JOHAN 1:29 - AMÜSA BAIBEL (BSI)

²⁹ Nyümong khüu tsü, Johan-nü Jisu abi yanglang rochi ngu yocho, “Alimih münyi hitsibong Tsingrangba Sanza tsü dhing!

JOHAN 1:29 Iomraidhean Croise

NÜCHEHCHO 28:38

Ko hütsü Aron-nü akikhang chah müthsükeh, hütsü khu Israelrünü amünyi shitpahnye, hiba amübü jücho la Ih, Abüdongba-nü khyüchonung.

ISAYA 53:10

Abüdongba-nü yore, “Abi chongchanung tsü I lümcho; abi süba tsü mülang pehba ngunung kangmübü licho. Hütsüta abinü abi shümtsurü ngunungthsa; kutsüp linung, ko abi khu I lümcho tikehnung.

ISAYA 53:11

Chongcha akang khanglang, abi akünyang thali ngunung; abi adeng la müchongcha pü abinü müdhenung. Longlangba I dikehrü, sü chah I longxore, abinü adrong akhingchi hinung ko abi khyanglangnü Ihnü arüh mülangpehjünung.

ISAYA 53:7

“Abi chah dee mütsa bichicho, ta longlüm rangchocho; abinü yu tpah-o mii mücho. Müpsehnung liba sanza khüdu kyo, ko anbüh müjüprü bete yuva müchüroba san kyo abinü abe mükhangthrucho.

HOSEA 14:2

Abüdongba yang thalieng, ko akihchiba khi Abi te nührü amübü thsasohng: “Ihrü mülang apüm pehjüng ko ihrü kihchicho nyieng, ko ihrünü nyengchocho kyo ihrünü Nüh senung.

LEVIRÜ 10:17

“Tuepü nührünü Amüsa müdümla amünyi mübü tsü mütsucho? Hi khütang Amüsa lile ko hütsü yucho apüm münyi hitsinung shulüm Abüdongba-nü nührü khyang jüchoba lile.

ZEKARIA 13:1

“Akohbong Abüdongba-nü yore, “Hütsü bekhyah chihde, David tsutpu ko Jerusalem nyitsarüti münyi ko kyothri mübüba lanü müsachehjünung, Ihnü yongna khüdu khangthrujünung.

KHIDHINGCHO 18:1

Abüdongba-nü Aron te yocho, “Shükuh la dikehde thsamehcho münyi nengdang nüh, nü tsurüti ko Levirü bha thsanung; ta bebü nguchila thsamehcho nengdanglü nüh ko nü tsurüti du bha thsanung.

KHIDHINGCHO 18:23

Ade tinü Shükuh tsü Levirü dunü xükümnung ko hütsü lüpcho arüh bha thsanung. Hiba yuzeng hi lede nengdang nührü chahnü trahchochoti shulümsü linung. Israel-la Levirü kuthsi mülinung,

KHIDHINGCHO 21:9

Achotsü Mosa-nü imüyengnü mürü khüdu külüpcho ko tbütphü chah dhimüsu yohpücho. Sürü mükyühcho, arühnü hütsü chah kehchü dhingcho ko kyangcho.

MATHI 1:21

Abükyünü adhrezarü khüdu nümüsunung, ko nühnü abi neng Jisu dsinung, tunüo abinü anyitsarü arüh münyi lanü khümchonung.”

MATHI 20:28

Nyitsarü Tsurü mii dikehsohnung mah, ta dikehnung ko nyitsarü adrong rochehnung nengdang abi akang jünung rocho.”

JOHAN 1:35

Nyümong khüu Johan hütsüla apu mono anyüh yola yacho,

JOHAN 1:36

ko abinü Jisu tsicho ngu yocho, “Tsingrangba Sanza tsü dhing!”

JOHAN 1:43

Nyümong khüu Jisu-nü Galil lang wünung dhrongchehcho. Abinü Filip shiro abi te yocho, “I yola rung!”

JOHAN 2:1

Asangu nyümong Galil la Kana yang kukangba thsüti khüdu licho. Hütsüla Jisu atpasü licho,

JOHAN 3:16

Tunüo Tsingrangba-nü limih yah müichonü abinü apu amüi tsurü jücho, sürünü abi chah yudsiro müsünung, ta lede akang ngunung.

JOHAN 4:42

ko arühnü khingkutpü te tsü yocho, “Nühnü yochonü mah, ta ihrübürünü yuchicho khu ade ihrünü yudsire, ko yuje abi tsü limih Kangchehjübaepü ihrünü müdhele.”

