JAKOB 1:4 - AMÜSA BAIBEL (BSI)

⁴ Nührü tunüsü mümüdsipü akükyüh ko apisa kangnung nengdang, akang ayung amükoh müngusohpü rangcho wünung müküpm.

JAKOB 1:4 Iomraidhean Croise

JOB 17:9

Azirütinü alaa alaa arüh yuje-epü lümre.

NENGSEKHI 37:7

Rangchoung ko Abüdongba-nü nguchicho ying; sürü müwaro ko amünyi lümchung khu akoh nguro arüh nengdang tülümxü.

NENGSEKHI 40:1

Ihnü Abüdongba arüku nengdang rangcho yingcho; hütsüde Abinü Ite nyicho ko züdecho yuchicho.

CHOYOH 4:8

Lümlong müing ko hütsünü nüh dhikehnung. Hütsü khyahring ko nüh disohnung.

HABAKUK 2:3

Thrahyohng, tunüo hi tikehnung ade becho müchie. Ta bekhyah zah role, ko Ihnü nüte tu nguro hütsü tikehnung. Hi khainü rorüh müjang, ta hütsü ying; hütsü mümünupü yuje tikehnung.

MATHI 10:22

I khyanglangnü nyitsarü atümungnü nührü thrünyinung. Ta sünü achangchi rangchonang abi du khümchonung.

MATHI 19:20

“Ihnü yuzeng hiri atümung bichiko, Dhrezaba tsünü lalingcho. Ihnü apa tu nguchinung dhsütahro?”

MATHI 5:48

Nührü Au ninglang liba dekhingcho roh-i nührüsü dekhing lieng!

MARK 10:21

Jisu-nü abi chah müinü dhingkeh yocho, “Nüh lang khüdunü müpisa. Wüng, nü licho apüm ieng ko thsi tsü ailümrü khyang jüng, ko ninglang nü kuthsi linung; hütsüpü I khanglang rung.”

YUSE ATSA LUK 18:22

Khode Jisu-nü hütsü yuchicho, abinü abi te yocho, “Nüh adesü lango nguchinung lile. Nü licho apüm ieng ko thsi tsü ailümrü khyang jüng, ko ninglang nü kuthsi linung; hütsüpü rung ko Ih iirung.”

YUSE ATSA LUK 21:19

Drengdreng yang, ko nü jangjang nüh khümchonung.

YUSE ATSA LUK 8:15

Alih asu la longba majüh adüzü tsü sürünü yusi tsü yuchiro ko lasih la yochonyi atsanü yohpüro ko asih müsih tashi arühnü rangchore.

JOHAN 17:23

Ih arüh chah ko nüh I chah; hütsünü arüh khüdu du kangnung, ko nühnü Ih müthehcho ko müicho kyo arüh mii müirepü limihnü müdhenung nengdang, ahechi nühnü I khyang tu jücho Ihnü arüh khyang jüko.

1 KORINTRÜ 2:6

Ta anbü la lümjing lirüti te Ihnü lümlong changtare. Ta limih lümlong mahkhang chang tsiba limih yangthsarü lümlong la mah.

GALATIARÜ 6:9

Hütsüeko Ihsanü atsa nguchinung mümüthohnung; tunüo Ihsanü suh müzahpü atsa nguchikhang, Ihsanü xanung akyang ronung.

KOLOSIRÜ 4:12

Nührü yola mono khüdu ko Jisu Khrista dikehrü Epafras-nü salüm müdhesohre. Tsingrangba lümcho la ayocho nyi nührü alümjing khristan khung kang drengdreng yachehnung nengdang abinü lede nührü shulüm Tsingrangba te khakhuchüjo dangkhidangnangjüre.

1 TESALONIKARÜ 5:23

Yangtsa Tsingrang-nü lüpcho la nührü müsa yohpüjüng, ko Ihsa Abüdongba Jisu Khrista rode nührü akangshünü anbü, akang, ko afü atümung mülang mühli yohpüjüng.

2 TIMOTI 3:17

ko Tsingrangba dikehrü kükyo kangsoh nguchi atsa lüpcho nguchinung dekhingsohre.

IBRIRÜ 13:21

Atbachi Tsingrang-nü apu lümcho nguchinungthsa nührü dhsütah atsa apüm nührü khyang jüng, ko abinü Jisu Khrista khu ihrü chah apu lümcho nguchisohng. Ko ahechi tsü Khrista te achangka mühli thsaang! Amen.

JAKOB 1:5

Nührü yola khürü lümlongnü müdsi likhang, abinü Tsingrangba sünü hütsü nührü khyang jüro, abi te dangkhidangnang; tunüo Tsingrangba-nü atümung khyang amükangnü ko achomangnü jüre.

JAKOB 3:2

Ihsa atümungnü adrongpi thsamehre.Ta nyüh khüdunü abi yula khodesü müthsamehkhang, abi apisae, ko abinü akang apüm mii rahsehchehnung.

1 PETER 5:10

Ta nührü azachah chongchapü khanglang achomang Tsingrang, sünü Khrista la lede ahechi changtanung nührü dsicho, abinü nührü pisasohnung, ko nührü drengdreng suzehsohnung ko nührü müshehchisohnung.

2 PETER 1:9

Ta sü hütsüri müliro abi amüpisa, hütsünü abinü müngure ko akhulang amünyi lanü müsachehcho mii nbüchüpehre.