JOEL 2:12 - AMÜSA BAIBEL (BSI)

¹² “Ta Abüdongba-nü yore” Ade dusü “nührünü lasih apümnü kongnü ko tranü ko meshünü Ih yang ximülaang.

JOEL 2:12 Iomraidhean Croise

2 SAMUEL 24:10

Ta David-nü mono tsü khipü khanglang, alümlong mükyahshangchehcho, ko abinü Abüdongba te yocho, “Ihnü hi nguchiba hi adrünung amünyi shitpahko! Ihnü mümüdhepü nguchiko, yanglilüm I khyang mülang pehjüng.”

2 ROHTHÜP 30:6

Israel ko Juda apümlang yangthsaba ko abi adirünü mülacho yusi hipü wüsohcho: “Israelrü, Assyria khehlanü nührü khümchoko. Ade Abraham, Isak ko Jakob Tsingrang yang ximülaang ko Abinü nührü yang ximülanung.

2 ROHTHÜP 6:27

O Abüdongba, ninglangnü arüh te nyijüng ko Israelrü Nü dikehrü khyang mülang pehjüng ko arüh te athsalang nguchinung doung. Hütsüpü O Abüdongba, hiba mülih, Nühnü Nü müyurü khyang arühtoh jüba lih la tsing rosohng.

ESTHER 4:16

“Wüng ko Susa la lirü Jihudarü atümung dsibülung; ko kongnü I shulüm dangkhidangnangjüng. Nyümong asang romang asang tu tütsuyong. Ih ko I kulilarütisü hütsüta nguchinung. Hütsüpü, yuzengnü mümülanye, Ihnü yangthsaba yang wünung. Hütsü nengdang Ih sünye tumüthsa.”

NÜCHEHCHO 33:5

Tunüo Abüdongba-nü Mosa te yocho, “Israelrü te young, ‘Nührü ahongzi nyitsarüti lile. Ih azachah dusü nührü yola wükhang, Ihnü nührü riri changjünung. Ade nührü thsidi jengki phungchehng ko nührü te tu nguchinung Ihnü dhrongchehnung.’”

ISAYA 22:12

Hütsüde tra meshünung, nührü thah hehpehnung ko müyahshü müpinung Akohbong Abüdongba-nü dsicho.

ISAYA 58:4

Nührü kongba tsünü nührü zichürosohre, ko nührünü khata yübütare. Hitari kongba ko dangkhidangnang Ihnü nyinungepü nührünü lümrü do?

JEREMIA 3:22

Thalieng, Nührü Abüdongba tenü ximüla tsirüti; abinü nührü kyangjünung ko yuje chosohnung. Nührünü yore, “Ho, ihrü Abüdongba yang thali rore, tunüo abi ihrü Tsingrang.

JEREMIA 36:7

Kümüdeo arühnü arüh münyi lang lanü ximüla Abüdongba te dangkhidangnangnung, tunüo Abüdongba-nü hiri nyitsarü Abi adrünung zii ko rihlongnü mütichiko.”

JEREMIA 4:1

Abüdongba-nü yore, “Israelrü, nührünü ximülaekhang, Ih yang ximülaang. Nührünü Ite yuje chokhang ko Ihnü thrünyiba kyothri tsü pehkhang,

JEREMIA 4:2

nührünü I nengla yuchümnung tsü athsalang linung. Hütsüde yucho apümnü arüh müwajüng pü Ite kihchinung ko arühnü I neng senung.”

EZEKIEL 33:11

Ih, Amichahba Abüdongba, akang Tsingrang linü, münyirü khüdu süchola Ihnü mükünyangrepü arüh te young. Hütsü mülih, abinü amünyi münguchipü akang lisohnyüre. Israel, nührünü nguchiba amünyi tsü zahng. Tuepü nührü sünyüro?

DANIEL 9:3

Ihnü Abüdongba Tsingrangba te müyahshü müpipü, lihwüla püm kongnü kihchicho.

HOSEA 12:6

Hütsüeko ade, Jakob chahnü trahchochoti, nührü Tsingrang chah longlang ko abi yang ximülaang. Yocho nyieng ko yuje choung, ko nührü Tsingrang-nü nguchinung rangcho ying.

HOSEA 12:7

Abüdongba-nü yore, “Israelrü tsü Kanan-rü kyo yuje mücho; Arühnü arahkheh ahosing bichi alihrü arühnü kihyochüre.

HOSEA 14:1

Nührü Abüdongba Tsingrang yang thalieng, Israelrü. Nührü münyinü nührü jing müthi khüluko.

HOSEA 6:1

Müyurünü yore, “Ihsanü Abüdongba yang ximülanung! Abinü Ihsa dhsakehjüko, ta Abinü Ihsa kyangjünung; Abinü Ihsa lerohpehjüko, ta Abinü Ihsa madhsa rümjünung.

JOEL 1:13

Müyahshü lüpkehpü traang, nührü bebürüti bholu chah dikehrü! Amübükuh la züdu müyüp meshüng! Nührü Tsingrang khyang amübü jünung fürü mahkhang shükusih mühle.

ZEKARIA 7:3

ko bebürü ko azikehrü te hi tsingdhingnung müthehcho: “Amübükuh thsangnyangcho nengdang, kang hitoi Ihsanü nguchi rocho roh-i, choo müngau tsü Ihsanü mütozah kongnung do?”

ZEKARIA 7:5

Abinü yocho, “Arühnü kang nyühre choo amüngau ko dhünyeh-ula kongnü me traba tsü I jengrengjo nguchicho mah pü alih la müyurü ko bebürü te young.

MALAKI 1:9

Nührü bebürüti, ade Tsingrangba te Ihsa müisohnung tsingdhing. Abinü nührü te mülalingnung, ta hütsü nührü mülang thsanung.

RIWÜRÜTI NGUCHI 26:20

Ta akhudi Damaskas la, Jerusalem la, ko Judea limih apümlang ko yangpirü yolasü, arühnü lasih thsamüla Tsingrangba yang ximülabae ko lasih thsamülacho kyo nguchibaepü Ihnü thsingyucho.

YUKHARÜTI 2:4

Ninglang Riwürü tsünü hi yode, Israelrü atümung tracho,

YUKHARÜTI 20:26

Achotsü Israelrü apümnü Bethel lang tuwü meshücho. Arühnü hütsüla Abüdongba te müyangtsupü maa pümcho. Arühnü akehta amübü ko üpümshünü kangmübü Abüdongba khyang jücho.

1 SAMUEL 7:3

Samuel-nü Israelrü te yocho, “Nührünü nührü lasih apümnü Abüdongba yang ximülaekhang, nührünü yangpirü tsingrang ko Astarte tsingranglarü tenü zang. Abüdongba te nührü jangjang müsachehng ko Abi du mübüng, khang Abinü nührü Filistinrü khehlanü khümchonung.”

1 SAMUEL 7:6

Achotsü arüh atümung Mizpa la shibülungcho. Arühnü kih khabülungcho ko Abüdongba te amübü kang tungpehcho ko hütsü nyümong mükhyang kongcho. Arühnü yocho, “Ihrünü Abüdongba nyüm amünyi shitpahko.” (Mizpa la Samuel-nü Israelrü khiyu khacho)