JAKOB 4:5 - AMÜSA BAIBEL (BSI)

⁵ Amüsa yunü, “Tsingrangba-nü Ihsa chah lisohba anbü tsü nahmohnü jeng lile” pü yoba tsü arahkheh mah.

JAKOB 4:5 Iomraidhean Croise

LIPOH 26:14

Abi san, misü ko kulirü khütang lichonü Filistiarünü nahmohcho.

LIPOH 30:1

Ta Rachel-nü Jakob khyang azarü khüdusü münümüsujücho, hütsünü abükyünü afü nahmoh Jakob te yocho, “I khyang azarü khülo mahkhang Ih sünung.”

LIPOH 37:11

Josef amungrütinü abi nahmohcho, ta aunü khiyu hi alüm la yohpücho.

LIPOH 38:9

Ta Onan-nü tsuzarü tsü abi yo müthsanungepü müdhe, khodederü abükyü te mükhongnang amung nengdang azarü mülisohnung shulüm, abaji tsü abinü alih la shopehsohcho.

LIPOH 6:5

Abüdongba-nü limih la nyitsarü mütsacho ko bekhyah apüm la arüh amünyi lümlong ngude,

LIPOH 8:21

Kangmübü axümlichi tsünü Abüdongba künyangsohcho, achotsü Abinü alasih la yocho, “Nyitsarü thsacholanü adelü khodesü limih müchokehcholanung; abi azadenü amünyi lümlong tsü Ihnü müdhele. Ade roh-i kanglungrüsü khodesü Ihnü müchangsohnung.

NENGSEKHI 106:16

Lipilih la arühnü Mosa ko Aron, Tsingrangba Amüsa dikehrü chah nahmohcho.

NENGSEKHI 37:1

Amütsarü thsacholanü nüh tüwah; amütsa nguchirü tümükhyah.

CHOYOH 21:10

Nyitsarü amütsanü lede amünyi du mürure; sütesü yanglilüm müngure.

THSINGYURÜ 4:4

Nyitsarünü tuepü akohnung hitoh-i müküp nguchirünang hütsüsü Ihnü nyichoko: hi arühnü kurümrü nahmohcho khu lile. Ta hi amükang. Hi nyübong iichicho kyole.

ISAYA 11:13

Adelü Israel yanglihnü Juda nah mümohnung, ko Juda tsü Israel rorüh müthsanung.

KHIDHINGCHO 11:29

Mosa-nü lalingcho, “I nguchi nengdang nühnü tülümxü. Ihnülü Abüdongba-nü Abi müyurü atümung khyang Abi anbü jo arüh atümungnü azikehrü kyo choyohsohnyüre.”

KHIDHINGCHO 23:19

Tsingrangba-nü nyitsarü kyo mürahkhehre; Abi amüi tsurü kyo lasih mümülichire, Abinü tu nyengchonang nguchire; Abinü chore ko hütsü nguchire.

JOHAN 10:35

Amüsa yunü tu yoro hütsü lede yuje-epü Ihsanü müdhele, ko sürü khyang abi yusi jücho, arüh te Tsingrangba-nü tsingrangrüti pü dsicho.

JOHAN 19:37

Ko amüsa yu apa khüdunü sü yore, “Süchah arühnü thracho arühnü abi chah dhingnung.”

JOHAN 7:42

Mesia tsü David tsutpu lanü ko David liba yangdi Bethlehem lanü ronung Amüsa yunü yo lile.”

RIWÜRÜTI NGUCHI 7:9

“Jakob tsurütinü arüh nirü Josef nahmohcho ko Ijip la ayurü thsasohnung icho. Ta Tsingrangba abi te zehcho

ROMRÜ 1:29

Arüh amütsa langkhüru, amünyi, müxümüngu, dhsachoba, nahmoh, müpsehba, yübüta, khürahba ko dhsatabanü jeng lile.

ROMRÜ 9:17

Tunüo amüsa yunü Ijiprü yangthsaba te yocho, “Nüh khu I zii ngusohnung ko limih apümlang I neng sobhonung shulüm Ihnü nüh yangthsaba kangsohcho.”

1 KORINTRÜ 6:19

Nührü fü tsü, Tsingrangba-nü jüba nührü chah liba Anbü Amüsa amübükuh lilepü nührünü mümüdherü do? Nührü abürü yo mah ta Tsingrangba yo;

2 KORINTRÜ 6:16

Müyudsirünü kyothri te Tsingrangba amübükuh tu la kihtachehnung? Tunüo Ihsa akang Tsingrangba amübükuh lile! Tsingrangba-nü yocho roh-i: “Ih arüh yola linung ko tsehchinung, Ih arüh Tsingrang thsanung, ko arüh I müyurü thsanung!”

GALATIARÜ 3:8

Yangpirü tsü yudsi khu Tsingrangba-nü langjünungepü amüsa yu khu münguchehre. Hita amüsa yunü Yuse tsü Abraham te müdhesohcho: “Tsingrangba-nü nüh khu amüi tsurü atümung müwajünung.”

TITAS 3:3

Tunüo Ihsasü khüdupi amüsithsa, yocho mühnyi, ko thsameh licho. Ihsa mükhyahmürah ko künyangküshi pohki ayurü kang licho. Ihsa akang tsü mükohdhing ko lungkha dunü jeng khüdunü khüdu thrünyita licho.