JAKOB 1:21 - AMÜSA BAIBEL (BSI)

²¹ Hütsüeko amümüsa ko akhürah saying apüm pehjüng. Ko Tsingrangba-nü nührü lasih la lengjüba yu khüinü nührü khümchonung kohro hütsü khyüchoung.

JAKOB 1:21 Iomraidhean Croise

NENGSEKHI 25:9

Abinü alonglümrü athsalangla nüre ko arüh te Abi lümlong dore.

ISAYA 2:20

Hütsüba nyümong rode, arühnü khehnü külüpba hon ko taripi kyothriti pehnung, ko arangyongmüza ko lütphing khyang pehjünung.

ISAYA 29:19

Ailümrü ko alonglümrünü Israel Amüsa Tsingrang, Abüdongba-nü arüh khyang jüba akünyang tsü thali ngunung.

ISAYA 30:22

Nührünü hon ko taripinü münohcho kyothri hironung, ko athrünyi kohro khüdu kyo “I nah tenü tsiengpü züde dhipehnung!”

ISAYA 61:1

AbüdongbaTsingrang nbü I chah lile, tunüo ailümrü yang yusi atsa thsingyunung. Lasih dhsa lirü kyangjünung, Kümyoh lirü müthehnung, Ko arangyoh la lirü nengdang nyüje sobhonung Abinü Ih müyühjü throchehcho.

EZEKIEL 18:31

Nührünü nguchi roba amütsa tsü pehng ko lasih asi ko lümlong asi khyüng. Tuepü nührü Israelrünü sünyüro?

EZEKIEL 36:25

Ihnü nührü chah kih amüdhseng xahkehjünung ko kyothri ko lüpchonü nührü münyijücho lanü müsachehjünung.

ZEFANIA 2:3

Nührü limih la alonglümrü ko Abi yuzeng nyirüti, Abüdongba yang rung. Yuje tsü nguching ko Abüdongba bete nührü jangjang longlüm. Abüdongba zichüro nyümong akhingchi lanü nührü tsiphunungsü kohle.

MATHI 5:5

Sürü longlümro arüh amüwanung; tunüo arühnü Tsingrangba-nü nyengchocho ngunung!

JOHAN 6:63

Akang jüba tsü Tsingrangba Anbü lile; shutsalü amükang. Ihnü nührü te yoba yu tsü anbü ko akang lile.

JOHAN 6:68

Simon Peter-nü abi te lalingcho, “Abüdongba, ihrü sü yang wünung? Müchangkaba akang yu jüba nü chah lile.

RIWÜRÜTI NGUCHI 10:33

Hütsünü Ihnü nüh dsinung rosohcho, ko nühnü chomangnü roko. Hütsünü Abüdongba-nü nüte tu mülacho lüpcho nyinung hila Tsingrangba jingte ihrü shibülung lile.”

RIWÜRÜTI NGUCHI 13:26

“Abraham chahnü trahchocho Israelrü, ko Tsingrangba mübürü jünirüti: Hiba akangcheh yusi hi Ihsa yanglang müthehcho.

ROMRÜ 1:16

Tunüo Yuse Atsa nengdang Ihnü müshahre; yudsirü atümung, akhu Jihudarü ko yangpirü mii khümchonung nengdang, hiba hi Tsingrangba zii lile.

ROMRÜ 11:17

Akhyümcho olive singjengza khürü kyüsahpü rangmü olive singjengza chah chikehsohre. Nührü yangpirü tsü hütsüba rangmü olive sing tsü kyole, ko ade nührünü Jihudarü amüwa changtare.

ROMRÜ 6:17

Ta Tsingrangba neng seing! Tunüo nührü khüdupi amünyi yurü thsanye, nührünü khyüchocho adoba lanü nguba yuje la tsü nührü lasih apümnü nyicho.

1 KORINTRÜ 15:2

Ihnü nührü te thsingyuchoba Yuse Atsa tsü nührünü drengdreng marekhang nührü khümcho lile; mahkhang nührünü amükhyu la yudsiko.

2 KORINTRÜ 7:1

Jünirüti, hiri apüm Ihsa te nyengchoko. Hütsünü, Ihsa afü ko anbü mümüsaba lüpcho lanü Ihsa jangjang müsachehnung, ko Ihsanü Tsingrangba drüba la longi müsachehnung.

