JAKOB 4:4 - AMÜSA BAIBEL (BSI)

⁴ Yujemücho nyitsarüti! Limih te shangrüthsaba tsü Tsingrangba münyehrüepü mümüdherü do? Sünü limih te shangrüthsanyüro, abinü apu jangjang Tsingrangba münyehrü kangre.

JAKOB 4:4 Iomraidhean Croise

LIPOH 3:15

Ihnü khingkutpü nühjü arorüh kangsohnung; abi za ko nü za lede arorüh thsanung. Abi zanü nü thah jürüpnung ko nühnü arüh thsühza la mükyühnung.”

NENGSEKHI 21:8

Yangthsabanü abi rorüti apüm kohchehnung; ko abi thrünyirü atümung abinü kohchehnung.

NENGSEKHI 50:18

Nühnü shirücho aführü müipi te shangrü kangre, ko nahtrahnaxengrü te mükhongre.

NENGSEKHI 73:27

Nüh thrüchahchüpehrülü yuje changnung; Nüte yuje müchorü Nühnü changjünung.

ISAYA 57:3

Nührü münyirü, hila yukhanung rung. Nührü azi-amongrü, nahtrahnaxengrü ko shutsa-irü tenü tu atsau mah.

JEREMIA 2:2

Jerusalem la lirü atümung te sobhonung Ite yocho: “Nüh dhrezade khüta yuje chocho Ihnü lümkehre, Ihjü kuthriyeng nühnü khüta Ih müicho; müchisicho lih ko lipilih khu, nühnü khüta I khanglang iirocho.

JEREMIA 9:2

I müyurü tenü shehmüi linungthsa, lipilih la tsü I kuh mülipü o! Arüh atümung yuje müchorü ko akihyochürü mülung.

EZEKIEL 16:32

Nü nii müinung mülih shirü te nahtrahnaxenglarü khüdu kyo nüh lile.

HOSEA 3:1

Abüdongba-nü Ite yocho, “Thali wüng ko bürü te nahtrahnaxeng rachiba khingkutpü te müitaang. Israelrünü apa tsingrang yang ximüla shükusih akungcho bipü kyothri mübünye Ihnü ade yingcheh müicho kyo, nühnü abükyü müing.”

MATHI 12:39

Jisu-nü yocho, “Hiba shang hi khüta amünyi ko Tsingrangba mümüdhere!” “Nührünü Ite thsayahiya khüdu nengdang tsingdhingrü ang? Müngusohnung! Nührü te ngusohnung thsayahiya tsü azikehrü Jona thsayahiya due.

MATHI 16:4

Hiba shang hi khüta amünyi ko Tsingrangba mümüdhero! Nührünü Ite thsayahiya khüdu nengdang tsingdhingrü ang? Müngusohnung! Nührü khyang ngusohnung thsayahiya tsü, Jona thsayahiya due.” Hütsüpü abinü arüh pehjüpü tsipehcho.

MATHI 6:24

“Sünüsü abüdongrü anyüh müdikehcheh; abinü khüdu thrünyinung ko akhüu müinung; khüdu te yochonyinung ko akhüu tsü müchümükehnung. Nührünü Tsingrangba ko kuthsi anyüding müdikehcheh.

YUSE ATSA LUK 19:27

Ko I rorüti sürünü arüh michah Ih yangthsarü mükangsohnyücho, arüh tsü hila norung ko I betenü arüh kyüsehng!’”

JOHAN 15:19

Nührü limih yoerelang, abi yo roh-i nührü müiba thsako. Ta hiba limih lanü Ihnü nührü throchehcho, ko nührü abi yo mah; hütsünü limihnü nührü thrünyire.

JOHAN 17:14

Ihnü arüh khyang nü yu jüko, ko limihnü arüh thrünyicho, tunüo Ih khüta limih yo mahro, hütsü kyo arühsü limih yo mah.

JOHAN 7:7

Limihnü nührü thrünyirü mah, ta Ih thrünyire, tunüo arüh münyi nguchi nengdang Ihnü yuzi jüre.

ROMRÜ 5:10

Ihsa Tsingrangba rorüh thsacho, ta abi Tsurü sücho khu abinü Ihsa abi shangrü kangsohcho. Ade Ihsa Tsingrangba shangrü lile, khang Khrista akang khu Ihsa khütoh-i alaa khümchonung!

ROMRÜ 8:7

Hütsünü khode nyüh khüdunü shutsa nengdang lümnang abi Tsingrangba rorüh kangre; tunüo abinü Tsingrangba yuzeng mübichire, abinü hütsü bichinung mükoh.

1 KORINTRÜ 1:20

Akhang, amüdherü khüde liro? Asithsarü khüde liro? Limih yuthrungrü khüde liro? Tsingrangba-nü hiba limih lümlongrü amüsithsa kangjüko!

1 KORINTRÜ 1:21

Tunüo nyitsarü abürü lümlongnü Tsingrangba müdhenung mükohsohnung Tsingrangba lümlongnü yatiko. Ta Ihsanü thsingyuba yusi “amüsithsa” pü dsiba khunü sürünü yudsiro arüh khümchonung Tsingrangba-nü dhrongchehcho.

GALATIARÜ 1:10

Nyitsarünü hosohnung Ihnü chorü mah-o? Khodesü mah! Tsingrangba-nü hosohnyüre! Ih nyitsarü yola nengse yangchirü mah-o? Ihnü hütsü roh-i thsanung müküpkhang, Ih Khrista yurü khüdu mah!

JAKOB 1:27

Au Tsingrang-nü amüthsengcheh ko yuje yangthsaepü khichiba tsü hie: Mürürüti ko chomilarüti arüh chongcha la dhingnung ko limih athsangnyang lanü za linung.