JOHAN 10:16 - AMÜSA BAIBEL (BSI)

¹⁶ San kuh la müzehcho adesü I yo san apasü lile. Ihnü arühsü norobae; arühnü I yuva nyinung, ko arüh anyahrü khüdu pohki atii khüdu kangnung.

JOHAN 10:16 Iomraidhean Croise

LIPOH 49:10

Juda-nü yangthsaba ja binung, Ko abi trahnü lede yangthsanung. Yuchotinü abi khyang roh-tüpnung, ko ajingte mükhukehnung.

NENGSEKHI 86:9

Nühnü külüpcho yanglih apümnü ro Nü jingte mübünung; arühnü Nüh dicho senung.

THSINGYURÜ 12:11

Lümlong lirü choyoh yu tsü san-nyahrü imühi ja, ko izinü drengdreng hamkehcho akhyübülungcho yu kyole. Arüh tsü Ihsa atümung nyahbong Tsingrangba-nü jücho.

ISAYA 11:10

Jesse ra lanü yuchoti te amüdhethsa yangthsarü asi khüdu chüronung nyümong tsehle. Arühnü abi yangthsaba yangdila shibülungnung ko abi khyang adhichi jünung.

ISAYA 43:6

Ihnü kihku lahpi te arüh tsisohnung ko kihjing lahpi te arüh müranglinung yonung. I müyurü limih ashulangnü rosohng, lihküp lih apüm lanü.

ISAYA 49:6

Abüdongba-nü Ite yocho, “Nü nengdang nguchi adiu lile, I dikehrü. Nühnü amütrüh Israelrü tsü dikehsohnung du mah, ta liküprü khümchonung, Ihnü nüh yuchoti yanglang atsingse khüdu külüpnung.”

ISAYA 52:10

Abüdongba-nü Abi Amüsa zii bichinung; Abinü amüyurü khümchonung, ko hütsü liküprünü ngunung.

ISAYA 56:8

Akohba Abüdongba, sünü Abi nyitsarü Israelrü yangtsilangnü norocho, Abinü aparüsü arüh yola zehsohnung noronungepü nyengchoko.

EZEKIEL 34:12

Achangba ko amarürah nyümong arüh shupishuza pehba müdümti lanü Ihnü arüh thali noronung.

EZEKIEL 34:23

I dikehrü David kyo, Ihnü arüh san-nyahrü khüdu kangsohnung yangthsaba khüdu jünung ko abinü arüh xükümnung.

EZEKIEL 34:6

Hütsünü I santi akhang azong chah rachire. Arüh alimih tpah la tsishoko ko sünüsü arüh müyangchi mahkhang arüh yangchinung mümüküp.

EZEKIEL 37:22

Ihnü Israel zong chah ko lih la arüh yucho khüdu kang kehtasohnung. Arüh michah yangthsanung yangthsarü khüdu du linung ko adelü yucho anyüh kang müchangnahnung.

EZEKIEL 37:24

I dikehrü David kyo yangthsarü khüdu arüh yangthsarü linung. Yangthsarü khüdu pohki arüh kehtanung ko I yuzeng yuje cho bichinung.

HOSEA 1:10

Israelrü kihdi lihpi kyo mükhilong kangnung. Ade Tsingrangba-nü arüh te yore, “Nührü I nyitsarü mah” ta abinü arüh, “Nührü akang liba Tsingrang tsurütie” pü yonung thsale.

ZEKARIA 2:11

Hütsüde yucho adrong Abüdongba yang ronung ko Abi nyitsarü kangnung. Abi nührü yola linung, ko Abinü Ih nührü yang müthehchoepü nührünü müdhenung.

MATHI 17:5

Abi chota yade, nyükhi atsingse khüdunü arüh shüticho ko nyükhi la tsünü yuva khüdunü yocho, “Hiba hi Ipu amüiba Tsurü, sü chah I long kyangre, abi yocho nyieng!”

YUSE ATSA LUK 15:8

“Mahkhang adüzünü khingkurü khüdu taripi thsi dhüre licho la khüdu chahkhang, abükyünü tu nguchiro? Abükyünü dsi tahkehpü kuh wohnü hütsü müngude longi dhingre.

