JAKOB 1:12 - AMÜSA BAIBEL (BSI)

¹² Sünü athsadsü rangchoro abi amüwanung; tunüo khode abinü athsadsü tsü kohnang, Tsingrangba-nü abi müirüti khyang jünung nyengchocho akang tsü ngunung.

JAKOB 1:12 Iomraidhean Croise

LIPOH 22:1

Azachah lipü Tsingrangba-nü Abraham thsadsücho; Abinü abi yanglang dsinü yocho, “Abraham!” Abraham-nü lalingcho, “Ih hila lile.”

NEHEMIA 1:5

“Abüdongba ninglang liba Tsingrang, Nüh arangcheh, Nü jingte Ihnü drüseh yare. Nü müirü ko Nü yuzeng bichirüti te Nühnü Nü azengchotaba yohpüre.

JOB 2:10

Job-nü lalingcho, “Thoh müzeh yu tücho. Tsingrangba-nü atsa jüde Ihsanü künyang khyüchore. Khang Abinü chongcha müthehde tuepü Ihsanü wahro?” Abi hitoi chongchanye, Job-nü Tsingrangba nyüm tusü müchocho.

JOB 5:17

Tsingrangba-nü müchongchijürü akünyangnung; Abinü nüh khatade tüwah.

NENGSEKHI 11:5

Nyitsarü atsa ko amütsa anyüding Abinü müchehdhingre; yuzeng thsangnyangrülü Abi lasih apümnü thrünyire.

NENGSEKHI 119:67

Ih müdhsakeh-ede, Ihnü thsameh tsicho; ta adelü Ihnü Nüyu nyire.

NENGSEKHI 119:71

Ih khingchiba tsü I nengdang atsa licho, tunüo hütsünü Nü yuzeng nyichosohcho.

NENGSEKHI 119:75

Nü yukhaba tsü Amüsa ko Nühnü Ih khingchiba tsü Nüh yujeba thsachonüepü Ihnü müdhele, Abüdongba.

NENGSEKHI 5:11

Ta Nü chah akhümcho ngurü atümung künyangtanung; akünyangnü arühnü lede khi thsanung. Nü müirü khümchoung; Nüh khu arüh yuje akünyang lile.

NENGSEKHI 94:12

Abüdongba, Nühnü thülaba nyitsarü ko Nühnü yuzeng thongurü nyitsarü khüta akünyangnung!

NÜCHEHCHO 20:6

Ta I müirü ko I yuzeng bichirü te shang hajar adrong I amüi ngusohre.

CHOYOH 17:3

Hon ko taripi michang la tahdhing düzüre, ko nyitsarü lasih Abüdongba-nü düzüre.

ISAYA 64:4

Sünüsü Nüh kyo abi chah longdirü nengdang hitoi nguchiba Tsingrang müngudhing, mahkhang müyuchidhing.

ZEKARIA 13:9

Ko nying lirü nohlüm asanguba tsü michangnü taripi mülucho roh-i Ihnü arüh müsachehjünung. Hon roh-i Ihnü arüh müchehdhingnung. Hütsüde arühnü Ite kihchinung, ko Ihnü arüh te lalingnung. Arüh I nyitsarüepü Ihnü arüh te yonung, ko Ih tsü arüh Tsingrangepü arühnü nyengchonung.”

MATHI 10:22

I khyanglangnü nyitsarü atümungnü nührü thrünyinung. Ta sünü achangchi rangchonang abi du khümchonung.

MATHI 25:34

Hütsüde yangthsabanü abi tsalang liba nyitsarüti te yonung, ‘Rung, I U-nü müwajürüti! Rung, ko limih thridinü nührü nengdang rungnüm liba Yanglih tsü khyüng.

YUSE ATSA LUK 6:22

“Nyitsarü Tsurü thsacholanü khode nyitsarünü nührü thrünyinang, mükhyüchonang, müchümükehnang ko nührü amünyiepü yonang, nührü akünyangnung!

ROMRÜ 5:4

arangchonü Tsingrangba akhyüchoba chürosohre, ko akhyüchoba tsünü alongdi chürosohre.

ROMRÜ 8:28

Tsingrangba-nü abi müirüti sürü abi lümcho la dsi liro, arüh te lüpchola atsa du nguchirepü Ihsanü müdhele.

1 KORINTRÜ 2:9

Ta, Amüsa yunü yocho kyo: “Sünüsü müngucho mahkhang müyuchicho, sünüsü tikehnung mülümcho, hütsü Tsingrangba-nü abi müirüti shulüm rungnümcho.”

1 KORINTRÜ 8:3

Ta sünü Tsingrangba müiro abinü abi müdhele.

1 KORINTRÜ 9:25

Pingbarü atümungnü abürü jangjang rahsehre. Arühnü changpehba kuthri nengdang nguchire, ta Ihsanü müchangba nengdang nguchire.