JOHAN 6:51

Ninglangnü jüroba akang tsuyongnung tsü Ih. Khürünü hiba tsuyongnung tsukhang, abi lede akang linung. Ihnü jünung tsuyongnung tsü Ipu shuh, khüi limih akang linung nengdang Ihnü jüre.”

RIWÜRÜTI NGUCHI 13:39

Jisu khu dunü nührü te thsingyuchoepü nührü khyang müdhesohnyüre.

RIWÜRÜTI NGUCHI 8:32

Abinü khichi yaba amüsa yu tsü hi thsacho: “Amüpsehnung nowüba San khüdu kyo, Sanza anbüh müjüpde yuva müchürocho kyo, abinü yu tpah-o dusü müyo.

1 KORINTRÜ 15:3

Apüm te ayingba Ihnü tu khyüchocho, hütsü nührü te yocho: Amüsa yula thrah licho kyo; Ihsa münyi nengdang Khrista sücho;

2 KORINTRÜ 5:21

Khrista la ihrü Tsingrangba amüsaba tsü kangnung nengdang, sünü amünyi mümüdhecho, abi ihrü nengdang amünyi kangsohcho.

GALATIARÜ 1:4

Hiba amünyi shang lanü Ihsa khyang nyüje jünung nengdang, Ihsa Au Tsingrang lümcho la, Khrista-nü Ihsa münyi ngang apu jangjang jücho.

GALATIARÜ 3:13

Ta Khrista-nü Ihsa nengdang chokehchola kangchonü, yuzengnü hiroba chokehchola lanü Ihsa lihchehko; tunüo amüsa yunü yore, “Sü sing chah tbengro abi chokehchola pohki lile.”

1 TIMOTI 2:6

sünü amüi tsurü atümung lihchehnung apu akang jücho. Tsingrangba-nü nyitsarü atümung khümchonyücho becho yuzi tsü hütsü thsacho.

TITAS 2:14

Abinü amütsa apüm lanü Ihsa khümchonung ko apu yo amüsa nyitsarü, atsa nguchinyürü kangsohnung abinü apu akang jücho.

IBRIRÜ 1:3

Tsingrangba ahechi tsü abinü tehmüla ngusohre; abi tsü Tsingrangba kyosangle, ko athrijungcho tsü abi yu zii khu lisohre. Amünyi tsurü münyi mülang pehba ngusohko khanglang, abi ninglang yanglih la amungthriba zii, Tsingrangba tsalangthring pümcho.

IBRIRÜ 2:17

Hi adüzü tsü abi Tsingrangba dikehba la nyitsarüti münyi mülang pehjüsohnung nengdang arüh longlangchehba ko yanglilüm kehba Amichahba Bebü kangnungthsa, lüpcho la abi jünirüti kyo kangnung dhsütah licho.

IBRIRÜ 9:28

Hütsüta nyitsarü khütango münyi hinung nengdang Khrista-nü akang mübü khüdupi jücho. Amünyi nengdang mah, ta abi yingrü khümchonung nengdang abi anyüpili ronung.

1 PETER 1:19

ta arah ko lapha mükehba sanza Khrista thsidi shühnü rochehcho.

1 PETER 2:24

Ihsa amünyi la sünung ko amüsaba nengdang linung nengdang, Khrista apunü khala chah apu fü la Ihsa münyi hicho. Abi ihanü Ihsa kyangko.

1 PETER 3:18

Tunüo Tsingrangba yanglang nührü nowünung nengdang, münyirüti müli amüsa Khrista-nü münyiti shulüm lede nengdang khüdupi sücho. Abi shutsa la süsohcho, ta anbü la kanglisohcho,

1 JOHAN 2:2

Ko Khrista apu tsü Ihsa münyi mülang pehjübong tsü lile, ko Ihsa münyi du mah, ta atümung mülang pehjürü lile.

1 JOHAN 3:5

Amünyiti hitsinung Khrista rochoepü nührünü müdhele, ko abi chah amünyi mühle.

1 JOHAN 4:10

Amüi tsü hi: Ihsanü Tsingrangba müicho mah, ta abinü Ihsa müichonü atsudhre Ihsa münyi pehjünung nengdang müthehcho.

MISHACHO 1:5

ko Jisu Khrista sü longlangchehba yuzi aukhuba, asücho lanü kanglibong ko yangthsarüti michah yangthsabong, abi chahnü achomang ko atbachi nührü te lieng. Abinü Ihsa müire ko abi sücho khu Ihsa münyi lanü lehchehko

MISHACHO 12:11

Ko arühnü Sanza shüh ko arühnü sobhoba yuje tsünü abi kohko: ko arühnü arüh akang jünung ko sünung mii khyangcho.

