JAKOB 3:6 - AMÜSA BAIBEL (BSI)

⁶ Ko müle tsü michang kyole. Hiba hi amümüsa amülah khüi Ihsa fü la kehba ko Ihsa akang apüm khu amünyi zisohre. Mümehmi abükyü lanü roba michang tsünü Ihsa akangli ayung la michang thsürangjüre.

JAKOB 3:6 Iomraidhean Croise

2 SAMUEL 16:20

Hütsüpü Absalom-nü Ahithofel te yocho, “Nü lümcho young, ade tu khütanung?”

2 SAMUEL 19:43

Israelrünü lalingcho, “Abi tsü nührü nyitsarü thsanye, nührütenü dhürohpinü alaa ihrü alanglang lile. Tuepü nührünü ihrü nyümro? Yangthsaba nüli ronung ihrünü akhu müsucho nührünü tünbüchü.” Ta Israelrü tenü Judarünü alaa alanglangepü chocho.

2 ROHTHÜP 13:17

Abija ko abi rothsarünü Israelrü sehchi kohcho, Israelrü rothsarü lakh münga kyüsehcho.

NENGSEKHI 140:3

Arüh müle tsü mürü müyüh kyole; arüh beküp mürüditsa müyüh kyole.

NENGSEKHI 64:3

Arüh müle nohsheng kyo zare ko tbüdeng roh-i akhürah yu miire.

CHOYOH 15:1

Küna lalingchonü zichürocho zahsohre, ta yu akakonü thsümüsure.

CHOYOH 16:27

Amütsarünü bürü lerohpehsohnung yangchire; ko arüh yu tsü mii michangnü roh-i tahre.

CHOYOH 7:5

Hütsünü khingkurü amütsa chahnü ko abükyü münyehchi yu lanü nüh khümchonung.

ISAYA 30:27

Ashulanü Abüdongba zii ko ahechi ngunung. Abinü chode, Abi yu tsü michang kyo trüpre.

ISAYA 50:11

Bürü changsohnung rah külüprü apüm arühbürü rahla changnung. Abüdongba apunü hi tikehsohnung; nührü suro amütsala chongchanung.

JEREMIA 20:10

“Apümlang adrünung lile, pü apümnü chochicho Ihnü yuchire. Ihsanü yangbe te abi nengdang yonung.” I shangrükhungnü mii Ih khülusohnung jümre. Arühnü yore, “Abi rahmütsanung kohnung, khang Ihsanü abi rangnung ko rühyangnung.”

JEREMIA 28:16

Hütsüeko Abüdongba-nü pehnungepü apunü yore. Kang hi müricheh-e nüh sünung, tunüo nühnü nyitsarü hirite Abüdongba nyümnung yocho.”

KHIDHINGCHO 25:2

Hiri khingkurütinü Moab tsingrang mübüba thsütila arüh dsiyohcho.

KHIDHINGCHO 31:16

Balaam athülaba nyirü tsü khingkurüti ko Peor la Abüdongba te yuje müchosoh müyurüti nümülaba tsü lümchehng. Hütsü khu Abüdongba müyurü chah rümra hirocho.

MATHI 12:24

Khode Farisirü-nü hi yuchicho, arühnü yocho, “Arüh Aziba Beelzebul-nü hütsüroh-i nguchinung abi khyang zii jücho dunü abinü amünyi iipehjüre.”

MATHI 5:22

Ta adelü Ihnü nührü te yore: sünü jünirü te ziichüronang abi yu khanung, sünü jünirü te ‘Nüh tulamüyoh’ pü yonang abi ashimükhong bete noronung, ko sünü jünirü te ‘Adongmücho adohrü’ pü yonang abi mümehmi dhsürüla linung.

MARK 7:15

Amilangnü nyitsarü chah züdu münyisohnung tu mühle. Ta nyitsarü chahnü chürochonü du abi münyijüre.”

YUSE ATSA LUK 16:24

Achotsü abinü dsi yocho, ‘Uwa Abraham! Ih müing, ko Lazarus müyungza kih la dhsangpü I müle la thükeh tbachisohnung müthehng, tunüo hiba michang la Ih dee khingchile!’

RIWÜRÜTI NGUCHI 20:30

Arahkheh cho yudsirüti nührü yolanü nümülanung nührübürü yolanü chüronung shikhe ronung.

RIWÜRÜTI NGUCHI 5:3

Peter-nü abi te yocho, “Ananias, amüthsüh achangsho rang yohponü Anbü Amüsa bete arahkheh chonungthsa tuepü Satan khyang nüh kihyochüsohcho?

RIWÜRÜTI NGUCHI 6:13

Hütsüde abi nyüm arahkheh chonung nyitsarü khürü norocho ko arühnü yocho, “Hivinü lede Ihsa amübükuh ko Mosa yuzeng nyüm chore.

AZIKA YU 13:6

“Nü mung, nü tsurü, nü tsularü, nü nitpü mahkhang nü shangrü khungnü mii nührü ko nührü khodesü mümübücho tsingrang mübüsohnung rangnü thsüchinung kohle.

TITAS 1:11

Arühnü choba tsü yatinung dhsütahre, tunüo ashahnung nguchi thsi nengdang arühnü amüthsalang thsingyunü kukhi apüm thsangnyangjüre.

JAKOB 2:7

Nührü khyang jüba neng atsa nyüm müchümükehrü tsü arüh lile.

JAKOB 3:7

Nyitsarülü rahsehnung kohre ko kanglungrü apa atümung rahsehko, rangmü kanglungrü ko uzati, chitsiba ko nguh.

2 PETER 3:3

Achangka nyümongla mükhyahmürahnü jeng liba nyitsarü khürü chüronungepü nührünü akhu nyichehng. Arühnü nührü müthsamünyüjü

3 JOHAN 1:10

Hütsüeko Ih khode ronang, abinü nguchicho, Ihsa nengdang adrünung chocho, ko abinü arahkheh chocho apüm Ihnü nührü te yonung. Hütsü du mah, ta abinü khristan jünirüti rode mükhyüchore, ko sürünü arüh khyüchonyüro arühsü yatire ko Lithro lanü iipehnung müküpre!

MISHACHO 12:9

Liküp thsüyohchüba ahi mürü, motsing mahkhang Satan dsiba dragon arangcheh tsü iichahchücho. Abi ko abi riwürüti atümung limih lang iichahchücho.

MISHACHO 13:14

Ko akhudiba kangdi bete nguchinung mülaba thsayahiya khunü limih chah lirü atümung thsüyohchücho. Kangdi tsünü arüh te nohshengnü dhsakehjüpü liba kangdi nengla kyothri khüdu thrinung yocho.

MISHACHO 18:23

Nü chah dsi avisa khodesü müngunung; kukangba ko kulangwütpü yuva nü chah khodesü müyuchinung. Limih la shithsabhülehrü ayingba nüh thsacho ko nü ziimongnü liküprü thsüyohchüko!”

MISHACHO 19:20

Kangdi tsü abi jingte thsayahiya nguchiba arahkheh azikehba zehnü rang tsicho. (Hütsüri thsayahiya khunü kangdi amüdhethsa kehrüti ko kangdi kyothri mübürüti thsüyohchücho.) Kangdi ko arahkheh azikehba anyüding miphoh zeh truyaba michang shukuh la akangnü rangyohcho.