JOHAN 10:11

“Ih San nyahrü atsa. San nyahrü atsanü santi nengdang apu akang jüre.

JOHAN 10:2

Ta sünü trahtri khu züroro abi San anyahrü.

JOHAN 10:27

I santinü I yuva nyire; Ihnü arüh müdhele, ko arühnü I khanglang iirore.

JOHAN 10:3

Abi khyang trahtri nyahbanü kukhang khangthrujüre; ko abinü apu Santi anengnü dside arühnü abi yuva nyichehre, ko abinü arüh nücheh tsire.

JOHAN 10:4

Khode abinü arüh nüchehnang, abinü arüh belang würe, ko santinü abi khanglang iiwüre, tunüo arühnü abi yuva müdhele.

JOHAN 10:5

Arühnü aparü khanglang mü-iiwünung; ta hitari nyitsarü tenü arühnü tsicho tsinung, tunüo arühnü abi yuva mümüdhe.”

JOHAN 11:52

ko arüh nengdang du mah, ta tsisho liba Tsingrangba tsurüti afü khüdula nübülungnung nengdang abinü hi chocho.

JOHAN 17:20

“Ihnü arüh nengdang du kihchirü mah, ta arüh yusi khu sürünü I chah yudsiro arüh nengdangsü kihchire.

JOHAN 6:37

I U-nü I khyang jürü müipi I yanglang ronung. Ko I yanglang rorüh süsü Ihnü müpehnung,

RIWÜRÜTI NGUCHI 15:14

Tsingrangba-nü yangpirü akhu xükümcho amüdhethsa apu nyitsarü arüh yolanü nüchehcho ade Simon khu yuchiko.

RIWÜRÜTI NGUCHI 18:10

tunüo Ih nüte lile. Sünüsü nüh müdhsakehjünung, tunüo hiba yangdila I nyitsarüti adrong lile.”

RIWÜRÜTI NGUCHI 22:14

Abinü yocho, ‘Ihsa jümürüti Tsingrangba-nü abi lümcho müdhesohnung, abi amüsaba dikehbong ngusohnung, ko apu yuvanü cho yuchisohnung nüh throchehko.

ROMRÜ 11:25

Jünirüti, Ihnü nührü khyang arangyu khüdu müdhesohnyüre, tunüo hütsü khu nührü müdhecho du lümba lanü khümchonung. Israelrü lasih müküpba tsü lede nengdang mah, ta yangpirüti Tsingrangba yanglang pisa mürode du linung.

2 TESALONIKARÜ 2:13

Abüdongba-nü müiba jünirüti, nührü nengdang bekhyah apüm la ihrünü Abüdongba khyang anengse jüre. Tunüo yuje la nührü yudsinü ko nührü Tsingrangba amüsa nyitsarü kangnung Anbü ziinü nührü akhu khümchorü yola zehnungba abinü nührü throcho.

IBRIRÜ 13:20

Tsingrangba-nü Ihsa Abüdongba Jisu, sü San nyahrü Adiuba ko sü kangmübü thsa sücho khu müchangkaba azengchota külüpcho, abi asü lanü kanglisohcho.

1 PETER 2:10

Khüdupi nührü Tsingrangba tsurü müthsacho, ta ade nührü abi nyitsarü lile; khüdupi nührünü Tsingrangba yanglilüm mümüdhecho, ta ade nührünü abi achomang khyüchoko.

1 PETER 2:25

Nührü thrümeh tsiba san kyo licho, ta adelü nührü San Nyahrü ko nührü nbü dhingyehrü yang thali roko.

1 PETER 5:4

Ko khode san nyahrü ayingba tsü mishanang, nührünü müsehchangba ahechi kuthri tsü ngunung.

MISHACHO 3:20

Dhing! Ih Kukhang te yapü hamchire; khürünü I yuva yuchi kukhang khangthrujükhang, Ih abi kuh la züdunung, ko abi yola tsuyongnung ko abi I yola tsuyongnung.