JOHAN 10:36 - AMÜSA BAIBEL (BSI)

³⁶ Ihlü Tsingrangba-nü throchehcho ko hiba limih yang müthehcho. Khang, Ihnü Ih Tsingrangba Tsurüechonü khütapü Tsingrangba müchümükehrepü nührünü yoro?

JOHAN 10:36 Iomraidhean Croise

NENGSEKHI 2:2

Yangthsarütinü nyümre, langnürütinü be müjangpü Abüdongba ko Abinü throchehcho yangthsaba nyüm arah külüpre.

ISAYA 42:1

Abüdongba-nü yore, “Ihnü rezehsohba, I dikehrü hila lile, Ihnü throchehba, sü chah Ihnü longlangre. Ihnü I nbünü abi jengjüko, ko abinü yucho atümung khyang yuje jünung.

ISAYA 42:3

Abinü thoh akureng mükhyahsahnung mahkhang süsüp yaba dsi tsü mümehsohnung. Abinü atümung khyang müchangkaba yuje hirojünung.

ISAYA 55:4

Ihnü abi yuchoti michah langnürü ko anüchirü kangsohcho, ko abi khu arüh te I zii ngusohcho.

JEREMIA 1:5

“Nüh amila müthriedenü Ihnü nüh throchehcho, ko nüh müsuroedenü yuchoti yanglang azikehrü thsanung Ihnü nüh throchehcho.”

MATHI 27:43

Abinü Tsingrangba chah longlangre ko Tsingrangba Tsurü epü yore. Khang Tsingrangba-nü abi khümcho a mükhümchonang Ihsanü dhingdhingnung!”

MATHI 27:54

Jisu nyahrü rothsarü anüchiba ko rothsarütinü alihyo zingcho ko atikehcho apüm ngude, arüh drüsehcho, ko “Yujeba abi Tsingrangba tsurü thsako pü yocho.”

YUSE ATSA LUK 1:35

Riwürü tsünü yocho, “Anbü Amüsa nü chah ronung ko Tsingrangba zii nü chah linung. Hütsünü asuronung liba Amüsa azarüte tsü Tsingrangrü Tsurü pü dsinung.

JOHAN 10:35

Amüsa yunü tu yoro hütsü lede yuje-epü Ihsanü müdhele, ko sürü khyang abi yusi jücho, arüh te Tsingrangba-nü tsingrangrüti pü dsicho.

JOHAN 17:18

Nühnü Ih khüta limih yang müthehcho, hütsü roh-i Ihnü arüh limih yang müthehko.

JOHAN 17:21

Uwa! Nüh I chah ko Ih nü chah licho kyo, arüh Ihsa chah lisohng. Ih nühnü müthehchoepü limihnü müdhenungthsa, arüh khüdu kang lisohng.

JOHAN 17:8

Nühnü I khyang jüba yu tsü Ihnü arüh khyang jücho, ko arühnü hütsü khyüchocho; ko Ih nü chahnü roba tsü yuje Ih nühnü müthehchoepü arühnü yudsicho.”

JOHAN 19:7

Sühdi tsünü lalingcho, “Ihrü yuzeng khüdu lile ko hütsünü abi sübae, tunüo apunü abi Tsingrangba Tsurüepü yore.”

JOHAN 20:28

Thomas-nü abi te lalingcho, “I Büdongba ko I Tsingrang!”

JOHAN 20:31

Ta nührünü Jisu tsü Mesia, Tsingrangba Tsurü pü yudsisohnung, ko abi chah nührü yudsi khu akang ngunung nengdang hiri thrahcho.

JOHAN 3:17

Tunüo limih mülangjünung nengdang mah, ta abi khu limih khümchonung nengdang Tsingrangba-nü apu tsurü limih yang müthehcho.

JOHAN 3:34

Tsingrangba-nü müthehbong tsünü Tsingrangba yu chore, tunüo Tsingrangba-nü abi khyang Anbü ajeng jüre.

JOHAN 5:30

“Ihnü I jangjang tusü münguchicheh; Tsingrangba-nü Ite yocho roh-i du Ihnü khare, hütsünü I yukhaba tsü yuje, tunüo Ihnü I khyünyücho roh-i mah, ta I riwüsohbanü khyünyücho du nguchinung müküpre.

JOHAN 6:27

Sühtpah pehba tsuyongnung nengdang tünguchi, ta müchangkaba akang tsuyongnung nengdang nguching. Hiba tsuyongnung tsü Nyitsarü Tsurünü nührü khyang jünung, tunüo Au Tsingrang-nü abi chah akhyüchoba amüdhethsa shingkehjüko.”

JOHAN 6:38

tunüo Ipu lümcho nguchinung mah, ta I riwüsohba lümcho nguchinung nengdang Ih ninglangnü jürocho.

JOHAN 6:57

Akang liba Aunü Ih rosohcho, ko abi khu Ihsü lire. Hütsü kyo sünü Ih tsuro, Ih khu abi akang linung.

JOHAN 6:69

Ko nüh Tsingrangba chahnü rocho Amüsaba tsüepü ihrünü adelü müdhele ko yudsire.”

JOHAN 8:42

Jisu-nü arüh te yocho, “Tsingrangba tsü Yuje nührü Auelang, nührünü Ih müibae, tunüo Ih Tsingrangba chahnü rocho, ko hila lile. Ipu lümyunü müro, ta Ih abinü müthehcho.

ROMRÜ 1:4

amüsa lahpi, abi asücho lanü kanglisohcho khu Tsingrangba Tsurü thsanung zii amülah ngusohcho.

ROMRÜ 8:3

Nyitsarü sumüzehcho khu Yuzengnü khüi münguchichehcho, hütsü Tsingrangba-nü nguchicho. Shutsa ayah münyi mülangjü amünyi pehjünung nengdang amünyi shutsa la abinü apu Tsurü müthehcho.

ROMRÜ 9:5

arüh tsü anengkhong Ibrirü jümürüti chahnü trahchocho; ko shutsa lahpinü Khrista tsü arüh hung lanü lile. Tsingrangba sünü atümunglang yangthsaro, abi müchangkapü seing! Amen.

GALATIARÜ 4:4

Ta khode bekhyah adekheng tsü rocho; Tsingrangba-nü apu Tsurü müthehcho. Abi limih la atpa khüdu khu rocho,