JAKOB 4:8 - AMÜSA BAIBEL (BSI)

⁸ Tsingrangba shündhün rung, ko abinü nührü shündhün ronung. Nührü münyirüti! Nührü kheh müsang. Nührü akhürahrüti! Nührü lasih müdhsengchehng.

JAKOB 4:8 Iomraidhean Croise

LIPOH 18:23

Abraham-nü Abüdongba shündhün ropü tsingdhingcho, “Yuje Nühnü münyirü yola amüsarü mii changjünung do?

1 ROHTHÜP 28:9

Ko Solomon te abinü yocho, “Itso, nühnü I Tsingrang müdhenung ko lasih apümnü Abi dikehnung Ihnü nüte khangre. Abinü Ihsa lümcho ko khyünyücho apüm müdhele. Nühnü Abi yang wükhang, Abinü nüh khyüchonung; ta nühnü Abi tenü zakhang, Abinü lede nengdang nüh pehjünung.

2 ROHTHÜP 15:2

ko abinü yangthsaba Asa shirünung wücho. Abinü yocho, “Iyu nyieng, yangthsaba Asa ko nührü Judarü ko Benjaminrü atümung! Nührünü Abi te litashi Abüdongba nührü te linung. Nührünü Abi yangchikhang, Abinü nührü khyang Abi shirüsohnung, ta nührünü ximüla tsikhang, Abinü nührü pehjünung.

JOB 16:17

ta Ihnü shühkhatoh thsamehcho mühle, ko I dangkhidangnang müsa lile.

JOB 17:9

Azirütinü alaa alaa arüh yuje-epü lümre.

JOB 9:30

I münyi tu aphonüsü müthsütokhoh.

NENGSEKHI 119:113

Lasih anyüh thrirü Ihnü thrünyire, ta Ihnü Nü yuzeng müire.

NENGSEKHI 145:18

Abi te mücijo dsirü ko yuje la dsirü, apüm te amünyeh lile.

NENGSEKHI 18:20

Abüdongba-nü Ih jiyüre, tunüo Ihnü athsalang nguchire; Abinü Ih müwajüre, tunüo Ih achomükeh.

NENGSEKHI 24:4

Sürü nguchi ko lümlong amüsa liro, sünü kyothri mümübüro mahkhang arahkheh anyengchoba müyohpüro.

NENGSEKHI 26:6

Abüdongba, Ih alanglangepü ngusohnung I kheh mütsahre ko mübü Nü bholu mükangre.

NENGSEKHI 51:10

I chah lasih asi khüdu thrijüng, O Tsingrang, ko I chah lasih asi ko yochonyiba anbü yohjüng.

NENGSEKHI 73:13

Khang, amünyi müshitpahpü Ipu müsacheh liba tsü tu mah ang?

NENGSEKHI 73:28

Ta Ihlü, Tsingrangba shündhün linung, Amichahba Abüdongba atsungtiba ngunung ko Abinü nguchicho apüm sobhonung tsü khütoh-i anyemüyangnung!

ISAYA 13:15

Sü rangnang abi thraseh süsohnung.

ISAYA 29:13

Abüdongba-nü yocho, “Hiri nyitsarünü Ih mübürepü yore, ta arüh yu tsü amii mühle, ko arüh lasih apalang lile. Arüh yudsi tsü nyitsarü yuzeng ko yukheh arühnü lümkehcho du lile.

ISAYA 58:2

Arühnü I lang müdhenyü ko I yuzeng bichinyü nyümong müthe Ih mübüre. Arühnü Ih künyang mübünungthsa arüh khyang yujeba yuzeng tsü jüsohnyü yore.”

JEREMIA 4:11

Jerusalemrü te lipilih lanü nyübong adhsa arüh yang folepü yonung becho chihle. Hütsü mayü fopehba alonglüm nyübong müthsanung.

