aleng jünung.