JAKOB 4:11 - AMÜSA BAIBEL (BSI)

¹¹ Jünirüti, nührü khüdunü khüdu nyüm mülang tüjüta. Sünü khristan jünirü khüdu mülangjüro mahkhang yukharo, abinü yuzeng mülangjüre ko yukhare. Nühnü yuzeng yu khakhang, adelü nüh yuzeng nyirü mah, ta hütsü yukharü kangre.

JAKOB 4:11 Iomraidhean Croise

NENGSEKHI 140:11

Arahkheh la bürü thsüyohchürü akoh tüngusoh; amütsanü shühkhatohrü kohsohng ko arüh changsohng.

YUSE ATSA LUK 6:37

“Aparü yu tükha, ko Tsingrangba-nü nührü yu mükhanung; aparü tümülangjü, ko Tsingrangba-nü nührü mümülangjünung; bürü mülang pehjüng, ko Tsingrangba-nü nührü mülang pehjünung.

ROMRÜ 2:1

Jünirüti, nührünü aparü yu kharü do? Nührü süsü thsanye, mülang pehba mühle. Tunüo nührünü aparü yu khapü arühnü nguchiba tsü nührübürünü nguchide, nührü mülangjüre.

ROMRÜ 2:13

Tunüo yuzeng yuchichonü Tsingrangba jingte amüsa kangrü mah, ta yuzeng bichirü langjünung.

ROMRÜ 7:7

Akhang Ihsanü yuzeng tsü amünyiepü yonung mah-o? Khodesü mah! Ta amünyi tsü tunang hiba Yuzeng khu Ihsanü müdhecho. Yuzeng tsünü, “Bürü yo tümükhyah” pü müyolanglü, amükhyahba tsü Ihnü mümüdheba thsako.

1 KORINTRÜ 4:5

Hütsüeko akyang müchie nührünü sü yu tükha. Abüdongba mürodelü achangka yukhaba tsü ying; abinü amarürah la rang yohpücho atsingse la hirojünung, ko nyitsarü lasih la lümcho mishajünung. Hütsüpü nyitsarü müipi Tsingrangba chahnü palu aleng anengse ngunung.

2 KORINTRÜ 12:20

Ih rode Ihnü longdicho roh-i mükyopü nührü linung ko nührünü longdicho roh-i Ih mükyopü shirünung lümxüre. Nührü yola yübüta ko nahmoh, zichüro ko abürü nengdang du lümba, müthsamünyü, ko bürü mütsa choba, amüthseh, ko mükehta linung Ihnü lümxüre.

EFESIARÜ 4:31

Akha, mükhyahmürah, ko zichüroba apüm nührü chahnü zasohng. Adelü khongtaba, nyüpmüseh, ko thrünyitaba tu tülisoh.

1 TIMOTI 3:11

Arüh nitpürüsü saying atsa thsabae ko thsüthsünümnümrü mah; ta arüh akichocho ko lüpcho la longlangchehrü thsabae.

2 TIMOTI 3:3

amüi müliba, yanglilüm müliba, be süseh, shühkhatoh, adrüba; atsa thrünyiba;

TITAS 2:3

Hütsü roh-i tsü azilarü te amüsa akang ko khingkurü tsü khingkurü roh-i linung thülaang. Arüh tsü besüseh mahkhang yongkha yurü müthsabae. Arühnü azatpürü te arüh niirü ko tsuzarüti müisohnung

JAKOB 1:16

Amüiba jünirüti, nührü tükiyohchüsoh!

JAKOB 1:19

Amüiba jünirüti, hi lümkehng! Atümungnü nyichonung dhsüdhsang, ta achonung ko zichüronung khaiding.

JAKOB 1:25

Ta sünü nyitsarü nyüje yujeba yuzeng la dhingro, ko yuchipü münbüchüpü nguchi kang nguchiro, abi nguchicho la Tsingrangba-nü abi müwajünung.

JAKOB 2:8

Amüsa yula “Nühnü nü kurümrü te abürü roh-i müing” pü yoba tsü nührünü ninglangrü yuzeng roh-i bichikhang, nührünü athsalang nguchire.

JAKOB 5:10

Jünirüti, Abüdongba nengla chorü azikehrüti tsü lümchehng. Arühnü achongcha la rangchocho adüzü khyüng.

JAKOB 5:7

Hütsüeko jünirüti, Abüdongba royingcheh rangcho lieng. Dhing, luthsarünü luh lanü tsahma chüronung khütoh-i rangcho yingro. Abinü mamüki ko mürüpmünu tsing nengdang rangcho yingre.

JAKOB 5:9

Jünirüti, Tsingrangba-nü nührü yu mükhanungthsa, khüdunü khüdu tünyümta. Yukhaba tsü ronungthsako.

1 PETER 2:1

Hütsüeko, nührü jangjang amünyi apüm lanü za lieng; adelü arahkheh, akhürah, mükohdhing ko nyüpmüseh yu tücho.