JAKOB 4:3 - AMÜSA BAIBEL (BSI)

³ Ko nührünü chingnye müngure, tunüo nührü nahdhingkeh tsü amütsae; nührübürü künyangküshi nengdang nührünü chingre.

JAKOB 4:3 Iomraidhean Croise

1 YANGTHSARÜTI 3:11

achotsü Abinü abi te yocho, “Nühnü nüpu nengdang kutsüpba mahkhang alinung mahkhang nü rorüh süsohnung mahpü yuje la yangthsanung shulüm lümlong chingchonü,

JOB 35:12

Arühnü züdere, ta Tsingrangba-nü mülalingre, tunüo arüh amüthseh ko nyitsarü amütsa.

NENGSEKHI 18:41

Arühnü arüku nengdang züdere, ta sünüsü arüh mükhümchore; arühnü Abüdongba te züdere, ta Abinü mülalingre.

CHOYOH 1:28

Hütsüde nührünü Ite züdenung, ta Ihnü mülalingnung; nührünü Ih yangchinung ta Ih müngunung.

CHOYOH 15:8

Nyitsarü atsanü dangkhidangnangde Abüdongba künyangre, ta amütsarünü amübü hiroba tsü Abinü thrünyire.

CHOYOH 21:13

Nühnü ailümrü kihchicho münyikhang, nühnü kihchicho müyuchinung.

CHOYOH 21:27

Akhürahrü kangmübüba tsü Abüdongba-nü thrünyire, khang, abinü amümüsa lümlongnü hirode tu khütoh-i thrünyinung.

JEREMIA 11:11

Hütsüeko ade, Ih, Abüdongba-nü arüh chah achangba hirojünung ko arüh mütsiphunungepü arüh te müzahsohko. Ko arühnü Ite arüku ching züdede, Ihnü arüh yu mühnyinung.

JEREMIA 11:14

Jeremia, hiri nyitsarü nengdang Ite tüdangkhidangnang mahkhang tükihchi. Arüh chongchala lide ko arüku nengdang kihchide, Ihnü arüh te mühnyinung.”

JEREMIA 14:12

Arühnü kongnye, Ihnü arüh akihchiba yuva mühnyinung; ko arühnü I khyang trüp mübü ko tsang mübü mübünye, Ihnü arüh te mükünyangnung. Hütsü mülih, Ihnü arüh khatala; akongba ko dhsaranü süsohnung.”

MIKA 3:4

Nührünü Abüdongba te züdenung becho chii role, ta Abinü nührü te mülalingnung. Nührünü kihchicho abinü mühnyinung, tunüo nührünü amünyi nguchiko.

ZEKARIA 7:13

Ihnü yode arühnü mühnyichonü, arühnü kihchide Ihnü mülalingcho.

MATHI 20:22

“Nührünü tu chingro hütsü nührünü mümüdhe.” Jisu-nü atsunyü te tsü lalingcho. “Ihnü yongnung liba chongcha shing tsü nührünü yongchehnung mah-o?” “Ihrünü kohnung” arühnü lalingcho.

MARK 10:38

Jisu-nü arüh te yocho, “Nührünü tu chingro hütsü nührünü mümüdhe. Ihnü yongnung liba chongcha shing tsü nührünü yongchehnung mah-o? Ih baptinung liba la tsü nührünü baptichehnung mah-o?”

YUSE ATSA LUK 11:10

Tunüo achingrü müipi khyang jünung, ko ayangchirü müipinü ngunung, ko adrongdrongchirü müipi khyang khangthrujünung.

YUSE ATSA LUK 15:13

Tunyah mülipü atsudhre achangba tsünü abi nohlüm kuthsi tsü ii bipü kuh pehjüpü tsicho. Abinü limih ashu khüdu lang wücho, hütsüla abinü mabomashinü thsi tsü müzangkhangcho.

YUSE ATSA LUK 15:30

Ta nü tsurü hinü nü kuthsi apüm mabomashila pehkhangjüpü kulang thali rodelü, abi nengdang nühnü misüza anyünyehba tsü müpsehjüre!’

JAKOB 4:1

Nührü yola khata ko yübüta hitoi hi khüdenü chüroro? Arüh tsü nührübürü chah lede khatanü liba nührü mükhyahmürah lümlong khu rore.

1 JOHAN 3:22

Ihsanü tuturü chingnang abi chahnü ngure, tunüo Ihsanü abi yuzengti bichire ko abi künyangnungthsa Ihsanü nguchire.

1 JOHAN 5:14

Abinü lümcho la Ihsanü lango chingkhang abinü nyirepü tsüpchonü Tsingrangba jingte Ihsa longlangre.