JOEL 2:1 - AMÜSA BAIBEL (BSI)

¹ Rühti tsü mehng; Tsingrangba Amüsa khang, Zion la seyohchüng. Dhridhrieng, Judarü! Abüdongba nyümong zah role.

JOEL 2:1 Iomraidhean Croise

1 ROHTHÜP 15:28

Hütsüta Israelrü apümnü Yuzeng Singdi yola rühti, shujüh, dhingza ko honglilah bipü khi thsa Jerusalem lang wücho.

NENGSEKHI 119:120

Nüh drüchonü Ih dhridhrire; ko Nü yukhaba Ihnü drüre.

NENGSEKHI 87:1

Abüdongba-nü Abi yangdi Amüsa khang chah thriko;

NÜCHEHCHO 10:14

Arüh atii atiinü ro alih apüm mülümphacho. Hiba khengqu atii tsü atsichola müngudhingcho ko müngudhingnung arangcheh licho.

ISAYA 13:6

Müci rohchoung! Akohbongnü achangba hiroba nyümong, Abüdongba nyümong amünyethsa lile.

ISAYA 13:9

Abüdongba nyümong, Abi rihlong chüroba ko adrünung nyümong tsü tsehle. Limih tsü apehlih kangsohnung, ko münyirü atümung changsohnung.

ISAYA 2:12

Hütsü nyümong Akohbong Abüdongba-nü tase zehrü atümung, amüthsehrü ko hongzirü apüm longlümsohnung.

ISAYA 66:2

Hiri apüm Ipunü thricho. Alonglümrü ko lasih thsamülaba, Ih drürü ko I yocho nyirüti te Ihnü künyangre.

ISAYA 66:5

Abüdongba yu nyieng, nührü Abi drürü ko Abi yocho nyirüti: “Nührünü Ite yuje cho lichonü, nührübürü nyitsarü khürünü nührü thrünyicho ko nührü mükhiyohcho. Arühnü nührü münyodhing yocho, ‘Nührü künyangtacho ihrünü ngunungthsa, Abüdongba-nü Abi dicho ngusoh nührü khümchosohng.’ Ta arühbürü ashah khyünung!

JEREMIA 16:10

“Nühnü hiri apüm arüh te yode, tuepü Ihnü arüh hitoi mütsa khingchinung dhrongchehcho pü arühnü nüte tsingdhingnung. Arühnü tu thsamehcho ko Abüdongba arüh Tsingrang nyüm tu münyi shitpahcho pü arühnü tsingdhingnung.

JEREMIA 16:7

Amüiba nyüh khüdu süde abi longkyangsohnung sünüsü süte mütsuyongrütanung. Au mahkhang atpa süpü liba nyüh khüdu te mii sünüsü amüi müngutanung.

JEREMIA 4:5

Rühti tsü limih apümlang mehng! Tasenü tsidsa züdeing. Judarü ko Jerusalemrü te atbüticho yangditilang tsinung young.

JEREMIA 5:22

Ih Abüdongba; tuepü Ih müdrüro? Tuepü I jingte müdhridhriro? Kihdi khu mütingcheh tsinung lurü thsanung Ihnü lihpi yohpüjücho. Kihloh khong ronye hütsü khu mütsichehnung.

EZEKIEL 12:23

Ade hütsü nengdang Ih, Amichahba Abüdongba-nü tu yoro hütsü arüh te young. Ihnü hütsüba choyoh yu changkasohnung. Hütsü Israel la adelü müchosohnung. Hütsü mülih arüh te hi young: Bekhyah tsü chihko ko choyoh yu tsü tikehle!

EZEKIEL 21:12

Longri züdeing, nyitsarü tsurü; hiba nohsheng hi I müyurü ko Israel langnürü apüm nengdang lile. Arüh kyüsehnung I müyurü apüm yola. Nührü dreng hamching.

EZEKIEL 30:3

Nyümong tsü shündhün lile, Abüdongba-nü nguchinung nyümong, Yuchoti nengdang amarürah ko chongcha nyümong.

EZEKIEL 33:3

Arorüh rocho abinü ngude, atümung müzahsohnung abinü züdere.

EZEKIEL 33:6

Ta, roshengba tsünü arorüh ngupü müzüdekhang, arorüh tsü ronung ko münyirü kyüsehnung, ta arüh süba tsü Ihnü roshengba bha thsasohnung.

EZEKIEL 7:10

Israel nengdang achangba nyümong tsü chihle. Shühkhatoh tsü bholole. Müthsehba tsü akhang chihko.

EZEKIEL 7:12

Becho chihko. Shithsaphülehba tusü mülinung nyümong chihko, tunüo nyitsarü müipi chah Tsingrangba akhingchi ronung.

DANIEL 6:26

I yanglih la lirüti atümungnü Daniel Tsingrang drüng ko jengreng jünung Ihnü yuzeng jüre. “Abi akang liba Tsingrang, ko Abinü müchangkapü thsanung. Abi yanglih khodesü müchangnung, ko Abi zii müchangkanung.

DANIEL 9:16

Nühnü atsichola ihrü nyingtiko, hütsüeko adelü Jerusalem te zii tüchüro. Hi Nü yangdi ko Nü Amüsa khang lile. Ihrü münyi ko ihrü jümürü mütsachonü mükangmüshü yanglihtinü Jerusalem ko Nü müyurü mükhimüngure.

DANIEL 9:20

Ihnü I münyi ko müyurü münyi nyengcho, ko Abüdongba te Abi Amüsa Amübükuh külüpchinung dangkhidangnangcho.

