JAKOB 4:1 - AMÜSA BAIBEL (BSI)

¹ Nührü yola khata ko yübüta hitoi hi khüdenü chüroro? Arüh tsü nührübürü chah lede khatanü liba nührü mükhyahmürah lümlong khu rore.

JAKOB 4:1 Iomraidhean Croise

JEREMIA 17:9

“Nyitsarü lasiking sünü nyichehnung? Hütsü kyo akihyochüba apa mühle; hütsü kyangnung khura thsahle.

MATHI 15:19

Tunüo lasih lanü amünyi lümlong, müpsehnung, nahtranahxengnung, mabomashinung, fühnung, arahkheh chonung ko nyüpmüsehnung chürore.

JOHAN 8:44

Nührü, nührü au motsing tsurüti ko nührünü nührü au lümcho la du tsehnyüre. Abi adikehdinü amüpsehrü ko khodesü yuje la mühle, abinü arahkheh choba tsü abi susuh, tunüo abi arahkhehrü ko arahkheh apüm au.

ROMRÜ 7:23

Ifü la yuzeng apa khüdu I lasihnü mükhyünyüchoba yuzeng khüdunü nguchicho Ihnü ngure. Hütsünü Ifü la nguchiba amünyi yuzeng khyang Ih arangyohrü khüdu kangsohre.

ROMRÜ 7:5

Tunüo khode Ihsa shutsa la licho, Ihsa füla zehba mükhyahmürah tsü yuzengnü chürosohcho, ko asüba dikehba la Ihsa adhsütah kang licho.

ROMRÜ 8:7

Hütsünü khode nyüh khüdunü shutsa nengdang lümnang abi Tsingrangba rorüh kangre; tunüo abinü Tsingrangba yuzeng mübichire, abinü hütsü bichinung mükoh.

GALATIARÜ 5:17

Tunüo tu shutsanü müruro hütsü Anbünü müruba nyümre, ko tu Anbünü müruro, hütsü shutsanü mürucho nyüm lile. Hinyi hi arorüh lile, hütsünü nührünü tu nguchinyüro hütsü münguchichehre.

KOLOSIRÜ 3:5

Hütsüeko nührü chah liba mükhyahmürah, adüzünü: nahtrahnaxeng, amümüsa, mükhyahba, amünyi müruba, ko müxümüngu (tunüo müxümüngu tsü kyothri mübüba khüdu lile), hiri nührünü müpsehng.

2 TIMOTI 2:23

Ta amüsithsa ko amükhyu yu rehtaba lanü za lieng; tunüo hütsü yübüta dunü changkare.

TITAS 3:3

Tunüo Ihsasü khüdupi amüsithsa, yocho mühnyi, ko thsameh licho. Ihsa mükhyahmürah ko künyangküshi pohki ayurü kang licho. Ihsa akang tsü mükohdhing ko lungkha dunü jeng khüdunü khüdu thrünyita licho.

TITAS 3:9

Ta amükhyu la rehtaba, jümü trah chung, yubejarong ko yuji nengdang khataba hiri lanü za lieng. Hütsüri tsü amii mühle ko ajingcho mühle.

JAKOB 1:14

Ta khode nyüh khüdu apu amünyi mükhyahmürahnü tphah nowü xohnang, hütsüde thsadsüre.

JAKOB 4:3

Ko nührünü chingnye müngure, tunüo nührü nahdhingkeh tsü amütsae; nührübürü künyangküshi nengdang nührünü chingre.

1 PETER 1:14

Tsingrangba te yocho nyieng, ko nührü amümüdhe shikhe liba saying roh-i akang tüli.

1 PETER 2:11

Jünirüti, Ihnü hiba limih la nührü shirü ko tsichi rümchirü roh-i khichire! Shutsa mükhyahmürah, khüi lede anbü nyüm khataro hütsü lanü za lieng.

2 PETER 2:18

Arühnü amüthseh ko amüsithsa yu chonü, amünyi la lirüti yolanü tsicheh tsinungpü lirüti te mabomashi shutsa mükhyahmürah nguchinü nüchotsinung müküpre.

2 PETER 3:3

Achangka nyümongla mükhyahmürahnü jeng liba nyitsarü khürü chüronungepü nührünü akhu nyichehng. Arühnü nührü müthsamünyüjü