JOHAN 1:18 - AMÜSA BAIBEL (BSI)

¹⁸ Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 1:18 Iomraidhean Croise

LIPOH 16:13

Hagar-nü alüm la abükyü te tsingdhingcho, “Ihnü yuje Tsingrangba ngupü hütsü nengdang yonung lirü mah-o?” Hütsünü abükyü te chotaba Tsingrang te “Nguba Tsingrang” pü dsicho.

LIPOH 18:33

Abüdongba tsü Abraham te chotakayeng tsipehcho ko Abraham kulang thali rocho.

NÜCHEHCHO 23:21

Abi yu nyieng ko abinü tonang hütsü nguching. Abi nyüm tüya, abinü mülang müpehjünung, tunüo abi Ihnü müthehcho.

NÜCHEHCHO 24:10

ko arühnü Israel Tsingrang tsü ngucho. Ajing pohki safir lung khengba tsü ning kyo apuleh licho.

CHOYOH 8:30

Trüpthrirü khüdu kyo, nyümong mükhu I chahnü Abi akünyang ngu, Abi jingte lede künyang,

ISAYA 40:11

San-nyahrü kyo Abinü Abi santi xükümnung; Abinü sanzati nübülungnung ko apakyarü chah dhinung; ko Abinü atpati tsü khainü nünung.

MESHÜ 2:12

Ayang axochonü arühnü atparü te trare; Arüh lerohpehcho kyo yanglongla arüh khülure, Ko arüh atparü kheh la khai süre.

KHIDHINGCHO 12:8

Hütsünü Ihnü abi te romih e romih nyüh dhsükehta, arangyunü mah ta tsidsanü chotare; abinü I tsah mii nguko. Khüta nührünü I dikehrü Mosa nyüm chonung kohro?”

MATHI 11:27

“I U-nü I khyang atümung jüko. Au chah khu sünüsü atsudhre mümüdhe, ko atsudhre chah khu ko sürü yola abi mishanung atsudhrenü throchehchoti chah khu sünüsü Au mümüdhe.

YUSE ATSA LUK 10:22

I U-nü I khyang lüpcho jüko. Atsudhre tsü sünang Au chah khu sünüsü mütsüp, ko atsudhre chah khu ko sürüte atsudhrenü abi mishanung throchehcho arüh chah khu sünüsü Au mümüdhe.”

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 12:41

Isaya-nü hi yocho, tunüo abinü Jisu ahechi ngucho ko abi nengdang chocho.

JOHAN 13:23

Mono yola khüdu, sü Jisu-nü müicho, abi Jisu chidong pümcho.

JOHAN 14:9

Jisu-nü lalingcho, “Filip, Ih nührü te hitoi nyahli liko; ta nühnü Ih mümüdherü ang? Sünü Ih ngucho abinü Au nguko. Khang khütapü nühnü, ‘Ihrü te Au ngusohng pü yoro’?

JOHAN 17:26

Ihnü arüh khyang nüh müdhesohcho, ko nühnü Ih müiba tsü arüh chah linung, hütsünü Ihsü arüh chah linung nengdang, Ihnü mütozah hütsü roh-i nguchinung.”

JOHAN 17:6

“Limih lanü nühnü I khyang jübati khyang Ihnü nüh müdhesohko. Arühnü yo licho, ko nühnü arüh I khyang jücho. Arühnü nü yu nyicho,

JOHAN 3:11

Ihnü nüte yutsatsa yore: Ihrünü tu müdhero hütsü chore ko ihrünü tu ngucho hütsü nengdang yuzi jüre, ta nührü sünüsü ihrü yusi mükhyüchonyüre.

JOHAN 6:46

Nyitsarü khürünü Au ngukorü mah, sü Tsingrangba chahnü liro abi dunü Au nguko.

2 KORINTRÜ 4:4

Arüh shulümlü hiba limih tsingrangnü müyudsirü khyang Khristarü ahechi yuse atsa, sü Tsingrangba kyocho, arühnü atsingse müngusohnung shulüm arüh nahtohsohko.

AZIKA YU 4:12

Abüdongba-nü nührü te khüta michang lanü chotacho, ko Abinü chotacho yuchinye khüta Abi tsah müngucho hütsüri arüh te young.

KOLOSIRÜ 1:15

Khrista tsü amünguba Tsingrang thrizi lile. Abi tsü athricho apüm tenü aukhuba lile.

1 TIMOTI 1:17

Müchangkaba yangthsaba, amüsüba ko amünguba, Tsingrang khüdu du, abi khyang adhichi ko ahechi müchangkapü thsaang! Amen.

1 TIMOTI 6:16

Amüsüba tsü abi du; sünüsü müchichehba atsingsela abi lire. Sünüsü abi müngudhing; ko sünüsü abi müngucheh. Adhichi ko müchangkaba yanglih abi yo thsaang! Amen.

JOSHUA 5:13

Joshua Jeriko shündhün lide, abinü dhrongyengnü nohsheng bipü nyüh khüdu abi bete ngucho. Joshua-nü abi yang küdu tsingdhingcho, “Nüh ihrü rothsarü yola khüdu a mahkhang arorüh khüdu-o?”

1 JOHAN 4:12

Sünüsü Tsingrangba müngudhing, ta Ihsanü khüdunü khüdu te müitakhang, Tsingrangba Ihsa chah lire, ko abi amüi Ihsa chah apisa kangre.

1 JOHAN 4:20

Khürünü Tsingrangba müirepü yokhang, ta ajünirü thrünyikhang, abi arahkhehrüe. Tunüo abinü nahnü nguba ajünirü mümüikhang, nahnü münguba Tsingrangba abinü mümüicheh.

1 JOHAN 4:9

Ko Tsingrangba-nü atsudhre hiba limih yang müthehcho khu abi amüi Ihsa te ngucho, hütsünü abi khu Ihsa akang ngunung.

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.