JOHAN 10:11 - AMÜSA BAIBEL (BSI)

¹¹ “Ih San nyahrü atsa. San nyahrü atsanü santi nengdang apu akang jüre.

JOHAN 10:11 Iomraidhean Croise

2 SAMUEL 24:17

David-nü müyurü kyüseh roba riwürü tsü ngucho ko Abüdongba te yocho, “Thsamehba tsü Ih lile. Amüthsalang nguchiba tsü Ih lile. Achomükeh müyurü hirinü tu müthsameh! Nühnü Ih ko I kukhi khingching.”

NENGSEKHI 23:1

Abüdongba I san nyahrü; Ih tunü mümüdsinung.

NENGSEKHI 80:1

O Israel san-nyahbong, ihrü te nyieng; Nü santi langnübong, ihrü te nyieng. Nü yangthsaba Cherufim chah pümpü,

ISAYA 40:11

San-nyahrü kyo Abinü Abi santi xükümnung; Abinü sanzati nübülungnung ko apakyarü chah dhinung; ko Abinü atpati tsü khainü nünung.

ISAYA 53:6

Ihsa apüm chahpehba san kyo licho, Ihsa apüm palu tsinyülang tsiko. Ta Ihsa aleng akhingchi tsü, Abüdongba-nü abi chah tikehsohcho.

EZEKIEL 34:2

“Nyitsarü tsurü” Israel yangthsarü mülangjüng. Arüh te choyohng ko Ih, Amichahba Abüdongba-nü arüh te hita yoreding: Nüh ahohah, nüh Israel san-nyahrü! Nühnü nüpu du xükümre, ta khodesü sanlü müxükümre.

EZEKIEL 34:23

I dikehrü David kyo, Ihnü arüh san-nyahrü khüdu kangsohnung yangthsaba khüdu jünung ko abinü arüh xükümnung.

EZEKIEL 37:24

I dikehrü David kyo yangthsarü khüdu arüh yangthsarü linung. Yangthsarü khüdu pohki arüh kehtanung ko I yuzeng yuje cho bichinung.

MIKA 5:4

Khode abi ronang, abinü Abüdongba-nü jüba tase ko Abüdongba Tsingrangba apu akohbala yangthsanung. Abi müyurüti khümcho linung, tunüo limih chah lirü atümungnü abi mülahcho müdhenung,

ZEKARIA 13:7

Akohbong Abüdongba-nü yore, “Jesung, nohsheng, ko I nengdang nguchiba San-nyahba tsü being! Abi kyüsehng, ko santi tsü tsipitsizanung.

MATHI 20:28

Nyitsarü Tsurü mii dikehsohnung mah, ta dikehnung ko nyitsarü adrong rochehnung nengdang abi akang jünung rocho.”

JOHAN 10:2

Ta sünü trahtri khu züroro abi San anyahrü.

JOHAN 15:13

Nyüh khüdunü müyangrü khüdu nengdang apu akang jüba tenü adiu amüi mühle.

EFESIARÜ 5:2

Khrista-nü Ihsa müichonü apu akang Ihsa nengdang axümlichi amübü ko kangmübü khüdu Tsingrangba khyang jücho kyo, nührü akang tsü amüila rahseh lieng.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 13:20

Tsingrangba-nü Ihsa Abüdongba Jisu, sü San nyahrü Adiuba ko sü kangmübü thsa sücho khu müchangkaba azengchota külüpcho, abi asü lanü kanglisohcho.

1 PETER 5:4

Ko khode san nyahrü ayingba tsü mishanang, nührünü müsehchangba ahechi kuthri tsü ngunung.

1 JOHAN 3:16

Khrista-nü Ihsa khyang apu akang jüba hinü amüi tsü tunang Ihsanü müdhere. Hütsütakhang, Ihsanüsü Ihsa jünirüti nengdang Ihsa akang jübae!

MISHACHO 7:17

tunüo yangthsaba pümji alongla liba Sanza tsü arüh san nyahrü thsanung, ko abinü akang kih yongna yang arüh nünung. Ko Tsingrangba-nü arüh nah lanü nahshükih nipehjünung.”