MISHACHO 13:8

Amüpsehba San yo akang vakhala limih müthrie denü aneng thrah lirü chah khu, limih chah lirü nyitsarü atümungnü hütsü mübünung.

MISHACHO 14:1

Hütsüpü Ihnü dhingde, Sanza tsü Zion zong chah yacho; abi yola arüh kikhang chah abi neng ko Au neng thrahkehcho nyüh 144,000 licho.

MISHACHO 14:10

Tsingrangba rihlong yongkha amüyohrütacho abi zichüroba yongkha shing tsü abinü yongnung. Hütsüta nguchirü atümung amüsa ninglang riwürü ko sanza bete michang ko miphohnü khingchinung.

MISHACHO 14:4

Khingkurü te mümükhongpü müdhsengcheh lirü tsü arüh thsacho. Sanza tsü khüdederü wünang arühnü abi khanglang iiwücho. Amüi tsurü yolanü arüh tsü lihchehcho ko Tsingrangba ko Sanza khyang akhudiba amübü tsü arüh kangcho.

MISHACHO 15:3

ko Tsingrangba dikehrü Mosa khi ko Sanza khi thsa yacho: “Akohba Abüdongba Tsingrang, nü nguchi khüta amülah ko anyemüyangnung! Yanglihti yangthsaba, nü langti khüta yuje ko amüsa!

MISHACHO 17:14

Arühnü Sanza nyüm khatanung, ta atsirüti, athrochehrüti ko longlangchehrüti zeh Sanzanü kohnung, tunüo abi tsü abüdongrü michah Abüdongba ko yangthsarü michah Yangthsabong.”

MISHACHO 19:7

Ihsanü nengse künyangnung; Ihsanü abi mülahcho senung! Tunüo Sanza kukangnung becho chihko, ko hütsü nengdang anüyohtpü rungnüm lile.

MISHACHO 19:9

Hütsüpü ninglang riwürü tsünü Ite yocho, “Hi thrahng: Sanza thsütila sürü dsiyohcho arüh amüwa thsaang. Ko abinü yocho, Hiri Tsingrangba yuje yu lile.”

MISHACHO 21:14

Yangdi lungtbü tsü amüsa lung dhüreanyüh chah müdongkehcho, ko arüh müipi chah Sanza riwürü dhüreanyüh neng thrah licho.

MISHACHO 21:27

Ta amümüsa, ashahmükeh nguchirü, mahkhang arahkheh chorü süsü hiba yangdila müzüdunung. Sanza akang vakhala sürü neng thrah liro arüh du hiba yangdila züdunung.

MISHACHO 21:9

Ninglang riwürü dhünyeh yola khüdu, achangkaba wara dhünyehnü jeng liba shing dhünyeh bibanü ro Ite yocho, “Rung, Ihnü nüte kulangwütpü, Sanza Nitpü ngusohnung.”

MISHACHO 5:6

Hütsüde yangthsaba pümji longla akang kanglungrü müyü ko azirütinü mükangtipü sanza khüdu ya Ihnü ngucho. Sanza tsü amüpsehcho roh-i ngucho. Hütsü limih apümlang müthehchüba Tsingrangba anbü dhünyeh roh-i ajüh dhünyeh ko anahtse dhünyeh kehcho.

MISHACHO 5:8

Abinü hütsüta khyüde, akang kanglungrü müyü ko azibarü mükyüpü müyü tsünü Sanza bete mükhukehcho. Arüh müipi ikhong khüdu-khüdu ko müchijinü jeng liba hon tbhü khüdu-khüdu licho, hiri tsü amüsarü dangkhidangnang licho.

MISHACHO 6:1

Hütsüde Sanza tsünü ashingticho dhünyeh yola akhudiba tsü rohphoh khangthrucho Ihnü ngucho, ko akang kanglungrü müyü yola khüdunü ningki yuva la “Rung” ko yocho Ihnü yuchicho.

MISHACHO 6:16

Arühnü azong ko lung te yocho, “Ihrü michah shohjoung ko yangthsaba pümji la pümba romih tenü ko Sanza rihlong chüroba lanü ihrü rangsohng!

MISHACHO 7:14

Ihnü lalingcho, “Ihnü mümüdhe, nühnü müdhele, adirü!” Abinü Ite yocho, “Hiri nyitsarüti hi adrünung dhsümthsedhsümloh lanü khümcho rorüti lile. Arühnü arüh jengki Sanza shüh la thsütoh thru kangsohko.

MISHACHO 7:17

tunüo yangthsaba pümji alongla liba Sanza tsü arüh san nyahrü thsanung, ko abinü akang kih yongna yang arüh nünung. Ko Tsingrangba-nü arüh nah lanü nahshükih nipehjünung.”