JOHAN 12:32 - AMÜSA BAIBEL (BSI)

³² Khode Ih alih lanü dhikehnang, Ihnü atümung Ipu yanglang no khyünung.”

JOHAN 12:32 Iomraidhean Croise

2 SAMUEL 18:9

Dhrongyengnü Absalom-nü David nyitsarü khürü dhsükehcho. Absalom tsü gadu khüduchah pümpü langsing khüdu pohki shangkhu tside, akuvanü singjengza chah xohlicho. Gadu tsü shang tsipehcho ko Absalom ninglang hohyaichipücho.

SOLOMON KHI 1:4

Nü yola Ih nüng, ko rang tsinung; nüh I yangthsaba kang ko nü yüpjilang Ih nowüng. Ihjüding müjang künyangtanung, mücha yongnung ko müitanung. Khingkurü atümungnü nüh müirepü müdhele.

ISAYA 11:10

Jesse ra lanü yuchoti te amüdhethsa yangthsarü asi khüdu chüronung nyümong tsehle. Arühnü abi yangthsaba yangdila shibülungnung ko abi khyang adhichi jünung.

ISAYA 49:6

Abüdongba-nü Ite yocho, “Nü nengdang nguchi adiu lile, I dikehrü. Nühnü amütrüh Israelrü tsü dikehsohnung du mah, ta liküprü khümchonung, Ihnü nüh yuchoti yanglang atsingse khüdu külüpnung.”

HOSEA 11:4

Ihnü arüh Ipu yanglang müinü norocho. Ihnü dhimüsu Ipu müchüp chah ngakehsohcho; Ihnü mükhurangpü arüh kangchehcho.

KHIDHINGCHO 21:9

Achotsü Mosa-nü imüyengnü mürü khüdu külüpcho ko tbütphü chah dhimüsu yohpücho. Sürü mükyühcho, arühnü hütsü chah kehchü dhingcho ko kyangcho.

JOHAN 1:7

Apümnü yusi tsü yuchi yudsisohnung nyitsarüte atsingse nengdang tsü yonung müthehcho.

JOHAN 12:34

Sühdi tsünü lalingcho, “Mesia tsü müchangkapü linungepü ihrü yuzengnü yore. Khang nühnü khütapü Nyitsarü Tsurü tsü dhikehnung pü yoro? Hiba Nyitsarü Tsurü tsü süo?”

JOHAN 18:32

(Hiba hi Jisu-nü abi khütari asübanü sünung chocho, hütsü tikehnung nengdang.)

JOHAN 19:17

Abinü apu khala dhipü, “Thahrü lih” pü dsiba lang wücho. (Ibri yula “Golgotha” dsire)

JOHAN 3:14

Mosa-nü tu khüta lipilih la imüyeng mürü dhikehcho, hütsü roh-i Nyitsarü Tsurüsü dhikehbae.

JOHAN 6:44

I riwüsohba Aunü I yang mütphahkhang süsü I yanglang mürocheh; ko achangka nyümongla Ihnü abi kanglisohnung.

JOHAN 8:28

Hütsünü abinü arüh te yocho, “Khode nührünü Nyitsarü Tsurü dhikehnang, nührünü ‘Ih tsü Abi’ epü müdhenung; hütsüde Ihnü I lümyunü tu müchore, ta I U-nü yocho du yorepü nührünü müdhenung.

GALATIARÜ 3:13

Ta Khrista-nü Ihsa nengdang chokehchola kangchonü, yuzengnü hiroba chokehchola lanü Ihsa lihchehko; tunüo amüsa yunü yore, “Sü sing chah tbengro abi chokehchola pohki lile.”

1 TIMOTI 2:6

sünü amüi tsurü atümung lihchehnung apu akang jücho. Tsingrangba-nü nyitsarü atümung khümchonyücho becho yuzi tsü hütsü thsacho.

IBRIRÜ 2:9

Ta Ihsanü Jisu, sü azachah nengdang ninglang riwürüti pohki külüpcho, hütsünü Tsingrangba achomang khu atümung nengdang sünungthsa kangcho abi ngure.

1 PETER 2:24

Ihsa amünyi la sünung ko amüsaba nengdang linung nengdang, Khrista apunü khala chah apu fü la Ihsa münyi hicho. Abi ihanü Ihsa kyangko.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

1 JOHAN 2:2

Ko Khrista apu tsü Ihsa münyi mülang pehjübong tsü lile, ko Ihsa münyi du mah, ta atümung mülang pehjürü lile.

MISHACHO 5:9

Arühnü khi asi khüdu thsacho: “Thrahlohcho tsü khyo ashingticho tsü khangthrunung nüh adekheng. Tunüo nüh müpsehcho, ko nüh sücho khu ahung, yucho, limih ko atrah müipi lanü Tsingrangba khyang nühnü nyitsarü lihchehjüko.