JOHAN 11:4 - AMÜSA BAIBEL (BSI)

⁴ Khode Jisu-nü hütsü yuchicho, abinü yocho, “Hiba füdhsa hi asünungthsa mah; hi Tsingrangba hechinung nengdang, ko hi khunü Tsingrangba Tsurü hechisohnung.”

JOHAN 11:4 Iomraidhean Croise

NÜCHEHCHO 16:7

Anyangnyü nührünü Abüdongba zehcho ahechi atsingse khu müdhenung. Abi nyümcho ko Abi nyüm nührü jümjümcho Abinü yuchiko, tunüo Ihsa Abinü thülacho khanglang du würe.”

JOHAN 10:38

Ta Ihnü hütsüri nguchikhang, nührünü I chah müyudsinye, I nguchi tsü yudsing, hütsünü Au I chah lire, ko Ih Au chah lirepü lede nengdang nührünü müdhenung.”

JOHAN 11:40

Jisu-nü abükyü te yocho, “Nühnü yudsikhang Tsingrangba ahechi ngunungepü Ihnü nüte müyocho mah-o?”

JOHAN 12:28

Uwa, nü neng hechisohng!” Hütsüde ninglangnü yuva khüdunü chotacho, “Ihnü hechijüko ko Ihnü adesü hechijünung!”

JOHAN 17:1

Jisu-nü yu hiri chopü, ninglang dhingnü yocho, “Uwa, becho chihko. Atsurünü nüh hechinungthsa, nü Tsudhre hechisohng.

JOHAN 17:10

I licho apüm nüyo ko nü licho apüm I yo; ko I ahechi tsü hütsüri khu ngusohre.

JOHAN 17:5

Uwa, limih müthride Ih nüte lide tu ahechi licho, hütsü ade nüpu linü hechisohng.

JOHAN 2:11

Jisu-nü hiba akhudiba thsayahiya tsü Galil lih Kana la nguchicho; hütsüla abi ahechi mishacho, ko monotinü abi chah yudsicho.

JOHAN 5:23

abinü atsudhre khyang yukhanung tase apüm jopehko. Sünü Atsurü jengreng müdrüro, abinü abi riwüsohba Au jengreng müdrüre.

JOHAN 8:54

Jisu-nü lalingcho, “Ihnü Ipu jangjang hechikhang, ahechi hütsü tu mah, sünü Ih hechiro abi tsü nührünü nührü Tsingrangepü yoba I U lile.

JOHAN 9:24

Anyüpiusü arühnü abi dsipü yocho, “Nühnü yuje du chonungepü Tsingrangba te nyengchoung! Nüh kyangjüba nyitsarü hi münyirü khüduepü ihrünü müdhele.”

JOHAN 9:3

Jisu-nü lalingcho, “Abi nahtohba tsü apu münyi mahkhang tpurü münyi nüsü mah, ta abi chah Tsingrangba zii mishanung nengdang.

ROMRÜ 11:11

Akhang: Jihudarü müthikehde, arüh athsangnyang la khülucho do? Khodesü mah! Tunüo arühnü münyi shitpahchonü, Jihudarü khyang mükhyahsohnung akangcheh tsü Yangpirü yang rocho.

FILIPIRÜ 1:11

Tsingrangba ahechi ko anengse nengdang, Jisu Khrista khu dunü jünung kohba amüsa sih atsa tsünü nührü akang jengsohng.

FILIPIRÜ 1:20

Ihnü dee mükhyahba ko alongdi tsü I nguchi la khodesü amükoh müjürosohnung, ta bekhyah ayung alathsa ade Ihnü rezeh linung, hütsü khu Ih akang linye, ko sünye I akang khu Khrista hechisohnung.

1 PETER 1:21

Abi khu asücho lanü abi kanglisohba ko ahechi jüba Tsingrangba chah nührünü yudsire; hütsü nührü yudsi ko alongdi Tsingrangba chah lile.

1 PETER 4:11

Jisu Khrista sü chah ahechi ko zii lede lidu liro, abi khu Tsingrangba khyang lüpcho la nengse jünungthsa, sünü thsingyuro abinü Tsingrangba yusi thsingyung; sünü dikehro abinü Tsingrangba-nü jücho re tsünü dikehng. Ahechi ko yanglih müchangkapü abi yo thsaang Amen.

1 PETER 4:14

Khrista mono thsacho khyanglangnü nührü mükhimüngukhang, nührü künyang; tunüo Tsingrangba ahechi anbü tsü nührü chah lile.