JEREMIA 4:14

Jerusalem, nührü khümchonungthsa, nührü lasiking lanü amünyi tsü thsütohpehng. Kükhya nührünü amünyi du lüm linung?

MESHÜ 3:57

Nühnü Ite lalingcho ko tu müdrünung yocho.

EZEKIEL 18:31

Nührünü nguchi roba amütsa tsü pehng ko lasih asi ko lümlong asi khyüng. Tuepü nührü Israelrünü sünyüro?

ZEKARIA 1:3

ta Ihnü ade nührü te yore, ‘Ih yang ximülaang, ko Ih nüh yang ximülanung.

MALAKI 3:7

Nührü jümürü kyo, nührü I yuzeng lanü ximüla tsiko ko mübichi. Ih yang thali rung, ko Ih nührü yang thalinung. Ta nührünü tsingdhingre, ‘Nü yanglang thali ronung ihrünü tu nguchinung?’

MATHI 12:33

“Singsih atsa sihsohnung singdong atsa adhsütah; Singdong amütsa chahnü singsih amütsa ngunung. Singdong khüdu tsü asih tsünü müdhere.

MATHI 15:2

“Tuepü nü monotinü Ihsa jümürü adoba mübichiro? Tunüo arühnü kheh mümütsahpü tsuyongre!”

MATHI 27:24

Khode Pilat-nü tu chotanung müdhsüdah, alaa mümüp shingchehnungduepü dhingchehcho, abinü kih hironü sühdi bete tsünü akheh mütsahnü yocho, “Hiba Nyitsarü sücho nengdang I bha müthsanung! Hi nührünü nguchire!”

RIWÜRÜTI NGUCHI 15:9

Abinü arüh-e Ihsa kahla tu papa mübichi; arühnü yudsichonü abinü arüh münyi pehjücho.

2 KORINTRÜ 7:1

Jünirüti, hiri apüm Ihsa te nyengchoko. Hütsünü, Ihsa afü ko anbü mümüsaba lüpcho lanü Ihsa jangjang müsachehnung, ko Ihsanü Tsingrangba drüba la longi müsachehnung.

1 TIMOTI 2:8

Amübü ashibülung mükhu adhrerü sürü Tsingrangba khyang khakhuchüjo liro, arühnü zii müchüropü, mahkhang müritapü kheh dhimüsu dangkhidangnangsohnyüre.

IBRIRÜ 10:22

Hütsüeko Ihsanü lasih apümnü ko yuti khu, thsameh lümba lanü müsachehba lasih ko kih amüsengnü mütsahcho afü zeh Tsingrangba shündhün wünung.

IBRIRÜ 7:19

Tunüo Mosa yuzengnü tusü apisa mükangsoh. Ko ade alongdi atsau khüdu khüi khu Ihsa Tsingrangba amünyeh wünung hütsü jo lile.

JAKOB 3:17

Ta amilangnü roba lümlong tsü akhu amüdhseng, atbachi, alonglüm ko tsataba; amüinü jeng ko asih atsa jüre: ko alümxünung ko akhürah müzeh.

1 PETER 1:22

Ade nührünü yuje te yochonyichonü nührübürü müdhsengchehko ko müjang yudsirüti nengdang khele müire, nührü lasih atümungnü khüdunü khüdu te müitaang.

1 PETER 3:21

khüi nührü ade khümchoro hütsü baptiba adüzü thonguchoba lile. Hiba hi fü chah axüh mütsahpehchoba mah, ta lümlong amüchongnü Tsingrangba te anyengchoba külüpcho lile. Jisu Khrista kangli ropü,

1 JOHAN 3:3

Khrista chah sünü hiba alongdi liro arühnü khüroh-i Khrista amüsa hütsü roh-i apu jangjang müsa yohpüre.

1 SAMUEL 14:35

Saul-nü Abüdongba khyang bholu khüdu külüpcho, hütsü abinü akhudiba külüpcho lile.