JOEL 3:7 - AMÜSA BAIBEL (BSI)

⁷ Ade nührünü iba müdümti lanü Ihnü arüh nüchehnung. Nührünü arüh te nguchicho kyo Ihnü nührü te nguchinung.

JOEL 3:7 Iomraidhean Croise

ESTHER 7:10

Hütsüta Mordekai hohsehnung külüpba ahohsehsing la tsü Haman apu hohseh süsohcho. Hütsüpü du yangthsaba zichürocho nyehlicho.

ISAYA 11:12

Shupishuza liba Israelrü ko Judarü limih jongnah müyü langnü nübülungcho yuchoti khyang ngusohnung, Abinü amüdhethsa nisan dhimüsunung.

ISAYA 49:12

Ashulanü I müyurüti ronung, kihku langnü ko nyüzüdulangnü ko kihjinglangnü Aswan lanü.”

ISAYA 66:6

Nyieng! Yangdila yuva tsü, Amübükuh la yuva tsü, hütsü Abüdongba-nü Abi rorüti khingchicho yuva lile!

JEREMIA 23:8

Ta Ihnü arüh tsishosohba kihku lahpi lih ko apa limih apüm lanü Israelrü nüchehba akang liba Tsingrangepü yuchümnung. Hütsüta arühnü arühbürü lih la linung.”

JEREMIA 30:10

“I müyurüti, tüdrü; Israelrü, tüdrümüyang. Ihnü limih ashula tsünü nührü khümchonung, nührü rangyohba lih la tsünü. Nührünü kulang thali ronung ko atbachila linung; nührü khümcho linung ko sünüsü nührü müdrüsohnung.

JEREMIA 30:16

Ta ade, nührü münyüyohchürü apüm münyüyohnung, ko nührü rorüh apüm arangyohrü kang notsinung. Nührü sehchirü apüm sehchinung, ko nührü mahrü apüm mahnung.

JEREMIA 31:8

Ihnü arüh kihku lahpinü noronung ko alih changka lanü nübülungnung. Nahtohrü ko jingjahrü, fü müdengrü ko mülihmülanung thsarü arüh yola ronung. Arüh yucho amülah kang thali ronung.

JEREMIA 32:37

Ihnü zii ko rihlong chüro shupishuza pehba yuchoti lanü, I müyurü nübülungnung, ko hiba lih la arüh thali noronung ko arüh hila khümcho lisohnung.

EZEKIEL 36:24

Ihnü yucho ko yanglih mükhu lanü nührü nüchehnung ko nührübürü lih lang noronung.

EZEKIEL 38:8

Yucho adrong lanü nürüta liba ko mürothsapü liba nyitsarüti yanglih tsü mahnung kang adrong lipü Ihnü abi khyang yuzeng jünung. Anyahli thrüchahchü pehjü liba Israel azongti, ta ade nyitsarü apüm tbachi liba tsü abinü mahnung.

JOEL 3:4

“Tyre, Sidon ko Filistia mükyah la lirü, nührünü Ite tu nguchinyüro? Nührünü I khyang lango nengdang thali jünyürü mah-o? Nührünü jüekhang, Ihnü zah nührü khyang jülinung.

ZEKARIA 9:13

Ihnü singthsalu kyo Juda ko Israel tsü tbüdeng roh-i bichinung. Greek-rü nyüm chitanung, Zion tsü nohsheng roh-i Ihnü bichinung.”

MATHI 7:2

tunüo nührünü khüta bürü yu khanang hütsü roh-i Tsingrangba-nü nührü yu khanung, ko nührünü bürü te tu yuzeng bichinang nührü te abinü hütsü kyo bichinung.

2 TESALONIKARÜ 1:6

Tsingrangba-nü tu yuje hütsü nguchinung: nührü khingchirü abinü khingchinung,

JAKOB 2:13

Tunüo yanglilüm mübichiba nyitsarü yu khade Tsingrangba-nü yanglilüm müngusohnung; ta yanglilümnü yukhaba kohre.

MISHACHO 13:10

Sü rangnung licho abi yuje rangnung; sü nohshengnü kyüsehnung licho abi yuje kyüsehnung. Hinü Tsingrangba nyitsarüti nengdang arangcho ko yudsi khangre.”

MISHACHO 16:6

Arühnü Tsingrangba nyitsarü ko azikehrüti shühkhatohcho, ko hütsüta nühnü arüh khyang ashüh yongsohcho. Arüh ngunung aleng arühnü ngure!”

MISHACHO 19:2

Abi yukhaba yuje ko athsalang! Mabomashi nguchinü limih münyijütpü, nahtrahnaxenglatpü abinü mülangjüko. Tsingrangba-nü abükyü khingchicho, tunüo abükyünü abi dikehrüti müpsehcho.”

YUKHARÜTI 1:7

Adonibezek-nü yocho, “Yangthsarü nyühre ajing-akheh müyungkutrehdi khapehpü I tsingthsang pohki alongcho throtsu rachicho. Ihnü arüh te nguchicho kyo ade Tsingrangba-nü I chah nguchiko.” Ko abi Jerusalem lang nowücho ko hütsüla abi sücho.

1 SAMUEL 15:33

Samuel-nü yocho, “Nü nohshengnü khingkurü adrong tsuzarü mühli kangsohcho kyo, nü tpasü tsuzarü mühli kangsohnung.” Ko abinü Agag Gilgal la bholu bete zangzang khanahcho.