JAKOB 2:6 - AMÜSA BAIBEL (BSI)

⁶ Ta nührünü ailümrü mükhimünguko! Nührü khingchirü ko yukhaji lang nowürü tsü alirü tsü mahrü do?

JAKOB 2:6 Iomraidhean Croise

JOB 20:19

tunüo abinü ailümrü sehchicho ko layücho, bürünü thsacho kuh chah abi kheh züdu khyücho.

NENGSEKHI 10:10

Atrorü müliba lerohpehrü khülu jore; re zehrünü arüh kohre.

NENGSEKHI 10:14

Ta Nühnü ngure; chongcha ko khingchi lirü Nühnü dhingyoh yohpüre ko lede arüh tronung rungnüm lire. Atrorü mülirünü Nü khyang khakhuchüjüre; Nühnü lede thsamütsarü trore.

NENGSEKHI 10:2

Akhürahrünü müthseh ailümrü dhsümthsere; arühbürü zeng la arüh xohsohng.

NENGSEKHI 10:8

Abinü yangti la rang pümre, tuyah mümüdherü müpsehnung. Abi chah dhsükehsohnung abinü thsehre;

NENGSEKHI 12:5

Abüdongba-nü yore, “Ta adelü Ih ronung, tunüo müdsimükurü dhrümchire ko dhsümthserü rühchi dhsasohre. Arüh nahmürahcho roh-i Ihnü arüh phikhümnung.”

NENGSEKHI 14:6

Amütsa nguchirünü aikyahrü alümcho jinyangjüre, ta Abüdongba tsü arüh khümchorü.

CHOYOH 14:31

Ailümrü khingchiba tsü akülüpbong Tsingrang müchümükehre; ta arüh müiba tsü Abi mübüre.

CHOYOH 17:5

Sünü ailümrü müthsamünyüro abinü Akülüpbong müchümükehre; sünü bürü suro mütsacho ngu künyangro abi mükhingchipü mülinung.

CHOYOH 18:23

Ailümrünü kihchi chore, ta alirünü kakonü lalingre.

CHOYOH 22:16

Sünü alirü khyang jiyüro mahkhang alirü kangnung ailümrü khingchiro abi iilümnung.

CHOYOH 22:7

Ailümrü tsü alirü yurü, ko anyabong tsü anyajüba yurü.

THSINGYURÜ 5:8

Yangthsabanü ailümrü nyüpmüseh arüh athsalang sehticho ngu tünyemüyang. Adirü mükhu abi michah adirü khüdunü tsungtire, ko anyüding tsü anyüh michah adirü khüdunü tsungtire.

ISAYA 53:3

Ihsanü abi mükhimünguko ko abi mükhyücho; abinü chongcha ko adhsa rangko. Sünüsü abi chah adhing mii müdhingkeh, abi tulamüyoh kyo Ihsanü abi mükhimünguko.”

AMOS 4:1

Yu hi nyieng, atsunyicho Bashan misü kyoba Samaria-larü, nührünü sumüzehrü khingchire, ailümrü sehchire, ko niirü te yongkha du khangre!

AMOS 5:11

Nührünü ailümrü dhrümchire ko arüh fürü kengchore. Hütsüeko nührünü thsacho lungkuh atsala nührü mülinung mahkhang nührünü khyümcho shükusiluh lanü müyongnung.

HABAKUK 3:14

Aranglangnü ailümrü nyüpmüsehrü künyangcho kyo, ihrü füpifüzanung tsingxinyübong rode kyo, Nü tbüdengnü rothsarü langnüba khakhu kyacho.

ZEKARIA 7:10

Chomirü, mürürü, shirü mahkhang ailümrü tüsehchi; ko sünü lasiking la ajünirü nyüm rah tükülüp.’

JOHAN 8:49

Jisu-nü lalingcho, “I chah motsing mühle, Ihnü I U jengreng drüre, ta nührünü I jengreng müdrüre.

RIWÜRÜTI NGUCHI 13:50

Ta Jihudarünü yangdila ko Tsingrangba mübüba mülung la aneng atsa lirü yangpilarüti thsümüsucho. Arühnü Paul e Barnabas nyüh nyüm shemüsu lurü khu arüh iipehcho.

RIWÜRÜTI NGUCHI 17:6

Ta khode arühnü anyüh müngucho, arühnü Jason ko yudsirü khürü yangbe jingte tphahro züdecho, “Nyitsarü hiri sürünü alimih khamülajüro arüh tsü hilasü ro lile,

RIWÜRÜTI NGUCHI 18:12

Khode Akaia la Galio Roman Governor kangcho, Jihudarünü shibülung Paul rangnü yukhajilang nowücho.

RIWÜRÜTI NGUCHI 8:3

Ta Saul-nü kuh müipi züdunü, yudsirüti adhrerü ko khingkurü tphahbülungnü, arangyoh la yohpo ko Lithro tsü thsangnyangjünung müküpcho.

1 KORINTRÜ 11:22

Nührü tsuyongnung kuh mülirü mah-o? Mahkhang nührünü Tsingrangba Lithro müthsamünyü ko ailümrü ashah khyüsohnyürü mah-o? Hi nengdang nührü te tu yosohnyüro? Nührü sesohnyürü mah-o? Ihnü hi nengdang nührü müsenung!

JAKOB 2:3

ko nührünü tsa jengkiba te tsü alaa jengrengjo, “Pümji atsau hila püm” ko ailümbong te tsü “hütsüla yaang mahkhang hila I jingjükehji la püm” pü yokhang,

JAKOB 5:4

Nührü luh la nguchirü khyang nyükheh ngang müjüre. Arüh mükünyangcho tsü nyidhing! Nührü maxarü züdeba tsü Abüdongba akohba Tsingrangba nangkhila züduko.

JAKOB 5:6

Achomükeh nyitsarü nührünü mülangjü müpsehko, ko arühnü nührü nyüm mühya.