JOHAN 10:14 - AMÜSA BAIBEL (BSI)

¹⁴ Ih San nyahrü atsa. Aunü Ih müdhe ko Ihnü Au müdhecho roh-i, Ihnü I santi müdhere ko arühnü Ih müdhere.

JOHAN 10:14 Iomraidhean Croise

NENGSEKHI 1:6

Amüsarü Abüdongba-nü nüre ko khümchore, ta amütsarü achangnung langla lile.

ISAYA 40:11

San-nyahrü kyo Abinü Abi santi xükümnung; Abinü sanzati nübülungnung ko apakyarü chah dhinung; ko Abinü atpati tsü khainü nünung.

ISAYA 53:11

Chongcha akang khanglang, abi akünyang thali ngunung; abi adeng la müchongcha pü abinü müdhenung. Longlangba I dikehrü, sü chah I longxore, abinü adrong akhingchi hinung ko abi khyanglangnü Ihnü arüh mülangpehjünung.

NAHUM 1:7

Abüdongba tsü atsa; Abinü müyurü dhsangthsila trore, Abi yang rorüh Abinü xükümre.

JOHAN 10:11

“Ih San nyahrü atsa. San nyahrü atsanü santi nengdang apu akang jüre.

JOHAN 10:13

Shehsherünü rangtsiba tsü abinü santi tsü müi mühle, tunüo abi shehsherü khüdu du.

JOHAN 10:27

I santinü I yuva nyire; Ihnü arüh müdhele, ko arühnü I khanglang iirore.

JOHAN 17:3

Ko müchangkaba akang adüzü yujeba Tsingrang, ko nühnü riwüsohba Jisu Khrista müdhenung.

JOHAN 17:8

Nühnü I khyang jüba yu tsü Ihnü arüh khyang jücho, ko arühnü hütsü khyüchocho; ko Ih nü chahnü roba tsü yuje Ih nühnü müthehchoepü arühnü yudsicho.”

2 KORINTRÜ 4:6

Tsingrangba sünü, “Ama lanü atsingse vieng” pü yoba apu tsünü Khrista romih chah Tsingrangba ahechi tehkehba tsü müdhesohnung Ihsa lasih la apu atsingse hekehsohcho.

EFESIARÜ 1:17

ko Ihsa Abüdongba Jisu Khrista Au ahechi Tsingrangba te nührü khyang Anbü Amüsa, sünü nührü lümlong li kangsohnung, ko Tsingrangba nührü yang mishasohnung, khüinü nührünü abi müdhenung, hütsü jüngpü kihchijüre.

EFESIARÜ 3:19

Ho, nührünü abi amüi müdhenung ajeng mühnyichehnye, Tsingrangba sayingnü jeng lieng.

FILIPIRÜ 3:8

Hütsü du mah; hitoi alaa thsidi I Büdongba Khrista Jisu müdhenung khyanglangnü lüpcho tsü adengepü Ihnü khichire. Abi khyanglangnü Ihnü lüpcho pehjüko; Ih Khrista jingchonung, ko abi te khüdu kangnung nengdang

2 TIMOTI 1:12

ko hi nengdang Ih hita chongchare. Ta Ihnü müshahre, tunüo Ihnü sü chah yudsiro abi müdhele, ko abinü I khyang tu nyümkehjücho hütsü abi royingcheh abinü nyahnungepü Ihnü tsüple.

2 TIMOTI 2:19

Ta Tsingrangba-nü drengdreng khyümba tsü lülohnung mükoh; hütsü chah yu hiri thrahkeh lile: “Abüdongba-nü abi yo müdhele” ko sürünü abi Abüdongba yoepü lümro, abinü amüthsalang lanü ximülaang.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

MISHACHO 2:13

Satan yangthsaba pümji khüdenü, liro hütsü Ihnü müdhele. Nüh Ite yuje cho lile, ko motsing lichah Ih longlangcheh yuzithsarü Antipas müpsehba chichahsü nühnü I chah nü yudsi müthrüchahchüpeh.

MISHACHO 2:19

Nü nguchi Ihnü müdhele. Ihnü nü müi, longlangchehba, dikehba, arangcho, ko akhudi tenü nühnü ade alaa nguchirepü müdhele.

MISHACHO 2:2

Ihnü nü nguchi müdhele; nühnü khütoh-i müküp nguchicho ko rangchocho Ihnü müdhele. Nühnü münyirü te mürangchore ko riwürü mahko khüli riwürüepü yorü thsadsüdhingnü arüh arahkhehrüepü rangchehcho Ihnü müdhele.

MISHACHO 2:9

Ihnü nü chongcha ko iilümcho müdhele, ta yuje nüh alirü lile! Jihudarüepü arahkheh dsibarünü nüh nyüm chocho Ihnü müdhele; arüh motsing shangrüti lile!

MISHACHO 3:1

“Sardis la Lithro riwürü yang thrahng: “Tsingrangba Anbü dhünyeh ko chenghi dhünyeh libong chahnü yusi tsü hi lile. Nü nguchi Ihnü müdhele; aneng du nüh akang, ta nüh asücho lile.

MISHACHO 3:15

Nü nguchi Ihnü müdhele; nüh adhsasü mah arühsü mah. Nüh khüdu mahkhang khüdu thsasohnyüre!

MISHACHO 3:8

Nü nguchi Ihnü müdhele; nü tase aikyah lilepü Ihnü müdhele; nühnü I adoba bichinü Ite yuje cho licho. Sünüsü mükhangtichehnungthsa Ihnü nü bete kukhang khüdu khangthrujo lile.