JOHAN 1:45 - AMÜSA BAIBEL (BSI)

⁴⁵ Filip-nü Nathanael shiro abi te yocho, “Mosa-nü Yuzeng vakhala ko azikehrütinü sü nengdang thrahcho hütsü ihrünü nguko. Abi Nazaret lanü Josef tsurü Jisu.”

JOHAN 1:45 Iomraidhean Croise

LIPOH 22:18

Nühnü I yuzeng nyichonü limih la yucho apüm nü trah khu müwajünung.”

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

LIPOH 49:10

Juda-nü yangthsaba ja binung, Ko abi trahnü lede yangthsanung. Yuchotinü abi khyang roh-tüpnung, ko ajingte mükhukehnung.

ISAYA 4:2

Abüdongba-nü alih la singdonglidong apüm khyang adhingtang ko amülah zisohnung becho chihle. Nying lirü Israelrü atümungnü alihnü tsahma chürosohchola künyangnung.

ISAYA 53:2

Abi dikehrü alih kung la ara ra zinung tsü Abi lümcho thsacho. Ihsanü abi dhingchehnungthsa, abi chah jengreng mahkhang tsahtsa adhingnung mükehcho.

ISAYA 7:14

Tsale, khang, Abüdongba apunü nührü khyang amüdhethsa khüdu jünung: Dhing, lazarü khüdu fü müdeng kangnung ko azarü khüdu suronung ko abi neng ‘Immanuel’ dsinung.

ISAYA 9:6

Ihsa khyang akhunga khüdu surojü lile! Ihsa khyang dhrezarü khüdu jo lile! Ko abi Ihsa yangthsarü thsanung. Abi te, “Anyemüyangnung, Tbachijürü” “Akohbong Tsingrang,” “Achangka müliba Au” “Yangtsa Yangthsaba” pü dsinung.

MIKA 5:2

Abüdongba-nü yore, “Bethlehem Efratha, Juda la nüh yangza yola khüdu, ta nü chahnü Israel nengdang yangthsarü khüdu chüronung, abi jümürü hung lanü ronung.”

ZEKARIA 6:12

Akohbong Abüdongba-nü yorepü abi te young, ‘Nyitsarünü süte Ajengza dsiro abi lichola abinü müwajünung ko Abüdongba amübükuh thali thsanung.

ZEKARIA 9:9

Künyangtaang, Zion-rü! Akünyangnü züdeing, nührü Jerusalemrü! Dhing, nührü yangthsaba nührü yang role! Abi akoh ngu rore, ta longlüm kang Gadu za khüdu chah pümpü rore.

MATHI 10:3

Filip ko Bartholomeu; Thomas ko alihmüthsü dhriba Mathi; Alfaeus tsurü Jakob ko Thadaeus;

MATHI 13:55

Abi sing nguchiba tsurüsü mahrü do? Mary tsü atpa mahrü do, ko Jakob, Josef, Simon, ko Juda anirüti mahrü do?

MATHI 2:23

ko Nazaret yangdila licho. Hütsünü azikehrünü chochoba tikehsohcho: “Abi te Nazarene pü dsinung.”

MATHI 21:11

“Sühdi tsünü hiba hi Galil la Nazaret-rü, azikehrü Jisue” pü lalingcho.

MARK 14:67

Peter mih he püm ngu, abi chah dhingkeh yocho, “Nüh mii Nazaret-rü Jisu te lichoe.”

MARK 6:3

Abi Mary tsurü, Jakob, Josef, Judas ko Simon-rü amung sing nguchibasü mahrü do? Ajünilarütisü hila lirü mahrü do?” Hütsüta arühnü abi mükhyüchocho.

YUSE ATSA LUK 18:37

Arühnü abi te yocho, “Nazaret-rü Jisu lahkhu tsiyale.”

YUSE ATSA LUK 2:4

Josef tsü Galil la Nazaret yangdi lanü Judea la liba Bethlehem, Yangthsaba David suro lih yang wücho, tunüo abi David chahnü trahchocho khüdu licho.

YUSE ATSA LUK 2:48

Abi tpurünü abi ngude, arüh nyemüyangcho, ko atpanü abi te yocho, “Ale, tuepü hiroh-i nguchiro? Nüu Ihjü dee müci rohcho nüh yangchirü mado.”

