JAKOB 2:5 - AMÜSA BAIBEL (BSI)

⁵ Nyieng, amüi jünirüti! Limih la ailümrü tsü Tsingrangba-nü yudsi la alirü kangnung ko abi müirüti te nyengchocho yanglih tsü arüh yo kangnung abinü throchehcho.

JAKOB 2:5 Iomraidhean Croise

1 YANGTHSARÜTI 22:28

Mikaia-nü züde yocho, “Nüh khümcho thalikhang, Abüdongba-nü Ih khu müchota.” Abinü yocho, “Ihnü tu yocho, hütsü atümungnü nyieng.”

JOB 34:10

Iyu nyieng, nührü anyichehrüti! Akohbong Tsingrang-nü amüthsalang nguchinung do?

JOB 34:19

Abinü yangthsarü mükhümre, mahkhang ailümrü sehti alirü mükhümre, tunüo Abinü atümung thricho.

JOB 38:14

Anyümong atsingsenü akhang ko angah ngusohre, jengki lohcho kyo, lishe la thükehcho kyo tsidsasohre.

NÜCHEHCHO 20:6

Ta I müirü ko I yuzeng bichirü te shang hajar adrong I amüi ngusohre.

CHOYOH 13:7

Khürünü tusü mülipü alirü roh-i ngusohre; ta khürünü khütang lipü ailümrü roh-i ngusohre.

CHOYOH 7:24

I tsurüti, ade Iyu nyieng. Ihnü yocho tüpehjü.

CHOYOH 8:32

“Ade I tsurüti, Iyu nyieng. Ihnü yocho nguching ko nüh künyang linung.

ISAYA 14:32

Filistia lanü rorüh yuhirü te topü lalingnung? Abüdongba-nü Zion külüp-pehko ko chongcha liba Abi müyurüti hütsüla tsikehrepü arüh te yonung.

ISAYA 29:19

Ailümrü ko alonglümrünü Israel Amüsa Tsingrang, Abüdongba-nü arüh khyang jüba akünyang tsü thali ngunung.

ZEFANIA 3:12

Hütsüla alonglüm ko aküna nyitsarü I arüku yangchirü lisohnung.

ZEKARIA 11:11

Hütsüta hütsü nyümong azengtacho tsü thsangnyangcho. San lihrü ko airünü Ih dhingyacho, Ihnü nguchicho khu Abüdongba-nü chotachoepü arühnü müdhecho.

ZEKARIA 11:7

San lihrü ko irühnü Ih mülihcho, ko amüpsehnung liba san-nyahrü tsü Ih kangcho. Ihnü ja anyüh hirocho: Khüdu te Ihnü “Achomang” ko khüdu te “Akehta” dsicho. Ko Ihnü santi tsü xükümcho.

MATHI 11:5

Nahtohrünü ngunung kohre, jingjahrünü tsehchehre, mübhira kehrü müsachehjüre, nangtbengrünü yuchire, asürü kanglisohre, ko yusi atsa tsü ailümrü te thsingyure.

MATHI 25:34

Hütsüde yangthsabanü abi tsalang liba nyitsarüti te yonung, ‘Rung, I U-nü müwajürüti! Rung, ko limih thridinü nührü nengdang rungnüm liba Yanglih tsü khyüng.

MATHI 5:3

“Sürü anbüla müdsimükuro arüh amüwanung; tunüo ninglang Yanglih arüh yo!

MARK 7:14

Hütsüpü Jisu-nü anyüpiu amülung tsü abi yang dsinü yocho, “Nührü atümungnü Ite nyieng ko nyichehng.

YUSE ATSA LUK 12:21

Ko Jisu-nü yocho, “Sürünü palu shulüm kuthsi sühpüro ta Tsingrangba lahpi alirü müthsaro arüh hütsü kyo linung.”

YUSE ATSA LUK 12:32

“Tüdrü, nungzarü, tunüo nührü Aunü nührü khyang yanglih tsü jünung dhrongchehpehko.

YUSE ATSA LUK 16:22

“Mürübong tsü sücho ko ninglang riwürütinü wüp hiwü ninglang thsütila Abraham müshüm pümsohcho. Alibong tsüsü sücho ko dhrürangcho,

YUSE ATSA LUK 16:25

“Ta Abraham-nü yocho, ‘Itso, nüh akang lide nühnü atsauba apüm nguko, ta Lazarus-lü amütsa apüm ngucho. Ade hila abi tbachi lire ko nüh akhingchila lire.

YUSE ATSA LUK 22:29

I U-nü I khyang thsanung tase jücho roh-i, Ihnü nührü khyang hütsüba tase jüre.

YUSE ATSA LUK 6:20

Jisu-nü amonoti chah dhingcho ko yocho, “Nührü ailümrü akünyangnung; tunüo Tsingrangba yanglih nührü yo!

JOHAN 7:48

“Langnürüti ko Farisirü khürünü dusü abi chah yudsicho nührünü mütsüp-o?

RIWÜRÜTI NGUCHI 7:2

Stefan-nü lalingcho, “Jünirüti ko tpurüti, hi nyidhing! Ihsa jümürü Abraham Haran la linung müwüede, ahechi Tsingrang-nü Mesopotamia la abi te shiro yocho,

ROMRÜ 8:17

Ihsa abi tsurüti thsachonü, abi nyitsarüti khyang yohpüjüba thsiking tsü Ihsanü ngunung, ko Khrista khyang Tsingrangba-nü yohpüjüba thsiking tsü mii Ihsanü ngunung; tunüo Ihsanü Khrista chongcha changtakhang, abi ahechisü changtanung.

