JOHAN 10:15 - AMÜSA BAIBEL (BSI)

¹⁵ Ko Ihnü arüh nengdang sünung mii khyangre.

JOHAN 10:15 Iomraidhean Croise

ISAYA 53:10

Abüdongba-nü yore, “Abi chongchanung tsü I lümcho; abi süba tsü mülang pehba ngunung kangmübü licho. Hütsüta abinü abi shümtsurü ngunungthsa; kutsüp linung, ko abi khu I lümcho tikehnung.

ISAYA 53:8

Abi rangcho ko mülangjüpü süsohnung hiwücho, ta sünüsü abi mütro. Ihsa münyi ngang abi süsohcho.

DANIEL 9:26

Ko hütsüba shikhe achangkala Tsingrangba-nü throchehcho langnüba tsü mülang mülipü kyüsehnung. Ko yangdi ko Amübükuh tsü rezeh yangthsarü rothsarünü thsangnyangjünung. Tsingrangba-nü rungnümcho khata ko achangba tsü achangka nyümong kihmülüm kyo ronung.

ZEKARIA 13:7

Akohbong Abüdongba-nü yore, “Jesung, nohsheng, ko I nengdang nguchiba San-nyahba tsü being! Abi kyüsehng, ko santi tsü tsipitsizanung.

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

MATHI 20:28

Nyitsarü Tsurü mii dikehsohnung mah, ta dikehnung ko nyitsarü adrong rochehnung nengdang abi akang jünung rocho.”

YUSE ATSA LUK 10:21

Hütsü shikhela Jisu Anbü Amüsanü jengpü künyangnü yocho, “Uwa, ning ko alih Abüdongba! Ihnü nü nengsere, tunüo nühnü amüdherü ko lümlong lirü tenü rang yohpücho amümüdherü te ngusohko. Ho, Uwa, hiba hi nühnü lümchobae.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 10:11

“Ih San nyahrü atsa. San nyahrü atsanü santi nengdang apu akang jüre.

JOHAN 15:13

Nyüh khüdunü müyangrü khüdu nengdang apu akang jüba tenü adiu amüi mühle.

JOHAN 17:25

Amüsa Uwa! Limihnü nüh mümüdhe, ta Ihnü nüh müdhele, ko nühnü Ih müthehchoepü hirinü müdhele.

JOHAN 6:46

Nyitsarü khürünü Au ngukorü mah, sü Tsingrangba chahnü liro abi dunü Au nguko.

JOHAN 8:55

Nührünü abi khodesü mümüdhe, ta Ihnü abi müdhele. Ihnü abi mümüdhepü yokhang, nührü kyo Ih arahkhehrü. Ta Ihnü abi müdhele, ko Ihnü abi yocho nyire.

GALATIARÜ 1:4

Hiba amünyi shang lanü Ihsa khyang nyüje jünung nengdang, Ihsa Au Tsingrang lümcho la, Khrista-nü Ihsa münyi ngang apu jangjang jücho.

GALATIARÜ 3:13

Ta Khrista-nü Ihsa nengdang chokehchola kangchonü, yuzengnü hiroba chokehchola lanü Ihsa lihchehko; tunüo amüsa yunü yore, “Sü sing chah tbengro abi chokehchola pohki lile.”

EFESIARÜ 5:2

Khrista-nü Ihsa müichonü apu akang Ihsa nengdang axümlichi amübü ko kangmübü khüdu Tsingrangba khyang jücho kyo, nührü akang tsü amüila rahseh lieng.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

1 PETER 2:24

Ihsa amünyi la sünung ko amüsaba nengdang linung nengdang, Khrista apunü khala chah apu fü la Ihsa münyi hicho. Abi ihanü Ihsa kyangko.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

1 JOHAN 2:2

Ko Khrista apu tsü Ihsa münyi mülang pehjübong tsü lile, ko Ihsa münyi du mah, ta atümung mülang pehjürü lile.