JAKOB 2:8 - AMÜSA BAIBEL (BSI)

⁸ Amüsa yula “Nühnü nü kurümrü te abürü roh-i müing” pü yoba tsü nührünü ninglangrü yuzeng roh-i bichikhang, nührünü athsalang nguchire.

JAKOB 2:8 Iomraidhean Croise

1 YANGTHSARÜTI 8:18

ta Abüdongba-nü abi te yocho, ‘I khyang amübükuh thsajünyüba tsü nüh athsalang lile,

2 YANGTHSARÜTI 7:9

Hütsüde arühnü hita chotacho, “Ihsanü athsalang münguchire. Hi yusi atsa nyümonge ko Ihsanü rang müyohpübae. Ihsanü hütsü tsingse müchochikhang, Ihsa khingchiriri. Ihsanü ade tsatsa wü yangthsaba pohki thsazirüti te yonung!”

LEVIRÜ 19:18

Sü chahsü rüh tüyang mahkhang lede thrünyi du tüli, ta nühnü nüpu müicho kyo nü kurümrü müing. Ih Abüdongba lile.

LEVIRÜ 19:34

Ajünirü Israelrü te kyo arüh te bichieng ko abürü müicho kyo arüh müing. Ijip la nührüsü khüdupi shuparü thsa licho lümchehng. Ih nührü Tsingrang Abüdongba.

JONA 4:4

Abüdongba-nü yocho, “Nüh wahnung tu licho?”

JONA 4:9

Ta Tsingrangba-nü abi te yocho, “Hiba ashü nengdang nüh wahnung tu licho?” Jona-nü lalingcho, “Ih süto wahnung athsalang!”

MATHI 22:39

Anyüuba Yuzeng ayingba tsü hi: ‘Abürü müicho roh-i nü kurümrü müing.’

MATHI 25:21

Abüdongba-nü yocho, ‘Mahso, atsa ko longlangchehba kulirü! Nüh kuthsi azikyah müshonungla longlangchehcho, hütsünü Ihnü nüh kuthsi amülah müshonung nyümkehjünung. Nüh Abüdongba akünyangla zürung!’

MATHI 25:23

Abüdongba-nü yocho, ‘Mahso, nüh atsa ko longlangchehba kulirü! Kuthsi azikyah müshonungla longlangchehcho, hütsünü Ihnü nüh kuthsi amülah müshonung nyümkehjünung. Nüh Abüdongba akünyangla zürung!’

MATHI 7:12

“Nührü te nguchisohnyücho roh-i aparü tesü nguching: hiba hi Mosa yuzeng adüzü ko azikehrü adoba tsü lile.

ROMRÜ 13:10

Amüinü sütesü amütsa münguchire; hütsüeko amüinü yuzeng tsü tikehjüre.

GALATIARÜ 5:14

Tunüo Yuzeng apüm tsü Mosa Yuzeng khüdula tikehre: “Nü kurümrü nüpu roh-i müing.”

GALATIARÜ 6:2

Khüdunü khüdu bhamüling hijütacho khu Khrista yuzeng tsü tikehsohng.

FILIPIRÜ 4:14

Ta Ih chongcha la nührünü trocho nengdang dee künyangre.

1 TESALONIKARÜ 4:9

Jünirüti müinung nengdang nührü te thrahnung dhsütah mühle. Khüdunü khüdu te khüta müinung hütsü nührübürü te Tsingrangba-nü yoko.

JAKOB 1:25

Ta sünü nyitsarü nyüje yujeba yuzeng la dhingro, ko yuchipü münbüchüpü nguchi kang nguchiro, abi nguchicho la Tsingrangba-nü abi müwajünung.

JAKOB 2:12

Ihsa nyüje kangsohba yuzeng tsünü yukhanungba nyitsarü kyo choung ko nguching.

JAKOB 2:19

Tsingrangba khüdu duepü nührünü yudsirü mado? Tsale! Amünyi nbünüsü yudsire, ko drü dhridhrire.

JAKOB 4:11

Jünirüti, nührü khüdunü khüdu nyüm mülang tüjüta. Sünü khristan jünirü khüdu mülangjüro mahkhang yukharo, abinü yuzeng mülangjüre ko yukhare. Nühnü yuzeng yu khakhang, adelü nüh yuzeng nyirü mah, ta hütsü yukharü kangre.

1 PETER 2:9

Ta nührü athrochehcho yucho, yangthsaba bebürüti, amüsa yanglih, Tsingrangba apu nyitsarü, abi anyemüyangnung nguchi sobhosohnung throchehcho, sünü nührü ama lanü apu anyemüyangnung atsingse yang dsicho.