JAKOB 1:25 - AMÜSA BAIBEL (BSI)

²⁵ Ta sünü nyitsarü nyüje yujeba yuzeng la dhingro, ko yuchipü münbüchüpü nguchi kang nguchiro, abi nguchicho la Tsingrangba-nü abi müwajünung.

JAKOB 1:25 Iomraidhean Croise

NENGSEKHI 106:3

Sürünü Abi yuzeng bichiro, sürünü tu athsalang hütsü lede nguchiro arüh akünyangnung.

NENGSEKHI 119:32

Ihnü longphiseh Nü yuzeng bichinung, tunüo Nühnü anyichehba alaa jünung.

NENGSEKHI 119:45

Ih nyüjela linung, tunüo Nü adoba nyinung Ihnü müküpre.

CHOYOH 14:15

Adohrünü apüm yudsire; ta asithsarünü müzahnü mütrahre.

ISAYA 8:20

Nührünü hütsüri laling, “Abüdongba-nü nührü te tu yoro hütsü nyieng! Asülang würü yu tünyi, arühnü yoba tsü nü nengdang tu ajingcho mülinung.”

YUSE ATSA LUK 11:28

Ta Jisu-nü lalingcho, “Sürünü Tsingrangba yu yuchiro ko bichiro arüh uthring khüta amüwanung!”

JOHAN 13:17

Adelü nührünü hiba yuje tsü müdheko, nührünü hütsü bichikhang nührü khütoi akünyang thsanung!

JOHAN 8:36

Atsudhre tsünü nührü nyüje kangsohkhang, nührü nyüjekhung linung.

RIWÜRÜTI NGUCHI 13:43

Ashibülung tsü shishoko khanglang, Jihudarü ko Jihuda yangthsa khyüchorü yangpirüti adrong Paul e Barnabas nyüh khanglang iiwücho. Riwürütinü arüh te Tsingrangba achomang la mütozah linung müküpm pü thsüchicho.

RIWÜRÜTI NGUCHI 2:42

Arühnü riwürüti chahnü nyichonü akehtala tsü zeh ko akehta tsuyongla changtanü dangkhidangnangla arüh bekhyah pehcho.

RIWÜRÜTI NGUCHI 26:22

Ta chünye yingcheh Tsingrangba-nü Ih tro role, hütsünü nührü azikyah ko amülah atümung bete hila Ihnü I yuzi jüre. Ihnü choba hi du azikehrüti ko Mosa-nü atikehnung yocho, hütsü nengdang du lile:

ROMRÜ 11:22

Hila Tsingrangba tsü khüta amüi, ta khüta adrünung Ihsanü ngure. Akhülurü nengdang abi adrünung, ta nührünü abi amüila mütozah likhang, nührü nengdang abi aküna. Ta hütsüta müthsakhang, nührüsü kyopehnung.

ROMRÜ 2:13

Tunüo yuzeng yuchichonü Tsingrangba jingte amüsa kangrü mah, ta yuzeng bichirü langjünung.

ROMRÜ 7:12

Hütsünü, yuzeng abükyü tsü amüsa, ko amülaba tsü amüsa, yuje ko atsa.

ROMRÜ 8:15

Tunüo Tsingrangba-nü jüba Anbünü nührü ayurü mükangsoh ko müdrüsohre; ta anbü tsünü nührü Tsingrangba tsurüti kangsohre ko Anbü zii tsünü Ihsanü Tsingrangba te, “Abba! Uwa, pü dsire.”

ROMRÜ 8:2

Tunüo Anbü yuzeng khüinü Khrista Jisu la Ihsa khyang akang jücho, hütsünü Ih amünyi ko asüba yuzeng lanü nyüje kangsohcho.

1 KORINTRÜ 15:58

Hütsüeko jünirüti, drengdreng müshehchipü yaang. Abüdongba nguchi nengdang lede müpah-müdeng, tunüo Abüdongba dikehba la nührü nguchi khodesü amükang müthsanung.

2 KORINTRÜ 13:5

Nührü yudsi la lirü a mahnang müdhenung nührü jangjang thsadsüdhing. Nührü müshohjopü likhang, Jisu Khrista nührü chah lilepü nührünü longi tsüple.

GALATIARÜ 2:4

Khrista khu akehtala, Ihsa nyüje nguba chehdhingnung, müjang yudsirüti kangpü Ihsa yola züro lile. Arühnü Ihsa ayurü kangsohnyücho,

GALATIARÜ 5:1

Nyüjeba nengdang Khrista-nü Ihsa nyüje kangsohcho! Hütsüeko nyüje nyitsarü roh-i drengdreng lieng, ko anyüpiu nührü jangjang ayurü tükang.

GALATIARÜ 6:2

Khüdunü khüdu bhamüling hijütacho khu Khrista yuzeng tsü tikehsohng.

KOLOSIRÜ 1:23

Ajüje, nührünü yudsi la drengdreng ko mümühachipü mütozah lieng, ko nührünü yuse atsa khunü nguba alongdi la tsünü nührübürü tüshümshümsoh. Hiba yuse atsa khüi liküprü te thsingyucho, hi nengdang Ih, Paul dikehrü khüdu kangcho.

1 TIMOTI 2:15

Ta rangchonü yudsi, amüi ko amüsa la longlümnü likhang abükyünü azarü surocho khu khümchonung.

1 TIMOTI 4:16

Nüpu akang ko nühnü docho nengdang müzahng. Hiri mütozah nguchi lieng, tunüo hiri nguchichonü, nüpu ko nü yu yuchirü anyüding nühnü khümchonung.

IBRIRÜ 12:15

Tsingrangba achomang lanü müximülanung müzahng. Singra akha khüi zide hütsü müyühnü chongcha khütang chürosohro, süsü hütsü tükyo.

JAKOB 2:12

Ihsa nyüje kangsohba yuzeng tsünü yukhanungba nyitsarü kyo choung ko nguching.

1 PETER 2:16

Nührü nyüje nyitsarü roh-i lieng; tanye amünyi khürü hüptinung nengdang nührü nyüje tübichi, ta Tsingrangba yurü kyo lieng.

1 JOHAN 2:24

Hütsütakhang, nührünü adikeh lanü nyisiba yusi tsü nührü lasih la lisohng. Nührü chah hütsüba yusi tsü lisohkhang, lede atsurü ko Au chah nührü linung.

MISHACHO 14:13

Hütsüpü ninglangnü yuva khüdu yo Ihnü yuchicho, “Hi thrahng: Ade tinü sürü Abüdongba dikehba la süro arüh amüwanung!” “Yutsatsa! Anbünü lalingcho. Arüh khee nguchiba lanü akyahshang ngunung, tunüo arüh dikehba amii tsü arüh te würe.”

MISHACHO 22:14

Sürünü akang singdong chahnü singsih tsuchehnung ko yangdila tbükhüm khu züduchehnung nengdang arüh jengki thsütohro arüh amüwanung.

1 SAMUEL 12:14

Nührünü Abüdongba drükhang ko Abi yu nyi Abi dikehkhang ko Abi yuzeng münyümpü nührü ko nührü yangthsabanü Abi khanglang iiwükhang, lüpcho tsa linung.