1 KORINTRÜ 2:9

Ta, Amüsa yunü yocho kyo: “Sünüsü müngucho mahkhang müyuchicho, sünüsü tikehnung mülümcho, hütsü Tsingrangba-nü abi müirüti shulüm rungnümcho.”

2 KORINTRÜ 4:15

Hi apüm nührü khyanglangnü lile; ko Tsingrangba achomangnü nyitsarü alaa alaa chihde, arühnü alaa anengse jüba dangkhidangnangnü Tsingrangba hechi jünung.

2 KORINTRÜ 6:10

wahrü roh-i, ta ihrü lede künyang lile; iilümrü roh-i, ta ihrünü adrong alirü kangsohre; tu mülirü roh-i, ta ihrü lüpcho lile.

2 KORINTRÜ 8:9

Nührünü Ihsa Abüdongba Jisu Khrista achomang müdhele; abi alirü thsanye abi iilümcho khu, nührü alirü kangsohnung khyanglangnü abi ailümrü kangcho.

EFESIARÜ 1:18

Abi nyitsarü khyang anyengchocho anyemüyang amüwa khüta athangchi,

EFESIARÜ 3:8

Tsingrangba tsurü achangba tenüsü Ih azauba; atanye müchangkaba Khrista nengdang Yuse Atsa yangpirü yang hinung,

1 TESALONIKARÜ 2:12

Ihrünü nührü thsüchicho, tbachijücho, ko Tsingrangba sünü nührü apu Yanglih ko ahechi la nohlüm khyünung dsicho, abi künyangnungthsa akang linung ihrünü nührü te mütozah thsüchi rore.

2 TESALONIKARÜ 1:5

Hi Tsingrangba yuje yukhaba yuzi lile ko nührü chongchacho tsünü abi yanglih la nührü dekhing kangsohnung.

1 TIMOTI 6:18

Atsa nguchinung, nguchi atsa la alirü thsanung, amüi nguchinung, ko aparü te changtanung rungnüm linung arüh te young.

2 TIMOTI 4:18

Ko Abüdongba-nü amünyi apüm lanü khümchonü Ih ninglang yanglih lang nowünung. Abi te ahechi lede achangka müli thsaang! Amen.

2 TIMOTI 4:8

Ade tinü I nengdang amüsaba kuthri khüi Abüdongba yuje yukhabanü hütsü nyümongla I khyang jiyünung liro, hütsü yohpüjüle; ko I khyang du mah, ta sürünü abi ronung longphinü yingro, arüh atümung khyang hütsü jiyünung.

IBRIRÜ 11:26

Ijip kuthsi apüm tenü Mesia nengdang chongchanung tsü awübaepü abinü khichicho, tunüo aronung jiyü chah du dhingcho.

JAKOB 1:12

Sünü athsadsü rangchoro abi amüwanung; tunüo khode abinü athsadsü tsü kohnang, Tsingrangba-nü abi müirüti khyang jünung nyengchocho akang tsü ngunung.

JAKOB 1:16

Amüiba jünirüti, nührü tükiyohchüsoh!

JAKOB 1:19

Amüiba jünirüti, hi lümkehng! Atümungnü nyichonung dhsüdhsang, ta achonung ko zichüronung khaiding.

JAKOB 1:9

Khode ailümrü khristan khüdu Tsingrangba-nü dhimüsunang künyang,

1 PETER 1:4

hütsü khu Tsingrangba-nü abi müyurüti khyang yohpüjüba amüwa khütango Ihsanü ngunung longdire. Müsühnahba, müthsangnyangba mahkhang mütrülohba ninglang yanglih la abinü nührü khyang yohpüjüle.

2 PETER 1:11

Hütsüta Ihsa Abüdongba ko Kangchehjüba Jisu Khrista müchangkaba yanglih la tsü züdunung nührü khyang ajeng mülajünung.

MISHACHO 2:9

Ihnü nü chongcha ko iilümcho müdhele, ta yuje nüh alirü lile! Jihudarüepü arahkheh dsibarünü nüh nyüm chocho Ihnü müdhele; arüh motsing shangrüti lile!

MISHACHO 21:7

Sünü kohro abinü I chahnü hi ngunung: Ih abi Tsingrang kangnung ko abi I tsurü kangnung.

MISHACHO 3:18

Hütsünü nüh alirü kangnung nengdang amüdhseng hon I chahnü lihnung thsüchire. Nüh tbhüdeng ko ashahkhyü lanü lüptinung nengdang athru shü lihng. Nühnü ngunung nengdang nü nahtse la amüyühnung moisü lihng.

YUKHARÜTI 9:7

Jotham-nü hütsü yuchide abinü wü Gerizim Khang chah yapü züdecho, “Nührü Shekem-rü Iyu nyieng, ko Tsingrangba-nü nührü te nyinung!

1 SAMUEL 2:30

Ih, Abüdongba Israel Tsingrang, nührü tsutpu ko nü kukhinü shang apüm la I bebürü thsasohnung atsichola Ihnü nyengchoko. Ta adelü hütsü Ihnü müyohpünung. Hütsü mülih, I dhichirü Ihnü dhichinung ko I mükhimüngurü Ihnü mülangjü bichinung.

1 SAMUEL 2:8

Abinü ailümrü asongsong lanü dhimüsure ko achongcharü arüh chongcha suro lanü khamüsure. Abinü arüh yangthsarü tsudhre te müjangsohre, arüh ahechi jingdrang la yohpüre. Alimih pümji Abüdongba yo; hütsü michah Abinü limih külüpcho.”