JAKOB 1:19 - AMÜSA BAIBEL (BSI)

¹⁹ Amüiba jünirüti, hi lümkehng! Atümungnü nyichonung dhsüdhsang, ta achonung ko zichüronung khaiding.

JAKOB 1:19 Iomraidhean Croise

NEHEMIA 8:18

Thsüti adikehnü achangka nyümong chii arühnü nyümong mükhu Yuzeng lanü khyücheh khicho. Yuzengnü mülacho roh-i arühnü thsüti tsü nyümong dhünyeh müzehcho ko akeh-u nyümong changkacho.

NEHEMIA 9:17

Arühnü yocho mühnyicho; Nühnü nguchicho apüm arühnü nbüchücho; Nühnü nguchiba thsayahiyasü arühnü nbüchücho. Arühnü müthsehmüla Ijip lang ayurü suro yang nüli wüsohnung langnürü throcho. Ta mülang pehjüba Tsingrang; Nüh achomang ko amüi, Zii chüronung müdhsüdhsa. Nüh yanglilüm amülah; Nühnü arüh müthrüchahchüpeh.

NEHEMIA 9:3

Rehtseh asangoshi arüh te arüh Tsingrang Abüdongba Yuzeng khi yocho ko rehtseh asang arühnü arüh münyi nyengchocho ko arüh Tsingrang Abüdongba mübücho.

JOB 32:16

Arühnü sahmüthsapü yade Ihnü ying pümnung do? Arüh hütsüla tu acholang mülipü yale.

CHOYOH 10:19

Nühnü alaa chode alaa du shitpahre, lümlong likhang nühnü sahmüthsanung.

CHOYOH 13:3

Abe rahsehrü apu akang khümchore. Abe mürahserü dhsürü mütohre.

CHOYOH 14:17

Zii thsüthsahrünü mülümdhingpü nguchire; ta alümdhingrünü longlüm lire.

CHOYOH 14:29

Rangchokhang nüh lümlong lirü khüdue, ta thsüthsahkhang nüh amüpisa du ngusohre.

CHOYOH 15:18

Zii thsüthsahchonü yubejarong chürosohre, ta arangchonü yangtsa hirore.

CHOYOH 15:2

Lümlong lirünü chode amüdhe tsü amükhyahnung ngusohre, ta adohrünü amükhyüba du chochehchüre.

CHOYOH 16:32

Arangcho tsü tase azeh tenü atsau, ko abürü rahsehba tsü yangdi khüdu khyücho tenü adiu.

CHOYOH 17:14

Yubejarong adikeh tsü kih dümticho rohphohcho kyole; alaa adiu mükangde dümtieng.

CHOYOH 17:27

Asithsarünü dee müchore. Anyichehrünü yah-adu lire.

CHOYOH 18:13

Khürünü müyuchie lalingkhang, hütsü abi amüpisa ko ashah.

CHOYOH 18:21

Nühnü tu chonang hütsünü akang khümchonung mahkhang changnung; hütsüde nüyu khu chürochonü nüh linung.

CHOYOH 19:11

Nüh alümdhingrü thsakhang, nü zichürocho nyümling. Khürünü nüh müthikehsode rangchoba tsü ahechi arangcheh.

CHOYOH 19:19

Sünü zii mütsaro, abinü hütsü aichi ngunung; nühnü abi hütsütanü nüchehkhang; anyüpiusü nühnü nguchinung kangnung.

CHOYOH 21:23

Athsangthsi lanü tsiphu linyükhang nüyu müzah choung.

CHOYOH 25:28

Arahseh müliba nyitsarü tsü, amahchehcho ko tbü müliba yangdi kyole.

CHOYOH 29:20

Mülümdhingpü chorü tenü amongdongrü chah alongdi aliba.

KHIDHINGCHO 22:27

Adelü, gadu tsünü riwürü tsü ngude abinü yüp-pehcho. Balaam-nü azi chüro gadu tsü xüpnahmüsucho.

MATHI 5:22

Ta adelü Ihnü nührü te yore: sünü jünirü te ziichüronang abi yu khanung, sünü jünirü te ‘Nüh tulamüyoh’ pü yonang abi ashimükhong bete noronung, ko sünü jünirü te ‘Adongmücho adohrü’ pü yonang abi mümehmi dhsürüla linung.

MARK 12:37

David apunüsü abi te Abüdongba pü dsicho; hütsükhang Mesia tsü khütapü David chahnü thsanung? Mülung amülah khüdu Jisu te künyang nyi licho.

MARK 2:2

Hütsünü nyitsarü khütango shibülungchonü kuh la ko kuhbenüsü müzuhcho; ko Jisu-nü arüh te yusi tsü thsingyucho.

YUSE ATSA LUK 15:1

Nyümong khüdu alihmüthsü dhrirü ko münyirü adrong Jisu yu nyinung rocho.

