JOHAN 12:26 - AMÜSA BAIBEL (BSI)

²⁶ Sünü Ih dikehnyüro, abinü I khanglang iirobae, hütsünü Ih khüde linang I dikehrüsü hütsüla linung. Ko sünü Ih dikehro I U-nü abi dhichinung.

JOHAN 12:26 Iomraidhean Croise

NENGSEKHI 17:15

Ta Ihnülü Nüh ngunung, tunüo Ihnü amüthsalang tu münguchi; ko Ih jesude, Nü licho akünyangnü Ih jengnung.

NENGSEKHI 91:15

Arühnü Ih dside, Ihnü arüh te lalingnung; arüh thsamütsala lide, Ih arüh te linung. Ihnü arüh iichonung ko dhichinung.

CHOYOH 27:18

Sünü ngurüsih xükümro abinü asih tsunung, ko sünü abi michah lirü xükümro abi nengse ngunung.

KHIDHINGCHO 14:24

Ta I dikehrü Kaleb anbü pa lichonü ko Ite yochonyichonü, abinü jüchoba lih la tsü Ihnü abi noronung ko

KHIDHINGCHO 32:11

Arühnü Ite yuje müchochonü, Ijip lanü chürorü kang mükyü ko amilangrü süsü Ihnü Abraham, Isak ko Jakob-rü te nyengchoba lih la müzüdunung Ihnü yuchümcho.

MATHI 16:24

Hütsüde Jisu-nü amonoti te yocho, “Khürünü I khanglang ronyükhang, ajangjangthsa rahsehng, ko palu khala dhipü Ih iirung.

MATHI 25:21

Abüdongba-nü yocho, ‘Mahso, atsa ko longlangchehba kulirü! Nüh kuthsi azikyah müshonungla longlangchehcho, hütsünü Ihnü nüh kuthsi amülah müshonung nyümkehjünung. Nüh Abüdongba akünyangla zürung!’

MARK 8:34

Hütsüde Jisu-nü amülung ko amonoti abi yanglang dsinü yocho, “Khürünü I khanglang ronyükhang, abinü apu nbüchüpehbae, ko apu khala dhipü Ih iirung.

YUSE ATSA LUK 12:37

Kulirüti sürü abüdongba rode kukeng rungnüm li nguro arüh khüta akünyangnung! Ihnü nührü te yore, abinü apu jengki khyünung, arüh pümsohnung ko arüh khyang chahla jünung.

YUSE ATSA LUK 6:46

“Tuepü nührünü Ite ‘Abüdongba, Abüdongba’ pü dsiro, ta Ihnü yocholü mühnyiro?

YUSE ATSA LUK 9:23

Ko abinü arüh atümung te yocho, “Khürünü I khanglang ronyükhang, abinü abürü nbüchünungbae, ko nyümong mükhu palu khala dhipü I khanglang iirung.

JOHAN 10:27

I santinü I yuva nyire; Ihnü arüh müdhele, ko arühnü I khanglang iirore.

JOHAN 13:16

Ihnü nührü te yutsatsa yore: ayurü süsü Abüdongrü tenü adiuba mah, ko yusi hirü süsü riwüsohbong tenü adiuba mah.

JOHAN 14:15

“Nührünü Ih müikhang, I yuzeng bichinung.

JOHAN 14:3

Ko Ih wü nührü nengdang alichah rungnümko khanglang, Ih khüde linang hütsüla nührüsü linungthsa, Ih anyüpiu ro nührü nünung.

JOHAN 15:20

Ihnü nührü te yoba yu lümchehng: ‘Ayurü süsü abüdongrü tenü adiuba mah.’ Arühnü Ih dhsümthsekhang, nührüsü dhsümthsenung: arühnü I yu nyikhang, nührü yusü nyinung.

JOHAN 17:24

“Uwa! Nühnü arüh I khyang jücho, hütsünü Ih khüde linang arüh hütsüla lisohnyüre; ko nühnü I khyang jüba Ih ahechi tsü arühnü ngunung, tunüo limih müthridenü nühnü Ih müicho.

JOHAN 21:22

Jisu-nü abi te lalingcho, “Ihnü abi Ih müro yingcheh lisohnyücho ngang hütsü nühnü tonung? Yah Ih iirung!”

ROMRÜ 1:1

Paul, Jisu Khrista dikehrü khüdu ko Tsingrangba-nü abi Yuse Atsa thsingyusohnung throcheh dsiba riwürü chahnü.

ROMRÜ 14:18

Ko khode nyüh khüdunü hütsüta Khrista dikehnang, abinü Tsingrangba künyangsohre, ko nyitsarünü khyüchore.

2 KORINTRÜ 4:5

Tunüo ihrünü abürü nengdang thsingyurü mah; ta Jisu Khrista tsü Abüdongbaepü ihrünü Jisu khyanglangnü nührü dikehrüepü thsingyure.

2 KORINTRÜ 5:8

Ihrünü afü kuh lanü za Abüdongba te kuh la linung ihrü dee rezeh lile.

GALATIARÜ 1:10

Nyitsarünü hosohnung Ihnü chorü mah-o? Khodesü mah! Tsingrangba-nü hosohnyüre! Ih nyitsarü yola nengse yangchirü mah-o? Ihnü hütsü roh-i thsanung müküpkhang, Ih Khrista yurü khüdu mah!

FILIPIRÜ 1:23

Ih anyüh kahla khütang lümdhamare. Ihnü hiba akang hi pehjüpü Khrista te linyüre, tunüo hütsü deenü atsauba.

KOLOSIRÜ 3:24

Abüdongba-nü abi nyitsarüti khyang yohpüjüba tsü nührü khyang jiyünungepü lümkehng. Tunüo nühnü dikehba Khrista tsü yujeba Abüdongba lile.

KOLOSIRÜ 4:12

Nührü yola mono khüdu ko Jisu Khrista dikehrü Epafras-nü salüm müdhesohre. Tsingrangba lümcho la ayocho nyi nührü alümjing khristan khung kang drengdreng yachehnung nengdang abinü lede nührü shulüm Tsingrangba te khakhuchüjo dangkhidangnangjüre.

2 PETER 1:1

Jisu Khrista dikehrü ko riwürü Simon Peter chahnü— Ihsa amüsabong Tsingrang ko Kangchehjüba Jisu Khrista sü khu ihrü khyang roh-i thsidi yudsi jücho arüh yanglang:

1 JOHAN 5:3

Tunüo Ihsanü Tsingrangba müireba tsü abi yuzeng bichicho du tsü lile. Ko abi yuzengti tsü Ihsa nengdang dee amülinglü mah,

JUDA 1:1

Jisu Khrista dikehrü ko Jakob ani Juda chahnü— Sürü Tsingrangba-nü dsicho, sürü Au Tsingrang amüila liro ko Jisu Khrista atsungtiba la liro arüh yang:

MISHACHO 14:4

Khingkurü te mümükhongpü müdhsengcheh lirü tsü arüh thsacho. Sanza tsü khüdederü wünang arühnü abi khanglang iiwücho. Amüi tsurü yolanü arüh tsü lihchehcho ko Tsingrangba ko Sanza khyang akhudiba amübü tsü arüh kangcho.

1 SAMUEL 2:30

Ih, Abüdongba Israel Tsingrang, nührü tsutpu ko nü kukhinü shang apüm la I bebürü thsasohnung atsichola Ihnü nyengchoko. Ta adelü hütsü Ihnü müyohpünung. Hütsü mülih, I dhichirü Ihnü dhichinung ko I mükhimüngurü Ihnü mülangjü bichinung.