JOHAN 13:14 - AMÜSA BAIBEL (BSI)

¹⁴ Ih, nührü Abüdongba ko Adobanü ade tsatsa nührü jing thsütohjüko. Khang, nührünü khüunü khüu jing thsütohjütang.

JOHAN 13:14 Iomraidhean Croise

JOHAN 11:2

(Mary hinü Abüdongba jingchah axümlichi tuji tungkehjüpü abükyü kuvanü nipehjücho; füdhsaba tsü abükyü ani Lazarus licho.)

RIWÜRÜTI NGUCHI 20:35

Hütsüta müküp nguchinü Ihsanü sumüzehrü tronungbae ko Abüdongba Jisu apunü ‘Khyüchocho tenü jücho alaa amüwanung pü yocho yu lümchehnung nengdang, lüpchola Ih nü khyang ngusohko.’ ”

ROMRÜ 12:10

Jünirü roh-i khüdunü khüdu te müitaang, ko khüdunü khüdu te jengreng jütanungla longphieng.

ROMRÜ 12:16

Atümung te kehta lieng; tümüthseh, ta alonglümrü te shangrü thsaang. Nü müdhecho la tülonglang.

1 KORINTRÜ 12:3

Tsingrangba Nbünü nüchirü sünüsü, “Jisu chokehcholaang” pü müyonung ko Anbü Amüsanü münüchikhang sünüsü, “Jisu tsü Abüdongbaepü” müyonungepü Ihnü nührü khyang müdhesohnyüre.

1 KORINTRÜ 8:13

Hütsüeko, tsuyongnungnü I jünirü müthikehsohkhang, Ihnü I jünirü mümüthikehsohnung nengdang khodesü shuh mütsunung.

2 KORINTRÜ 10:1

Ih, Paul-nü nührü te Ipu nengdang kihchire. Ih nührü yola lide alonglüm ko aküna, ta nührü tenü za lide akako. Khrista alonglüm ko aküna ko amüi khu Ih nührü yanglang rode zii müchürosohnung kihchire;

2 KORINTRÜ 8:9

Nührünü Ihsa Abüdongba Jisu Khrista achomang müdhele; abi alirü thsanye abi iilümcho khu, nührü alirü kangsohnung khyanglangnü abi ailümrü kangcho.

GALATIARÜ 5:13

Jünirüti, nührülü nyüjeba nengdang dsicho. Hütsünü hiba nyüje tsü nührü shutsa müruba nengdang tübichi, ta amüinü khüdunü khüdu dikehtang.

FILIPIRÜ 2:11

Ko Au Tsingrang khyang ahechi jo atümungnü Jisu Khrista tsü Abüdongbaepü misha nyengchonung.

1 TIMOTI 5:10

nguchi atsa nguchi licho; tsuzarü athsalangnü nümüsucho, shirü tsa kangcho, khristan jünirü nengdang atsa nguchicho, chongcharü trocho, ko atsa nguchinung la akang khakhuchüjücho, hitari du khiyohng.

IBRIRÜ 12:2

Ihsanü Jisu, sü chah adikeh lanü achangchi Ihsa yudsi ngakeh liro abi chah dhingkeh linung. Aronung liba akünyang tsünü ashah tsü mükhichi khala chongcha tsü abinü rangchocho, ko ade abi Tsingrangba pümji tsalang pümle.

1 PETER 4:1

Khrista shutsa la chongchachonü, nührünüsü abinü lümcho roh-i nührü jangjang rezehchi lüm; tunüo sürü shutsa la chongcharo arüh adelü amünyi la mühle.

1 PETER 5:5

Hütsü roh-i, nührü azabarütinü azibarü pohki lieng. Ko nührü atümungnü azikyah kangbanü kihrümpü khüdunü khüdu dikehtang; tunüo amüsa yunü yore, “Tsingrangba-nü amüthsehrü yatire, ta alonglümrü khyang achomang jüre.”