HOSEA 5:8

Gibea la khata rühti mehng! Rama la roseing! Bethaven la rothsa yuva jüng! Benjaminrü, khatalang shemüsung!

HOSEA 8:1

Abüdongba-nü yore “Rühti tsü mehng! Arorühti I lih la müdi kyo thsücho jürole! I müyurütinü azengtacho thsangnyangko ko Ihnü docho nyümko.

JOEL 1:15

Abüdongba nyümong tsü amünyethsa lile; Akohbongnü athsangnyang hiroba nyümong. Hütsüba nyümong tsü khüta adrünung thsanung!

JOEL 2:11

Abüdongba-nü Abi rothsarüti te züde yuzeng jüre. Abi te yocho nyirüti tsü adrong ko re azeh. Abüdongba nyümong tsü khüta adrünung! Sünü hütsü rangnung?

JOEL 2:15

Zion khang chah rühti tsü mehng; kongnung yuzeng jüng ko ashimükhong khüdu dsichoung!

JOEL 2:31

Abüdongba nyümong amülah ko adrünung müroede, nyü tsü mapehnung ko chonu tsü ashüh kyo mohnung.

JOEL 3:14

Sühdinü sühdi Adhrongcheh Ngah la lile! Tunüo dhrongcheh ngah la Abüdongbarü nyümong tsü amünyeh lile.

JOEL 3:17

“Hütsüde, Israel, Ih Abüdongba nührü Tsingrangepü nührünü müdhenung. Iyo Amüsa khang, Zion la lire. Jerusalem tsü Amüsa yangdi linung; yangpirünü hütsü khodesü mükochehnung.

AMOS 3:6

Yangdila rosede müyurünü müdrürü do? Abüdongba-nü mümüthehpü yangdila achangba ronung do?

AMOS 5:18

Nührü Abüdongba nyümong yingrü khüta adrünung! Hütsüba nyümongnü nührü khyang tu atsa nguchijünung? Tunüo hiba nyümong tsü atsingse mah ta ama.

AMOS 8:2

Abüdongba-nü yocho, “Amos, nühnü tu nguro?” Ihnü lalingcho, “Singsih loh khüdu.” Abüdongba-nü Ite yocho, “I müyurü Israelrü nengdang achangka tsü roko. Arüh khingchinung I kangli mümülichinung.

OBADIA 1:15

Ih, Abüdongba-nü yuchoti yukhanung nyümong tsü chii role. Edom, nühnü tu nguchicho, hütsü nüte nguchinung. Nühnü tu jücho hütsü nü khyang thali jünung.

ZEFANIA 1:14

Abüdongba nyümong arangcheh tsü amünyeh, khütang amünyeh ko zah role. Hütsü akha nyümong tsü, athrungrünü mii lümdhama tranung!

ZEFANIA 1:16

Khode rühti yuvanü jeng nyümong ko yangdi tbükhüm ko roshengvi mahba athrungrü chita yuva nyümong khüdu linung.

ZEFANIA 1:7

Abüdongba nyümong tsü amünyeh lile; hütsüeko ajingte longlüm lieng. Abüdongba-nü amüyurü kangmübü roh-i kyüsehnung rungnümle.

ZEFANIA 3:11

Hütsütade, nührü I müyurünü Ih nyümcho nengdang müshahsohnung. Amüthseh ko ahongzi atümung Ihnü khyümüinung ko I Amüsa khang chah nührünü khodesü Ih nyüm müyanung.

ZEKARIA 14:1

Abüdongba tsü yukhachah pümnung becho chihle. Hütsüpü Jerusalem kengchonung, ko akengchocho tsü nührü nahtse tenü changtanung.

ZEKARIA 8:3

Ihnü Ih Amüsa yangdi, Jerusalem lang thalinung, ko hütsüla linung. Hütsü yuje choba yangdi pü dsinung ko Akohbong Abüdongba khang tsü Amüsa khang pü dsinung.

MALAKI 4:1

Akohba Abüdongba-nü yore, “Amüthsehrü ko amünyirü atümung manying roh-i tahpehnung nyümong tsü role. Hütsü nyümong arüh tahpehnung ko arüh tusü münyingnung.

KHIDHINGCHO 10:2

“Amüdongchah tphünung nyitsarü dsitade bichinung taripinü du hamcheh külüpcho rühti anyüh külüpm.

KHIDHINGCHO 10:3

Khode rühti anyüdingnü anyahli mehnang, I Shükuh trahtri lanü mükang yucho shünü shibülungsohng.

1 KORINTRÜ 14:8

Rühti mehba tsünü adsiba yuva tsü tsidsa mümehkhang, sünü rothsa wünung küdangnung?

FILIPIRÜ 2:12

Hütsüeko amüiba jünirüti, Ih nührü te lide nührünü lede I yochonyicho kyo, Ih nührü tenü za lide I yochonyinung tsü alaa adhsütah. Nührübürü akangcheh nengdang drüsehnü ko dhridhrinü nguching;

1 TESALONIKARÜ 5:2

Tunüo amala aführü rocho kyo Abüdongba nyümong tsü ronungepü nührünü longi müdhele.

JAKOB 5:8

Nührünüsü rangchoung. Nührü alongdi amülah lieng, tunüo Abüdongba ronung nyümong tsü amünyeh thsako.

1 PETER 4:7

Lüpcho achangka amünyethsa lile. Nührünü dangkhidangnangchehnungthsa abürü jangjang rahseh xengxeng.

MISHACHO 6:17

Tunüo arüh rihlong chüroba nyümong tsü ro lile, ko sünü hütsü bete yachehnung?”