YUSE ATSA LUK 19:48

ta arühnü nguchinungthsa tu lang müngucho, tunüo atümungnü abi yu nyinung mücijo licho.

RIWÜRÜTI NGUCHI 1:15

Tunyah mülipü yudsirüti thsihpü mükyü-o shibülungcho, ko Peter-nü shemüsu chocho.

RIWÜRÜTI NGUCHI 10:33

Hütsünü Ihnü nüh dsinung rosohcho, ko nühnü chomangnü roko. Hütsünü Abüdongba-nü nüte tu mülacho lüpcho nyinung hila Tsingrangba jingte ihrü shibülung lile.”

RIWÜRÜTI NGUCHI 13:48

Khode yangpirütinü hi yuchicho, künyangnü Abüdongba yusi tsü arühnü secho; ko sürü müchangkaba akang nengdang throchehcho arüh yudsirü kangcho.

RIWÜRÜTI NGUCHI 17:11

Hütsüla liba nyitsarüti tsü Tesalonikarü tenü asasaba thsacho. Arühnü yu tsü dee longphi nyicho, ko Paul-nü yoba tsü yuje a mahnang müdhenung nengdang nyümong müthe arühnü amüsa yu tsü khicho.

RIWÜRÜTI NGUCHI 2:42

Arühnü riwürüti chahnü nyichonü akehtala tsü zeh ko akehta tsuyongla changtanü dangkhidangnangla arüh bekhyah pehcho.

EFESIARÜ 4:26

Nüh zichürokhang, hütsünü nüh amünyi tüshitpahsoh, ko nyümong mükhyang zii tüchüro.

EFESIARÜ 4:31

Akha, mükhyahmürah, ko zichüroba apüm nührü chahnü zasohng. Adelü khongtaba, nyüpmüseh, ko thrünyitaba tu tülisoh.

KOLOSIRÜ 3:15

Khrista-nü jüba atbachi tsü nührü adhrongcheh la trosohnung lile; tunüo hiba atbachi nengdang Tsingrangba-nü nührü müjang füpüm khüdula dsicho. Hütsüeko nengse jüng.

KOLOSIRÜ 3:8

Adelü nührünü hiri apüm pehjüng: zichüroba, rihlong chüroba, thrünyi lümba. Nührü be lanü nyüpmüseh mahkhang ashah yu tüchürosoh.

1 TESALONIKARÜ 2:13

Lede ihrünü Tsingrangba nengseba tsü yuzi apa khüdu lile. Hütsü khode ihrünü nührü yang Tsingrangba yusi hirocho, nührünü nyitsarü yusi roh-i mah, ta Tsingrangba yusi roh-i khüi yuje liro, hütsü nyicho ko khyüchocho. Tunüo sünü yudsiro abi chah Tsingrangba-nü nguchire.

JAKOB 1:16

Amüiba jünirüti, nührü tükiyohchüsoh!

JAKOB 1:2

Ajünirüti, khode athsadsü alangalang ro mütohnang hütsü amüwaepü khiching,

JAKOB 1:26

Khürünü abi amüsabaepü lümrü mah-o? Abinü apu müle mürahsehkhang, abi yangthsa tsü amii mühle, ko abinü apu kihyochüre.

JAKOB 2:1

Ajünirüti, Ihsa Abüdongba Jisu Khrista, ahechi Abüdongba chah yudsirü kyo, nührünü khodesü tsahdhingkudhing mübichibae.

JAKOB 2:5

Nyieng, amüi jünirüti! Limih la ailümrü tsü Tsingrangba-nü yudsi la alirü kangnung ko abi müirüti te nyengchocho yanglih tsü arüh yo kangnung abinü throchehcho.

JAKOB 3:10

Bekah khüdu lanü anengse ko chokehchola yu chürore. Hütsüta müthsabae, jünirüti!

JAKOB 4:11

Jünirüti, nührü khüdunü khüdu nyüm mülang tüjüta. Sünü khristan jünirü khüdu mülangjüro mahkhang yukharo, abinü yuzeng mülangjüre ko yukhare. Nühnü yuzeng yu khakhang, adelü nüh yuzeng nyirü mah, ta hütsü yukharü kangre.

JAKOB 5:12

Jünirüti, alathsa nührünü zengtade tsuyuchüm tüthsa. Ning mahkhang alih mahkhang nengpa tusü dangchi yu tüchüm. Nührü Tsingrangba-nü mümülangjünung nengdang, hohnung la “hoh” ding, ko mahnung la “mah” ding.

JAKOB 5:19

Jünirüti, nührü yola khürü yuje lanü tsicho tsikhang ko aparü khüdunü abi nüli rokhang,

1 JOHAN 2:21

Hütsünü Ihnü nührü te thrahba tsü nührünü yuje tsü mütsüpchonü mah, ta nührünü hütsü müdhechonü; ko adesü yuje lanü tu arahkheh müchürorepü nührünü müdhele.