EFESIARÜ 1:13

Ko yuje yusi, yuse atsa khüinü nührü khyang akangcheh hirocho nührünü yuchide, nührüsü Tsingrangba tsurü kangcho. Nührünü Khrista chah yudsichonü, Tsingrangba-nü nührü khyang anyengchocho Anbü Amüsa jonü nührü chah Abüdongba yo amüdhethsa shingkehcho.

EFESIARÜ 4:22

Hütsüeko akhürahyohchüba mükhyahmürahchonü nührü changsohba ahiba akang khüila nührü li rocho, hütsü lanü nührü za lieng.

EFESIARÜ 4:25

Hütsünü, adelü arahkheh tücho! Nyitsarü müipinü ajünirü te yuje choung, tunüo Ihsa atümung Khrista fü la müjang khiyohrü lile.

EFESIARÜ 5:4

Mahkhang ashamükeh, mabomashi, mahkhang lalolashi yu chonung nührü te mütang. Hütsü mülih nührünü Tsingrangba neng seing.

1 TESALONIKARÜ 1:5

Tunüo ihrünü nührü yanglang Yuse tsü yu dunü mah, ta zii la, Anbü Amüsa la ko yuje atsüptsiba la hirocho. Nührü yola lide ihrü khüta licho hütsü nührünü müdhele; hütsü nührübürü tsanung nengdang lile.

1 TESALONIKARÜ 2:13

Lede ihrünü Tsingrangba nengseba tsü yuzi apa khüdu lile. Hütsü khode ihrünü nührü yang Tsingrangba yusi hirocho, nührünü nyitsarü yusi roh-i mah, ta Tsingrangba yusi roh-i khüi yuje liro, hütsü nyicho ko khyüchocho. Tunüo sünü yudsiro abi chah Tsingrangba-nü nguchire.

TITAS 2:11

Tunüo Tsingrangba-nü amüi tsurü atümung akangcheh nengdang abi achomang mishako.

IBRIRÜ 12:1

Ihsa nengdanglü, Ihsa mükang sühdi hitoi yuzi lile. Hütsüeko, Ihsa mütsa kangsohba lüpcho ko Ihsa chah khahkhah mareh liba amünyi apüm lanü zanung, ko Ihsanü abi bekhu liba shangmülita tsü adhrongcheh amülahnü shangnung.

IBRIRÜ 2:3

Hitoh-i akangcheh arangcheh Ihsanü thrüchahchüpehkhang, tu khüta Ihsanü tsiphunung? Hiba akangcheh hi Abüdongba apunü akhu züdecho, ko sürünü yuchicho arühnü Ihsa te yuje-epü yuzi jücho.

IBRIRÜ 4:2

Arüh kyo Ihsanüsü Yuse Atsa tsü yuchiko. Arühnü yusi tsü yuchicho, ta hütsü arüh nengdang tu müjingcho, tunüo arühnü hütsü yuchide yudsinü mükhyücho.

JAKOB 4:8

Tsingrangba shündhün rung, ko abinü nührü shündhün ronung. Nührü münyirüti! Nührü kheh müsang. Nührü akhürahrüti! Nührü lasih müdhsengchehng.

JAKOB 5:20

hi lümchehng: Sünü münyirü khüdu amüthsalang lanü ximülasohnang; anbü tsü asü lanü khümchore, ko münyi khütango mülang pehjüba ngusohre.

1 PETER 1:22

Ade nührünü yuje te yochonyichonü nührübürü müdhsengchehko ko müjang yudsirüti nengdang khele müire, nührü lasih atümungnü khüdunü khüdu te müitaang.

1 PETER 1:9

tunüo nührünü abi chah yudsiba nahdhingkeh, nührü anbü akangcheh ngure.

1 PETER 2:1

Hütsüeko, nührü jangjang amünyi apüm lanü za lieng; adelü arahkheh, akhürah, mükohdhing ko nyüpmüseh yu tücho.

1 PETER 2:11

Jünirüti, Ihnü hiba limih la nührü shirü ko tsichi rümchirü roh-i khichire! Shutsa mükhyahmürah, khüi lede anbü nyüm khataro hütsü lanü za lieng.