JOEL 2:10 - AMÜSA BAIBEL (BSI)

¹⁰ Arüh rode alih shühchire; Ning dhridhrire. Chonu ko nyü mapehre, ko chenghinü müvipehre.

JOEL 2:10 Iomraidhean Croise

NENGSEKHI 114:7

Limih, Abüdongba rode, Jakob Tsingrang jingte dhridhrieng,

NENGSEKHI 18:7

Hütsüde alimihnü dhridhri shühchicho; azongti müdongkehji mühachicho ko zingchicho, tunüo Abi zichürocho.

ISAYA 13:10

Püti ko chenghiti apümnü müvipehnung, ko achüro denü nyü tsü nyahnung, ko chonunü atsingse müjünung.

ISAYA 34:4

Nyü, chonu, ko chenghiti asongsong kangnung. Ning tsü thrahloh kyo loh changkapehnung, ko chenghiti tsü shükusih mahkhang ngurüsing va kyo trülohnung.

ISAYA 5:30

Hütsüba nyümong rode, kihdinü khongcho kyo, arühnü Israel michah rengnung. Hiba yucho chah dhing! Amarürah ko awah! Atsingse tsü amarürahnü münyopehko.

JEREMIA 4:23

Ihnü limih chah dhingcho hütsü apehcho adeng; ningchah dhingcho, atsingse mülicho.

JOEL 2:2

Hütsü amarürah ko ningkhüm nyümong, anyahthrüm ko shütiba nyümong thsanung. Amarürahnü azong shüticho kyo khengqu tii amülah rore. Hi kyo khodesü mütikehdhing, ko khodesü mütikehnung.

JOEL 2:31

Abüdongba nyümong amülah ko adrünung müroede, nyü tsü mapehnung ko chonu tsü ashüh kyo mohnung.

JOEL 3:4

“Tyre, Sidon ko Filistia mükyah la lirü, nührünü Ite tu nguchinyüro? Nührünü I khyang lango nengdang thali jünyürü mah-o? Nührünü jüekhang, Ihnü zah nührü khyang jülinung.

AMOS 5:8

Abüdongba-nü Pleiades ko Orion chenghiti külüpcho. Abinü amarürahnü atsingse ko anyümongnü ama kangsohre. Abinü kihdi lanü kih dsire ko alimih michah arüh tungkehjüre. Abi neng Abüdongba.

NAHUM 1:5

Abüdongba bete azongti zingchire; akhangti Abi bete shenahre. Abüdongba ngude alihnü shühchire; Limih ko nyitsarüti atümung dhridhrire.

MATHI 24:29

“Hütsü thsamütsa nyümongti khukhangyeng, nyü tsü mapehnung ko chonunü müvipehnung, ning chahnü chenghiti trümchonung, ko adukah la liba tase tsü arüh lang lanü shehmüinung.

MATHI 27:51

Hütsüde Amübükuh la kitiba shü, athahlangnü alih chii anyüh kang rohrüpcho. Alihyo zingcho ko lung tsohrüpcho,

RIWÜRÜTI NGUCHI 2:20

Abüdongba roba amülah ko ahechi nyümong müchide, nyüh tsü mapehnung ko chonu tsü ashüh kyo amoh kangnung.

MISHACHO 20:11

Hütsüpü yangthsaba pümji athru amülah ko hütsüla pümba Ihnü ngucho. Abi betenü ning ko alimih shehmüicho ko müngupehcho.

MISHACHO 6:12

Ko Sanza tsünü ashingticho adhüroh-u tsü rohphoh khangthrucho Ihnü ngucho. Hütsüde alihyo atrehdi zingcho, ko nyü tsü arangshü roh-i anyah kangcho, ko chonu tsü ashüh kyo amoh kangcho.

MISHACHO 8:12

Hütsüpü ninglang riwürü müyüubanü abi rühti mehcho. Hütsüde nyü chang asangla khüdu, chonu chang asangla khüdu, ko chenghi chang asangla khüdu chah shingkehcho; hütsünü arüh atsingse chang asangla khüdu changpehcho; ko nyümong chang asangla khüdu ko ama chang asangla khüdu atsingse changpehcho.

MISHACHO 9:2

Püti tsünü jongnah müliba shukuh tsü khangthrucho, ko hütsü lanü mikhukhi amülah lanü kyo mikhu chürocho; ko hiba shukuh mikhu tsünü nyü ko nyübong marürahsohcho.