JOHAN 11:27 - AMÜSA BAIBEL (BSI)

²⁷ Abükyünü lalingcho, “Ho, Abüdongba! Alimih yang ronung liba Tsingrangba Tsurü Mesia tsü nüh-epü Ihnü yudsire.”

JOHAN 11:27 Iomraidhean Croise

MALAKI 3:1

Akohba Abüdongba-nü lalingre, “I lang rungnümnung Ihnü I yusi hirü müthehnung. Hütsüde nührünü yingba Abüdongba dhrongyengnü Abi amübükuh la ronung. Nührünü nahmürahba yusi hirü ronung ko I azengtacho sobhonung.”

MATHI 11:3

Arühnü Jisu te tsingdhingcho, “Johan-nü ronungeba tsü nüh a aparü khüdu longdinung, ihrü te young.”

MATHI 16:16

Simon Peter-nü lalingcho, “Nüh Mesia, akang liba Tsingrangba Tsurü.”

MATHI 16:20

Hütsüde Jisu-nü amonoti te abi tsü Mesia epü sütesü müyonung yuzengjücho.

YUSE ATSA LUK 2:11

Chünye David yangdila nührü Kangchehjüba Abüdongba Khrista tsü suroko!

JOHAN 1:49

Nathanael-nü lalingcho, “Adorü, nüh Tsingrangba Tsurü! Nüh Israelrü yangthsaba!”

JOHAN 4:42

ko arühnü khingkutpü te tsü yocho, “Nühnü yochonü mah, ta ihrübürünü yuchicho khu ade ihrünü yudsire, ko yuje abi tsü limih Kangchehjübaepü ihrünü müdhele.”

JOHAN 6:14

Jisu-nü nguchicho thsayahiya hi ngu, hütsüla nyitsarütinü yocho, “Limih lang aronung liba azikehrü tsü yuje hivie!”

JOHAN 6:69

Ko nüh Tsingrangba chahnü rocho Amüsaba tsüepü ihrünü adelü müdhele ko yudsire.”

RIWÜRÜTI NGUCHI 8:36

Anyüh jowüyade, kih azikyah licho müdüm khüdu chii rocho, ko adibong tsünü yocho, “Hila kih lile. Ih mübaptichehnungthsa tunü yatinung?”

RIWÜRÜTI NGUCHI 8:37

(Filip-nü yocho, “Nü lasih apümnü yudsikhang, nüh baptinung kohle.” Abinü lalingcho, “Jisu Khrista tsü Tsingrangba Tsurüepü Ihnü yudsire.”)

1 JOHAN 5:1

Sünü Jisu tsü Mesia-epü yudsiro abi Tsingrangba tsurü lile; ko sünü Au müiro abinü Atsurüsü müire.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.