DANIEL 4:1 - AMÜSA BAIBEL (BSI)

¹ Yangthsaba Nebukadnezar-nü yusi hi limih la yanglih, ahung ko yucho apüm yanglang müthehcho: “Salüm!

DANIEL 4:1 Iomraidhean Croise

1 ROHTHÜP 12:18

Arüh yola nyüh khüdu Amasai, sü akhanglang “sangre” michah anüchiba kangcho, abi chah Tsingrangba anbü rocho ko abinü züde yocho, “Jesse tsurü David, ihrü nüyo lile! Nüh ko nü trorü kohsohng! Tsingrangba nü lahpi lile.” David-nü arüh khyüchocho ko abi rothsarü yola anüchirü kangsohcho.

EZRA 4:17

Yangthsabanü alalingba hi müthehcho: “Governor Rehum, yanglih la athrahba Shamshai ko Samaria ko Eufrates nyüzüdulang lirü arüh shangrüti yanglang salüm.

EZRA 5:7

“Yangthsaba Darius, yangtsa lieng.

ESTHER 3:12

Hütsünü akhudiba choo la dhüreasangu nyümong tsü Haman-nü yangthsaba athrahrüti dsibülung sobho khüdu thrahsohcho ko hütsü yu papa ko thrahtse papa la thrahpü yangthsarüti, governorti ko adirüti müipi khyang mühehnung yocho. Hütsü yangthsaba Ahaserus nengla apu imüshinü shingkehpü mühehcho.

ESTHER 8:9

Hiba hi choo asangu Sivan choo mükyüpü asang nyümong tikehcho. Mordekai-nü yangthsaba athrahrüti dsinü India lanü Ethiopia chii yanglih 127 la Jihudarü, governorti, yangthsarüti ko adirüti atümung yang vathrah thrahsohcho. Vathrah tsü yanglih mükhu te arüh yula ko palu thrahtsenü, ko Jihudarü tesü arüh yula ko arüh thrahtsenü thrahcho.

DANIEL 3:29

“Ade Ihnü yuzeng jüre: Limih, ahung ko yucho khürünü Shadrak, Meshak ko Abednego Tsingrang mükhimüngukhang, abi khanahnung ko abi kuh sehnyeh kangjünung. Hi kyo khümchonungthsa apa tsingrang mühle.”

DANIEL 3:4

züdenü yu khüdu yocho “Limih yanglih, ahung ko yucho atümung!

DANIEL 6:25

Hütsüpü yangthsaba Darius-nü limih la yanglih, ahung ko yuchoti apüm te hi thrahcho: “Salüm!

DANIEL 6:27

Abinü khümchore ko iichore; Abinü ninglang ko alih la anyemüyangnung ko thsayahiya nguchire. Abinü kihkhünyingnü mükahsehnung lanü Daniel khümchoko.”

DANIEL 7:14

Ko limih yanglihti, ahungti ko yuchotinü abi dikehsohnung, abi khyang tase, adhichi ko yangthsathsaba tase jücho. Abi tase lede linung ko abi yanglih khodesü müchangkanung.

ZEKARIA 8:23

Hütsü nyümong yangpirü dhüre Jihudarü khüdu yang ropü yonung, Ihrüsü nührü yola zehnyüre, tunüo nührü te Tsingrangba zehlepü ihrünü yuchire.”

RIWÜRÜTI NGUCHI 2:6

Arühnü hiba yuva yuchide, sühdi arangcheh shibülungcho. Arüh atümung nyemüyangcho, tunüo yudsirütinü choba tsü arüh müipinü palu yula nyichehcho.

ROMRÜ 1:7

Hütsüta Tsingrangba-nü müiba ko apu nyitsarü thsanung Rom la lirü nührü atümung yang Ihnü thrahre. Ihsa Au Tsingrangba ko Abüdongba Jisu Khrista chahnü nührü yanglang achomang ko atbachi thsaang.

EFESIARÜ 1:2

Ihsa Au Tsingrang ko Abüdongba Jisu Khrista chahnü nührü te achomang ko atbachi thsaang.

1 TIMOTI 1:2

Yudsi la I tsurükhung, Timoti yang: Au Tsingrang ko Ihsa Abüdongba Jisu Khrista chahnü nührü te achomang, yanglilüm ko atbachi thsaang.

1 PETER 1:2

Au Tsingrang-nü lümcho la, anbünü nührü amüsa nyitsarü kangsoh, Jisu Khrista yochonyi ko abi shühnü thsütohsohnung nengdang nührü throchehcho. Nührü te achomang ko atbachi bholo lisohng.