JOHAN 10:24 - AMÜSA BAIBEL (BSI)

²⁴ Hütsüde nyitsarütinü abi mükang shibülungnü abi te tsingdhingcho, “Ihrü khütoi nyahli lümdhamasohnung? Ihrü te tsidsa young: Nüh Mesia tsü mah-o?”

JOHAN 10:24 Iomraidhean Croise

1 YANGTHSARÜTI 18:21

Elija-nü müyurü yanglang tsü küdu arüh te yocho, “Nührü lasih dhrongchehnung khütoi nyahli khyünung? Abüdongba tsü Tsingrangba thsakhang, Abi mübüng; ta Baal tsü tsingrangba thsakhang, abi mübüng.” Ta müyurünü yu tpah-o mii müchürocho.

MATHI 11:3

Arühnü Jisu te tsingdhingcho, “Johan-nü ronungeba tsü nüh a aparü khüdu longdinung, ihrü te young.”

MARK 8:32

Abinü arüh te hi dee tsidsa yocho. Hütsünü Peter-nü abi nükhu yübüchicho.

YUSE ATSA LUK 3:15

Nyitsarü alongdi alaa limüsucho, ko arühnü Johan tsü Mesia a mahnangpü lümcho.

JOHAN 1:19

Jerusalem la Jihudarü zirünü Johan yanglang abi te, “Nüh süo” pü tsingdhingnung Bebürü ko Levirü khürü müthehcho.

JOHAN 10:31

Hütsüde nyitsarütinü abi chah müpnung lung throcho.

JOHAN 10:33

Arühnü lalingcho, “Nguchi atsa nengdang Ihrünü nü chah müpnyürü mah, ta Tsingrangba müchümükehcho ngang! Nüh nyitsarü khüdu du, ta nühnü Tsingrangba kangnyüre!”

JOHAN 16:25

“Ihnü nührü te hiri yonung nengdang adüzü bichicho. Ta Ihnü adüzü mübichipü Au nengdang tsidsa chonung shikhe ronung.

JOHAN 8:25

Arühnü abi te tsingdhingcho, “Nüh süo?” Jisu-nü lalingcho, “Ihnü adikehdinü nührü te tu yocho, hütsüe.

JOHAN 8:53

Ihrü au Abraham süko; nüh Abraham tenü adiuepü yorü mah-o? Ko azikehrütisü süko. Nüh tsü süero?”

JOHAN 9:22

Jihudarü langnürü drüchonü abi tpurünü hütsüta yocho, tunüo sünü Jisu tsü Mesia epü yudsinang Sinagog lanü iipehnung arüh yutrümpü licho.

2 KORINTRÜ 3:12

Alongdi hi lichonü, ihrü müci dee mülahre.