JAKOB 4:6 - AMÜSA BAIBEL (BSI)

⁶ Ta Tsingrangba-nü jüba achomang tsü alaa adiu. Amüsa yunü hita yore: “Tsingrangba-nü amüthsehrü yatire, ta alonglümrü khyang achomang jüre.”

JAKOB 4:6 Iomraidhean Croise

2 ROHTHÜP 32:26

Ta achangkala, Hezekia ko Jerusalemrünü arüh jangjang longlüm kangcho, hütsünü Abüdongba-nü Hezekia akang lidelü müyurüti mükhingchicho.

2 ROHTHÜP 33:12

Abi chongchala abinü longlüm kangcho, abi Tsingrang Abüdongba yang ximülacho ko abi te kihchicho.

2 ROHTHÜP 33:19

Yangthsaba dangkhidangnang ko Tsingrangba alalingba, abi lasih müthsamülade shitpahcho münyiti, nguchi amütsa, abinü külüpcho müyudsirü amübükuh ko Ashera tsingranglarü kyothri ko abinü mübücho kyothriti, hiri apüm azikehrüti Yukheh la thrah lile.

2 ROHTHÜP 33:23

Ta au mükyopü, abinü longlüm mükangcho ko Abüdongba yang müximülacho; au tenü abi deenü alaa amünyi akang licho.

2 ROHTHÜP 34:27

Vakhala tu thrah zehcho nühnü yuchiko ko nühnü nüpu jangjang longlüm kang, Ihnü Jerusalem ko hütsüla lirü khingchinung thrah licho yuchinü jengki rehnah tranü lasih thsamülako.

JOB 22:29

Tsingrangba-nü amüthsehrü tphahchore, ko alonglümrü khümchore.

NENGSEKHI 138:6

Nüh amichahbala linye, Nühnü apohkila lirü xükümre, ko amüthsehrünü Nü tenü rangnung mükoh.

NENGSEKHI 9:12

Tsingrangba-nü dhsa lirü lümchehre; Abinü arüh züdecho münbüchüre, ko arüh thsamehsohrü Abinü khingchire.

NÜCHEHCHO 18:11

Abüdongba tsü tsingrangti apüm tenü adiubaepü Ihnü ade müdheko, tunüo abinü hi Ijiprünü Israelrü sehchi bichide nguchicho.”

CHOYOH 15:33

Abüdongba drüba tsü lümlong akükyüe, ko adhichi bekhu alonglüm würe.

CHOYOH 18:12

Athsangnyang müroedelü nyitsarü lasih tsü amüküp, ta alonglüm tsü nengse bekhu würe.

CHOYOH 22:4

Alonglüm ko Abüdongba drüba amii tsü kuthsi, adhichi ko akang.

CHOYOH 29:23

Müthsehmülanü nyüh khüdu jowüsohre, ta alonglümnü nengse hirojüre.

CHOYOH 3:34

Müthsamünyürü Abinü müthsamünyüre, ta alonglümrü Abinü khümre.

ISAYA 2:17

Nyitsarü müthseh tsü zahsohnung, ko nyitsarü hongzi tsü thsangnyangjünung. Kyothri riri changpehnung, ko hütsü nyümong Abüdongba du dhimüsunung.

ISAYA 54:7

“Ihnü nüh azachah pehjücho; müisehnü nüh khyülire.

ISAYA 57:15

“Ih müchangkapü liba amichahba ko Amüsa Tsingrang. Ih amilang ko Amüsa müdümla lire, ta arüh longlangba ko arüh alongdi lisohnung, longlüm ko lasih thsamülaba müyurü yolasü Ih lire.

DANIEL 4:37

“Ko ade, Ih Nebukadnezar-nü Ninglang yangthsaba khyang anengse, ahechi ko adhichi jüre. Abinü nguchiba lüpcho tsü yuje ko athsalang, ko amüthsehrü Abinü longlümsohre.”

MATHI 13:12

Tunüo sü lango liro abi kükyüpü alaa lisohnung nengdang abi khyang alaa jünung; ta sü müliro abi azikyah liba tsüsü hitsinung.

MATHI 23:12

Sünü abürü jangjang mülahnang abi azikyah kangnung; ko sünü abürü jangjang azikyah kangnang abi mülahsohnung.

YUSE ATSA LUK 1:52

Abinü athrungrü yangthsarüti yangthsaba pümji lanü nüchocho, ko azikyahrü dhikehcho.

YUSE ATSA LUK 14:11

Tunüo sünü palu jangjangthsa diro abi azikyah kangnung, ko sünü palu jangjangthsa azikyah kangro abi dinung.”

YUSE ATSA LUK 18:14

Jisu-nü yocho, Ihnü nührü te yore, Farisiba tsü mah ta alihmüthsü dhribong tsü Tsingrangba jingte alanglang ngupü akuhlang wücho. Tunüo sünü abürü jangjang diro abi azikyah kangnung, ta sünü abürü jangjang azikyah kangro abi disohnung.”

JAKOB 4:10

Abüdongba jingte nührü jangjang longlüm kang, ko abinü nührü dhimüsunung.

1 PETER 5:5

Hütsü roh-i, nührü azabarütinü azibarü pohki lieng. Ko nührü atümungnü azikyah kangbanü kihrümpü khüdunü khüdu dikehtang; tunüo amüsa yunü yore, “Tsingrangba-nü amüthsehrü yatire, ta alonglümrü khyang achomang jüre.”

1 SAMUEL 2:3

Nü tüzümükhüm zahng; nü müthseh yu nyehlieng. Tunüo Abüdongba tsü müdheba Tsingrang ko Abinü müyurünü nguchicho apüm yukhare.