AZIKA YU 13:3

hütsü tünyi. Hütsü nührü Abüdongba tsü yuje müirü a mahnang pü nüh thsadsünung, Abüdongba nührü Tsingrang-nü abi bichire.

AZIKA YU 7:9

Abüdongba nührü Tsingrang du tsü yuje ko longlangchehba Tsingrangepü lümkehng. Abinü Abi azengtacho yohpünung ko sünü Abi müiro ko Abi yuzeng bichiro, Abinü shang hajar adrong Abi amüthrehba amüi ngusohnung,

AZIKA YU 8:2

Abüdongba nührü Tsingrang-nü hitoi nyahli, atsicho kang yüre akungaselih khu nührü norocho lümchehng, ko nührü alümcho müdhenung ko Abi yuzeng nyi a münyinang müdhenung Abinü nührü thsadsünung nührü yang achongcha müthehcho.

2 TIMOTI 2:15

Shah mülipü anguchirü khüdu kang, yuje yu tsü doung. Tsingrangba jingte khyüchochehnungthsa nühnü atsauba nguching.

2 TIMOTI 4:8

Ade tinü I nengdang amüsaba kuthri khüi Abüdongba yuje yukhabanü hütsü nyümongla I khyang jiyünung liro, hütsü yohpüjüle; ko I khyang du mah, ta sürünü abi ronung longphinü yingro, arüh atümung khyang hütsü jiyünung.

IBRIRÜ 10:32

Atsicho la nührü khüta licho hütsü lümchehng. Hütsüri nyümongla, Tsingrangba atsingse nührü chah ropü khanglang, nührü khütang chongchako, ta hütsünü nührü mükoh.

IBRIRÜ 11:17

Yudsinü, Tsingrangba-nü Abraham thsadsüde, abinü atsudhre Isak kangmübü khüdu jünung kohsohcho. Tsingrangba-nü anyengchoba tsü Abraham te külüpcho, ta abinü atsudhre khüdu du tsü mii amübü jünung künyang licho.

IBRIRÜ 12:5

Tsingrangba-nü atsurü te roh-i athsüchi yu yobasü nührünü nbüchücho mah-o? “Itso, Abüdongba-nü nüh mülichijüde lasih jüng, ko abinü yübüde suh tüzah.

IBRIRÜ 6:15

Abraham-nü rangchochonü Tsingrangba-nü tu nyengchocho hütsü ngucho.

JAKOB 2:5

Nyieng, amüi jünirüti! Limih la ailümrü tsü Tsingrangba-nü yudsi la alirü kangnung ko abi müirüti te nyengchocho yanglih tsü arüh yo kangnung abinü throchehcho.

JAKOB 5:11

Ihsanü arüh te akünyang ko dsire tunüo arühnü rangchoko. Job-nü rangchocho nührünü nyisiko, ko Abüdongba-nü achangkala khüta abi müwajücho hütsü nührünü müdhele. Tunüo Abüdongba tsü yanglilüm ko dhsa lümjübanü jeng lile.

1 PETER 3:14

Ko athsalang nguchi nengdang chongchakhang, nührü khüta akünyangnung! Süsü tüdrü ko tülümxü.

1 PETER 4:13

Hütsü tenülü, abi ahechi mishade nührü akünyang ajeng kangnungthsa nührü Khrista chongcha changtarepü müdhe künyang.

1 PETER 4:14

Khrista mono thsacho khyanglangnü nührü mükhimüngukhang, nührü künyang; tunüo Tsingrangba ahechi anbü tsü nührü chah lile.

1 PETER 5:10

Ta nührü azachah chongchapü khanglang achomang Tsingrang, sünü Khrista la lede ahechi changtanung nührü dsicho, abinü nührü pisasohnung, ko nührü drengdreng suzehsohnung ko nührü müshehchisohnung.

1 PETER 5:4

Ko khode san nyahrü ayingba tsü mishanang, nührünü müsehchangba ahechi kuthri tsü ngunung.

1 JOHAN 4:19

Tsingrangba-nü akhu Ihsa müichonü Ihsanü abi müire.

MISHACHO 2:10

Dhsükehnung liba chongcha nengdang tu tüdrü, Dhing! Nührü thsadsünung nengdang motsingnü khürü arangyoh la rangyohnung ko nührü chongcha tsü nyümong dhüre nengdang linung. Asü chii rangchoung, ko Ihnü nührü khyang akang kuthri jünung.

MISHACHO 3:19

Khütoi te Ihnü müiro arüh te Ihnü yübüre, ko khingchire. Hütsüeko nühnü longphi lasih thsamülang.

MISHACHO 3:21

Ihnü kohpü ade I U te abi yangthsaba pümji la pümcho kyo, sünü kohro abi Ite yangthsaba pümji la pümsohnung.