YUSE ATSA LUK 24:27

Ko Jisu-nü arüh te amüsa yula abi nengdang Mosa vakha chahnü dikehpü azikehrünü thrahcho apüm la tu yo liro changnah yocho.

YUSE ATSA LUK 24:44

Hütsüpü abinü arüh te yocho, “Mosa vakhala, azikehrütinü thrahchola ko Nengsekhi la I nengdang thrahcho lüpcho tikehnungepü Ih nührü te lide yobasü hiri nengdange.”

YUSE ATSA LUK 3:23

Khode Jisu anguchi dikehcho, abi kang sangreo azirü thsacho. Abi nyitsarünü lümcho roh-i Josef tsurü, sü Heli tsurü licho,

YUSE ATSA LUK 4:22

Abinü tsara chocho yuchi arüh atümungnü nyemüyang yocho, “Hivi hi Josef tsurüsü mahrü do?”

JOHAN 1:44

(Filip tsü Andreu ko Peter nyüh liba Bethsaida town lanü licho.)

JOHAN 12:21

Arühnü Filip yanglang wü (abi Galil la Bethsaida lanü licho) yocho, “Adirü, Ihrünü Jisu shirünyüre.”

JOHAN 14:8

Filip-nü abi te yocho, “Abüdongba, ihrü te Au ngusohng; ihrü nengdang hütsü akükyüe.”

JOHAN 18:5

Arühnü lalingcho, “Nazaret-rü Jisu yangchire.” Abinü yocho, “Ih abie.” Kihyochüjübong Judas mii arüh yola yacho.

JOHAN 18:7

Anyüpiu Jisu-nü arüh te tsingdhingcho, “Nührü sü yangchiro?” Arühnü yocho, “Nazaret-rü Jisu yangchire.”

JOHAN 19:19

Pilat-nü amüdhenung khüdu thrah khala kube tangkehjücho. Abinü thrahba tsü “NAZARET-RÜ JISU, JIHUDARÜ YANGTHSABA”

JOHAN 21:2

Simon Peter, Thomas (arüp tsurü dsiba), Nathanael (Galil la Kana lanü), Zebede tsurüti, ko Jisu mono aparü anyüh, arüh müjang licho.

JOHAN 6:42

Hütsünü arühnü yocho, “Hivi hi Josef tsurü Jisu mahrü do? Au e atpa nyüh Ihsanü müdhele. Akhang abinü khüta abi ninglangnü jürochoepü yoro?”

JOHAN 6:5

Jisu-nü dhingmükangde amülung amülah abi yang rocho ngu Filip te yocho, “Nyitsarü hitoi yangtüpnung Ihsanü tsuyongnung khüdenü lihnung?” (

JOHAN 6:7

Filip-nü lalingcho, “Nyitsarü müipi azikyükyah du jehnye denari thsih anyünü mii mükükyünung.”

RIWÜRÜTI NGUCHI 10:38

Tsingrangba-nü khüta Nazaret-rü Jisu chah Anbü Amüsa ko Zii mükhakehjücho hütsü nührünü müdhele. Abinü apümlang wünü nguchi atsa nguchi ko amünyi zii pohki lirü kyangjücho, tunüo abi te Tsingrangba zehcho.

RIWÜRÜTI NGUCHI 2:22

“Israelrü, yu hiri nyieng! Nazaret-rü Jisu tsü nyitsarü khüdu thsacho ko abi amüsa tase tsü nührü te thsayahiya ko anyemüyangnung apüm abi khu Tsingrangba-nü nguchicho tsünü tsidsa yuzi jüre. Nührübürünü hi müdhele, tunüo hi nührü yola tikehko.

RIWÜRÜTI NGUCHI 22:8

Ihnü lalingcho, ‘Abüdongba, nüh süo?’ Abinü Ite yocho, ‘Ih nühnü dhsümthseba Nazaret-rü Jisu.’

RIWÜRÜTI NGUCHI 26:9

“Ihnüsü Nazaret-rü Jisu nyümnü I kohcho nguchinungepü lümcho.

RIWÜRÜTI NGUCHI 3:6

Ta Peter-nü abi te yocho, “Ih taripi ko hon mühle, ta Ih tu liro hütsü nü khyang jonung: Nazaret-rü Jisu Khrista nengla shemüsu tsehnung Ihnü yuzeng jüre!”