JOHAN 1:1 - AMÜSA BAIBEL (BSI)

¹ Adikehdi Yu licho, ko Yu tsü Tsingrangba te licho, ko Yu tsü Tsingrangba thsacho.

JOHAN 1:1 Iomraidhean Croise

LIPOH 1:1

Adikehla Tsingrangba-nü ninglih thricho.

NENGSEKHI 45:6

Tsingrangba-nü nü khyang jüba yanglih tsü müchangkapü linung. Nühnü Nü nyitsarü michah yujenü yangthsanung;

ISAYA 7:14

Tsale, khang, Abüdongba apunü nührü khyang amüdhethsa khüdu jünung: Dhing, lazarü khüdu fü müdeng kangnung ko azarü khüdu suronung ko abi neng ‘Immanuel’ dsinung.

ISAYA 9:6

Ihsa khyang akhunga khüdu surojü lile! Ihsa khyang dhrezarü khüdu jo lile! Ko abi Ihsa yangthsarü thsanung. Abi te, “Anyemüyangnung, Tbachijürü” “Akohbong Tsingrang,” “Achangka müliba Au” “Yangtsa Yangthsaba” pü dsinung.

MATHI 1:23

“Amüdhsengcheh lazarü khüdu fü müdeng kangnung ko azarü khüdu nümüsunung, ko abi te Immanuel pü dsinung” (khüi adüzü, “Ihsa te Tsingrangba lile”)

YUSE ATSA LUK 24:53

ko amübükuh la arühnü mütozah Tsingrangba nengse licho.

JOHAN 1:14

Yu tsü nyitsarü kangpü achomang ko yujenü jeng Ihsa yola licho; Au chahnü Atsudhre ahechi tsü Ihsanü nguko.

JOHAN 1:18

Sünüsü Tsingrangba khodesü müngudhing. Ta atsudhre, sü Au dreng chah liro, abinü mishajücho.

JOHAN 1:2

Adikehdi abi Tsingrangba te licho.

JOHAN 16:28

Ih Au chahnü limih yang rocho; ko ade Ih limih pehjüpü Au yang würe.”

JOHAN 17:5

Uwa, limih müthride Ih nüte lide tu ahechi licho, hütsü ade nüpu linü hechisohng.

JOHAN 20:28

Thomas-nü abi te lalingcho, “I Büdongba ko I Tsingrang!”

JOHAN 8:58

Jisu-nü arüh te lalingcho, “Ihnü nührü te yutsatsa yore: Abraham müsuroedenü Ih licho.”

ROMRÜ 9:5

arüh tsü anengkhong Ibrirü jümürüti chahnü trahchocho; ko shutsa lahpinü Khrista tsü arüh hung lanü lile. Tsingrangba sünü atümunglang yangthsaro, abi müchangkapü seing! Amen.

EFESIARÜ 3:9

ko Tsingrangba arang lümlong tsü nyitsarü atümung khyang tsüpsohnung Tsingrangba-nü hiba müngu I khyang jücho. Ade Lithro khu ninglanglih la yangthsarü ko tase bichirütinü lüpcho la Tsingrangba asithsa lümlong tsü müdhesohnung nengdang,

FILIPIRÜ 2:6

Abi chah lede Tsingrangba saying kehcho, ta abinü khingnü Tsingrangba kyo kangnung mülüm.

KOLOSIRÜ 1:15

Khrista tsü amünguba Tsingrang thrizi lile. Abi tsü athricho apüm tenü aukhuba lile.

KOLOSIRÜ 1:17

Lüpcho maedenü Khrista lijungcho, abi chah lüpcho rakeh lile.

1 TIMOTI 3:16

Rang liba Ihsa yangthsa arangcheh hi Ihsanü hoh-re: Abi shutsa la mishacho, Anbü la langsohcho, ninglang riwürünü ngucho. Abi yuchoti apüm la thsingyucho, liküprünü yudsicho, ko ninglang nükeh tsicho.

TITAS 2:13

hütsü Ihsanü longdiba amüwajüba Nyümong, khode Ihsa adibong Tsingrangba ko Ihsa Kangchehjüba Jisu Khrista ronang, hütsü nengdang yingre.

IBRIRÜ 13:8

Jisu Khrista atü, chünye ko lede asusuh.

IBRIRÜ 7:3

Melkizedek atpa Au mahkhang ajü amü süsü mühle; abi asurocho ko asücho tu mühle. Abi Tsingrangba Tsurü kyo lede bebürü lile.

2 PETER 1:1

Jisu Khrista dikehrü ko riwürü Simon Peter chahnü— Ihsa amüsabong Tsingrang ko Kangchehjüba Jisu Khrista sü khu ihrü khyang roh-i thsidi yudsi jücho arüh yanglang:

1 JOHAN 5:20

Tsingrangba Tsurü ronü, Ihsa khyang yuje Tsingrangba müdhenung anyichehba jüchoepü Ihsanü müdhele. Ihsa yuje Tsingrangba chah ko Atsudhre Jisu chah lire. Hiba hi yuje Tsingrang ko müchangkaba akang.

1 JOHAN 5:7

Yuzi asang lile:

MISHACHO 1:11

Yuva tsünü yocho, “Nühnü tu nguro hütsü thrahng ko Efesia, Smerna, Pergamum, Thyatira, Sardis, Filadelfia, ko Laodicea hiri yangdi Lithro dhünyeh yang mühehng.”

MISHACHO 1:17

Ihnü abi ngude, ajingte Ih asücho kang khülucho. Abinü I chah akheh tsalangnü nyümkeh yocho, “Tüdrü! Ih adikeh ko achangka.”

MISHACHO 1:2

ko Johan-nü abinü ngucho apüm yocho. Tsingrangba chahnü yusi ko Jisu Khrista-nü mishacho yuje nengdang abi yudsi tsü hi thsacho.

MISHACHO 1:8

“Abüdongba Akohbong Tsingrang sü liro, sü licho ko sü aronung liro abinü yore, Ih Alfa ko Omega.”

MISHACHO 19:13

Abi jengki tsü ashühnü jeng licho. Abi neng tsü “Tsingrangba Yu.”

MISHACHO 2:8

“Smerna la Lithro riwürü yang thrahng: “Adikeh ko achangka, sü sücho ko akang liro, abi chahnü yusi tsü hi lile.

MISHACHO 21:6

Ko abinü yocho, “Hi thümko! Ih Alfa ko Omega, adikeh ko achangka. Axorü khyang Ihnü amükangnü akang yongna lanü tinung.

MISHACHO 22:13

Ih Alfa ko Omega, adikeh ko achangka.”

MISHACHO 3:14

“Laodicea la Lithro riwürü yang thrahng: “Amen, sü longlangcheh ko yuje yuzi, sü Tsingrangba-nü thricho yola ayingba liro abi chahnü yusi tsü hi lile.