JOEL 3:16 - AMÜSA BAIBEL (BSI)

¹⁶ Abüdongba-nü Zion zong lanü rengre; Jerusalem lanü Abinü mütiire; Ning ko alih dhridhrire. Ta Abinü amüyurü khümnung.

JOEL 3:16 Iomraidhean Croise

NENGSEKHI 18:2

Abüdongba tsü I tsungtising; Abi I roshengvi akhümkhüm. I Tsingrang tsü I tsungtising, ko Abi te Ih khümcho lile. Tsung kyo Abinü Ih nyingtire; Abinü Ih tsungtire ko khümcho yohpüre.

NENGSEKHI 29:11

Abüdongba-nü amüyurüti khyang re jüre ko arüh atbachinü müwajüre.

NENGSEKHI 61:3

tunüo Nüh I tsungtirü, I rorüh nyüm I khümrü adrengdreng lile.

CHOYOH 18:10

Abüdongba sü roshengvi akhümkhüm, hütsüla Amüsarü wü tsikehre.

ISAYA 33:16

Khang nüh khümcho linung; nüh roshengvi la pümrü kyo linung. Nü tsunung tsang ko ayongnung kih ngunung.

ISAYA 33:21

Abüdongba-nü Ihsa te Abi ahechi ngusohnung. Ihsa yongkhi amüza ko yongna jüp linung, ta hütsürila arorüh kihkuh mürachinung.

ISAYA 42:13

Abüdongba-nü akurahrü kyo khatanung würe, Abi chita nengdang longphi rungnüm lile. Abinü chita züde, khata yuva jüre; Abinü Abi rorüh nyüm Abi tase ngusohre.

ISAYA 51:16

Ihnü ning lehmüthehcho ko alih akhengdi yohcho; Ihnü Jerusalem te yore, ‘Nüh I müyurü! Ihnü adoba nü khyang jüko, ko Ihnü I khehnü nüh tsungtire.’”

JEREMIA 16:19

Abüdongba, Nüh dunü Ih tsungtire ko re jüre; I chongchala Nühnü trore. Alih changka lanü yuchotinü ro Nüte yonung, “Ihrü jümürü arahkheh tsingrangti ko amükhyu kyothri chah khu tu mülicho.

JEREMIA 17:17

Nüh I nengdang adrünung tüthsa; chongchala Nüh I tsikehchah lile.

EZEKIEL 38:19

Hütsü nyümong Israel lih la alihyo atrehdi zingnungepü I rihlong chüro züdere.

HOSEA 11:10

“Ihnü arüh rorüh chah kangdi kyo rengkehjüde, I nyitsarünü Ih iironung. Arühnü nyüzüdulangnü Ih yangchi shang ronung.

AMOS 1:2

Amos-nü yocho, “Abüdongba-nü Zion zong lanü rengre; abinü Jerusalem lanü mütiire. Zanulih kungpehre, ko Karmel zong la za mükure.”

AMOS 3:8

Kihkhünyingnü rengde, sünü müdrüpü yachehnung? Abüdongba Tsingrang-nü chode, sünü müsobhopü lichehnung?

NAHUM 1:7

Abüdongba tsü atsa; Abinü müyurü dhsangthsila trore, Abi yang rorüh Abinü xükümre.

HAGGAI 2:6

“Tunyah mülipü Ihnü ning ko limih, alih ko kihdi shühchijünung.

HAGGAI 2:7

Ihnü yuchoti apüm mükhanung, ko arüh kuthsi hila hironung, ko Amübükuh tsü kuthsinü jengnung.

ZEKARIA 10:12

Ihnü I müyurü rezehsohnung; arühnü Ih mübünung ko yochonyinung.” Abüdongba-nü choko.

ZEKARIA 10:6

“Ihnü Judarü rezehsohnung; Ihnü Israelrü khümchonung. Ihnü arüh te chomangnung ko arüh atümung kulang nüli ronung. Arüh tsü Ihnü khodesü thrüchahchü müpehcho roh-i kangnung. Ih, Abüdongba arüh Tsingrang; Ihnü arüh kihchicho lalingnung.

ZEKARIA 9:12

Thalieng, adelü nührü alongdi lile; nührü khümcho lih lang thalieng. Ihnü ade nührü te yore, “Nührü chongchacho anyüshinü alaa amüwanung Ihnü nührü khyang thali jünung.

IBRIRÜ 12:26

Abi yuvanü hütsüde limih shühchicho, ta ade abinü hi nyengchoko, “Adesü Ihnü limih du mah, ta ning mii shühchijünung.”

MISHACHO 11:13

Hütsüde alihyo atrehdi zingcho; yangdi tsü changsho dhüre la khüdu changcho, ko nyitsarü hajar dhünyeh müpsehcho. Anyingcho nyitsarütinü drüseh ninglangrü Tsingrang dicho nengdang secho.

MISHACHO 11:19

Ninglang Tsingrangba amübükuh khangthrucho, ko azengchotacho singdi tsü hütsüla ngucho. Hütsüde ningmüla, ningki yuva rengreng alihyo ko shurü khütang sühcho.

MISHACHO 16:18

Hütsüde ningmüla, ningki yuva rengreng ko adrünung alihyo zingba licho. Lipoh dinü hitoi alihyo zingba mütikehdhing; apüm yola hiba hi amütsauba licho!

1 SAMUEL 15:29

“Israel ahechibong Tsingrang-nü arahkheh müchore mahkhang lasih mümülichire. Abi nyitsarü kyo alasih mümülichire.”