JOEL 1:13 - AMÜSA BAIBEL (BSI)

¹³ Müyahshü lüpkehpü traang, nührü bebürüti bholu chah dikehrü! Amübükuh la züdu müyüp meshüng! Nührü Tsingrang khyang amübü jünung fürü mahkhang shükusih mühle.

JOEL 1:13 Iomraidhean Croise

2 SAMUEL 12:16

David-nü akhunga shulüm Tsingrangba te kihchicho. Abinü kong romang mükhu abi yüpjilang züdu müyüp alih la chichi kihchicho.

1 YANGTHSARÜTI 21:27

Khode Elija-nü chokacho, Ahab-nü ajengki rehnahcho, hütsü phungcheh müyahshü müpicho. Abinü mütsuyongcho, müyahshüla tsü yüpnü aromih mükhüm wahseh rachicho.

ISAYA 22:12

Hütsüde tra meshünung, nührü thah hehpehnung ko müyahshü müpinung Akohbong Abüdongba-nü dsicho.

ISAYA 61:6

Ko nührü Abüdongba bebürü ko Tsingrangba dikehrüepü müdhenung. Nührünü yuchoti kuthsi tsunung, ko hütsü nührü yo kang künyangnung.

JEREMIA 4:8

Hütsüeko müyahshü müpieng ko traang, tunüo Juda chahnü Abüdongba rihlong mükhyümüi.

JEREMIA 9:10

Ihnü yocho, “Azong nengdang meshünung ko zanulih nengdang tranung, tunüo arüh tsü kungpehko ko süsü hütsüla mülahkhure. Adelü misü khongcho müyuchire; uzati ko rangmü kanglungrüti drü tsipehko.”

EZEKIEL 21:12

Longri züdeing, nyitsarü tsurü; hiba nohsheng hi I müyurü ko Israel langnürü apüm nengdang lile. Arüh kyüsehnung I müyurü apüm yola. Nührü dreng hamching.

EZEKIEL 27:31

Arühnü nü nengdang thah hehpehko, ko müyahshü müpiko. Arühnü trade arüh lasih rehnahcho.

EZEKIEL 7:18

Arühnü müyahshü müpinung ko apümlang dhridhrinung. Arüh thah hehpehnung, ko arüh atümung ashah khyünung.

HOSEA 9:5

Ko Abüdongba dhichinung athrochehcho thsüti chii rode arühnü tu nguchinung?

JOEL 2:12

“Ta Abüdongba-nü yore” Ade dusü “nührünü lasih apümnü kongnü ko tranü ko meshünü Ih yang ximülaang.

JOEL 2:14

Kümüdeo Abüdongba nührü Tsingrang-nü alasih thsamüla nührü khyang tsahma khütang müwajünung kohle. Hütsüde nührünü Abi khyang fürü ko shükusih amübü jünung.

JOEL 2:17

Bholu ko Amübükuh kahla Abüdongba dikehrü bebürütinü traang ko dangkhidangnang. “Abüdongba, Nü müyurüti chomang. Yucho parünü ihrü müthsamünyü ihrü te, ‘Nührü Tsingrang khüde liro, pü tüyosoh.’”

KHIDHINGCHO 28:14

Yongkha mübü tsü misüpung khüdula yongkha liter anyüh, mizapung la liter khüdupü achangsho ko san khüdula liter khüdu. Hiba hi kang ayung choo müipi akhudiba nyümong trüp mübü nengdang yuzeng lile.

KHIDHINGCHO 28:4

Khüdu anyangnyü ko khüdu anyüzehlang,

KHIDHINGCHO 28:7

Akhudiba san te yongkha amübü tsü liter khüdu bholu chah tsü tungkehng.

KHIDHINGCHO 29:6

Hiri amübü tsü lede choo la akhudiba nyümong tsang mübü ko trüp mübü tsang ko yongkha zeh mübüba chah alaa lahkeh linung. Hiri tsang mübü axümlichi tsünü Abüdongba künyangsohre.

1 KORINTRÜ 4:1

Ihrü Khrista dikehrüti sürü chah Tsingrangba arangyu khehthsithsanung nyümkehjüchoepü nührünü lüm.

1 KORINTRÜ 9:13

Amübükuh la nguchirütinü amübükuh lanü tsuyongnung ngure, ko bholu chah dikehrünü kangmübü lanü arüh nohlüm ngure.

2 KORINTRÜ 11:23

Arüh Khrista dikehrüti ang? Ih amükyangrü kyo chore, ta Ih arüh tenü dikehrü atsau! Ihnü alaa khee nguchiko, arangyoh la alaa liko, I chah alaa xüpko, ko adrongpi Ih sümüphohko.

2 KORINTRÜ 3:6

Thrahnü liba asi azengtacho dikehrü kangnung abinü ihrü kükyüsohko. Thrah licho yuzengnü asü hirore, ta anbünü akang jüre.

2 KORINTRÜ 6:4

Hütsü mülih, chongcha, bhamüling, ko adhsangthsi hiri rangchochonü lüpcho la ihrü Tsingrangba dikehrü kyo ngusohnung müküpre.

MISHACHO 11:3

Ihnü I yuzithsarü nyüh anyüh müyahshü müpipü müthehnung, ko arühnü hütsüri 1, 260 nyümongla tsü Tsingrangba yu sobhonung.”