JOHAN 13:1 - AMÜSA BAIBEL (BSI)

¹ Hütsü Phungkhu Thsüti bekhu nyümong thsacho. Jisu-nü hiba limih pehjüpü Au yanglang wünung becho chihkopü müdhecho. Abinü limih la sürü apu yo licho arüh lede müicho, ko abinü arüh achangchi müicho.

JOHAN 13:1 Iomraidhean Croise

CHOYOH 8:31

alimih te ko liküprü te künyang Abi müshüm Ih licho.

JEREMIA 31:3

Israelrünü akyahshang mükhyahde ashulanü arüh te shirücho. Israelrü, Ihnü lede nührü müicho, hütsünü Ihnü nührü te amüthrehba amüi mütozah ngusohre.

MATHI 26:45

Hütsüpü abinü monoti yang thali ro yocho, “Nührü ade yingcheh kyahshang yüpjorü ang? Dhing! Nyitsarü Tsurü tsü münyirü kheh la khakhuchüjünung becho chihko.

MATHI 28:20

Ko Ihnü nührü te tuturü mülacho apüm bichinung arüh te young, ko limih müchangde Ih nührü yola lede zeh linung.”

YUSE ATSA LUK 22:53

Amübükuh la Ih nührü yola nyümong mükhu licho ko nührünü Ih mürang. Ta amanü yangthsade, hi nührünü nguchinung bekhyah-e.”

YUSE ATSA LUK 9:51

Jisu ninglang nükeh tsinung shikhe chii rode, abinü Jerusalem lang shemüsunung dhrongchehcho.

JOHAN 11:55

Phungkhu Thsüti shikhe amünyeh licho ko thsüti bekhu arüh jangjang müsachehnung Jerusalem lang khütango tuwücho.

JOHAN 12:23

Jisu-nü arüh te lalingcho, “Nyitsarü Tsurü ahechi arangcheh khyüchonung becho chihko.

JOHAN 13:29

Judas tsü thsibong yohpürü thsachonü, Jisu-nü abi te thsüti nengdang arüh dhsütah wü lihnung mahkhang ailümrü khyang lango jünung yorepü mono yola khürünü lümcho.

JOHAN 13:3

Jisu-nü abi khyang Aunü zii apüm jükopü müdhecho; abi Tsingrangba chahnü rocho ko Tsingrangba yang würepü müdhecho.

JOHAN 13:34

Ko Ihnü ade nührü khyang yuzeng asi khüdu jüre: Nührü khüdunü khüdu te müitaang. Ihnü nührü müicho roh-i nührü khüunü khüu te müitaang.

JOHAN 14:28

‘Ih tsire, ta nührü yang thali ronungepü nührü te yocho nührünü yuchiko.’ Nührünü Ih müire langlü, Ih Au yanglang wüba tsü nührünü künyangbae, tunüo abi I tenü adiuba.

JOHAN 14:31

ta Ihnü Au müirepü limihnü müdhenung nengdang abinü I khyang yuzengjücho roh-i; Ihnü lüpcho nguchire. “Rung, Ihsanü hilanü tsinung.

JOHAN 16:28

Ih Au chahnü limih yang rocho; ko ade Ih limih pehjüpü Au yang würe.”

JOHAN 17:1

Jisu-nü yu hiri chopü, ninglang dhingnü yocho, “Uwa, becho chihko. Atsurünü nüh hechinungthsa, nü Tsudhre hechisohng.

JOHAN 17:16

Ih khüta limih yo mahro, hütsü kyo arühsü limih yo mah.

JOHAN 17:26

Ihnü arüh khyang nüh müdhesohcho, ko nühnü Ih müiba tsü arüh chah linung, hütsünü Ihsü arüh chah linung nengdang, Ihnü mütozah hütsü roh-i nguchinung.”

JOHAN 17:5

Uwa, limih müthride Ih nüte lide tu ahechi licho, hütsü ade nüpu linü hechisohng.

JOHAN 18:4

Jisu-nü abi chah tikehnung lüpcho müdhe licho, hütsünü bekhu chüdu arüh te tsingdhingcho, “Nührü sü yangchiro?”

JOHAN 19:28

Jisu-nü adelü lüpcho thümkopü müdhe, Amüsa yu tikehsohnung abinü yocho, “Ih xole.”

JOHAN 2:13

Hütsü Phungkhu Thsüti bekhüm chihcho, hütsünü Jisu Jerusalem lang wücho.

JOHAN 6:4

Ade Phungkhu Thsüti shikhe chii rocho.

JOHAN 7:30

Hütsüde arühnü abi rangnung müküpcho, ta sünüsü abi chah kheh müthahcho, tunüo abi becho müchiecho.

JOHAN 7:6

Jisu-nü arüh te yocho, “I nengdang akyang müchie. Ta nührü bekhyahlü lede lile.

JOHAN 8:20

Jisu-nü hiri apüm amübükuh la dode amübü Singdi yohpüjila chocho. Ko sünüsü abi mürangcho, tunüo abi akyang müchiecho.

ROMRÜ 8:37

Mah, hiri apüm lanü sünü Ihsa müicho, abi khu Ihsa akohrü tenü awüba.

1 KORINTRÜ 1:8

Ihsa Abüdongba Jisu Khrista Nyümongla nührü amülang mülisohnung shulüm abinü nührü achangchi drengdrengsohnung.

IBRIRÜ 3:14

Tunüo Ihsa adikehde roh-i achangchi drengdreng marehkhang, Ihsa Khrista la trümtarüe.

IBRIRÜ 3:6

Ta Khrista-lü Atsurü roh-i Tsingrangba Kuh michah longlangcheh axükümrü licho. Ihsa alongdi la rezeh ko longlangcheh likhang Ihsa abi kuh.

IBRIRÜ 6:11

Nührünü longdiba tsü yuje tikehnungthsa nührü müipinü palu alongphi tsü achangchi yohpünung amülah lile.

1 PETER 1:13

Hütsünü, nguchinung nengdang nührü lüm thsachehng. Jisu Khrista mishade nührü khyang jünung liba achomang nengdang mungkhung longdieng ko lümkang.

1 JOHAN 4:19

Tsingrangba-nü akhu Ihsa müichonü Ihsanü abi müire.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko