1 SAMUEL 7:3 - AMÜSA BAIBEL (BSI)

³ Samuel-nü Israelrü te yocho, “Nührünü nührü lasih apümnü Abüdongba yang ximülaekhang, nührünü yangpirü tsingrang ko Astarte tsingranglarü tenü zang. Abüdongba te nührü jangjang müsachehng ko Abi du mübüng, khang Abinü nührü Filistinrü khehlanü khümchonung.”

1 SAMUEL 7:3 Iomraidhean Croise

LIPOH 35:2

Achotsü Jakob-nü abi kukhirü te ko arüh yola lirü atümung te yocho, “Nührünü yohpüba yangpirü tsingrangti tsü pehng, nührü jangjang müsachehng ko jengki amüsa yohng.

1 YANGTHSARÜTI 11:33

Ihnü hi nguchinung, tunüo Solomon-nü Ih dhsonglipehko ko yangpirü tsingrangti: Sidon-rü tsingranglarü Astarte; Moab tsingrang Kemosh; ko Amon-rü tsingrang Molek hiri mübüko. Solomon-nü I yocho mühnyi; abinü amüthsalang nguchiko ko au David-nü nguchicho mükyopü abinü I yuzeng ko amülaba mübichi.

1 YANGTHSARÜTI 8:48

Hütsüba lihlanünye arühnü yuje lasih thsamüla, Nühnü ihrü jümürü khyang jüba lih, Nühnü throchehcho yangdi ko Ihnü thsaba Amübükuh liba yangdi lahpi pipü kihchikhang,

2 YANGTHSARÜTI 17:39

Nührünü Ih Abüdongba, nührü Tsingrang yocho nyieng ko Ihnü arorüh khehlanü nührü khümchonung.”

2 YANGTHSARÜTI 23:15

Josiah-nü Israelrü münyi shitpahsohba Nebat tsurü yangthsaba Jeroboam-nü thsaba Bethel la mübüji tsü thsangnyangjücho. Josiah-nü bholu thsangnyangjücho, lung zangzang müpnahjücho ko asongsong kang kengnah pehjücho; ko Ashera kyothri trüp-pehjücho.

1 ROHTHÜP 22:19

Ade nührünü nührü lasih ko anbü apümnü Abüdongba nührü Tsingrang dikehng. Nührünü Yuzeng Singdi ko mübüla bichiba Amüsa kohro apüm yohpünungthsa, Amübükuh tsü thsanung dikehng.”

1 ROHTHÜP 28:9

Ko Solomon te abinü yocho, “Itso, nühnü I Tsingrang müdhenung ko lasih apümnü Abi dikehnung Ihnü nüte khangre. Abinü Ihsa lümcho ko khyünyücho apüm müdhele. Nühnü Abi yang wükhang, Abinü nüh khyüchonung; ta nühnü Abi tenü zakhang, Abinü lede nengdang nüh pehjünung.

2 ROHTHÜP 19:3

Tanye nü chah atsa khürü lile. Nühnü Ashera tsingranglarü müyurünü mübüyacho kyothri apüm pehjüko ko nühnü Tsingrangba lümcho nguchinung müküpko.”

2 ROHTHÜP 20:33

ta müyudsirü mübü müdümlü müthsangnyangjücho. Müyurütinü arüh jümürü Tsingrang mübünung nengdang lasih apümnülü ximüla mürocho.

2 ROHTHÜP 30:19

“O Abüdongba, ihrü jümürü Tsingrang, ayahla mümüsachehnye sürünü lasih apümnü Nüh mübüro, Nühnü mülang pehjüng.”

CHOYOH 16:1

Nyitsarünü lümlong külüpre, ta alalingba tsü Tsingrangba chahnü rore.

ISAYA 55:7

Amütsarünü arüh lang pehjüsohng, ko arüh lümlong mülihchisohng. Arühnü Abüdongba, Ihsa Tsingrang yang ximülasohng; Abi yanglilüm ko zah mülang pehjüba.

JEREMIA 24:7

Ih Abüdongbaepü müdhesohnung Ihnü arüh khyang lümlong jünung. Hütsüde arüh I müyurü ko Ih arüh Tsingrang kangnung, tunüo arühnü Ih yang arüh lasih apümnü thali ronung.

JEREMIA 36:3

Judarünü Ihnü arüh chah hironung licho achangba hiri apüm yuchide, kümüdeo arühnü arüh amünyi lang apüm lanü ximülanung. Hütsükhang Ihnü arüh khürah ko arüh münyi mülangpehjünung.”

JEREMIA 4:1

Abüdongba-nü yore, “Israelrü, nührünü ximülaekhang, Ih yang ximülaang. Nührünü Ite yuje chokhang ko Ihnü thrünyiba kyothri tsü pehkhang,

EZEKIEL 14:6

“Hütsüeko ade, Israelrü te Amichahba Abüdongba-nü hita yore: Ximülaang ko nührü athrünyinung kyothriti pehjüng.

EZEKIEL 18:31

Nührünü nguchi roba amütsa tsü pehng ko lasih asi ko lümlong asi khyüng. Tuepü nührü Israelrünü sünyüro?

HOSEA 14:1

Nührü Abüdongba Tsingrang yang thalieng, Israelrü. Nührü münyinü nührü jing müthi khüluko.

MATHI 15:8

“Hiri nyitsarünü abe dunü I jengreng drüre, ta arüh lasih I tenü ashu za lile.

MATHI 4:10

Hütsüde Jisu-nü lalingcho, “Tsipehng, Satan! Amüsa yunü yore, ‘Abüdongba nü Tsingrang mübüng ko abi du dikehng!’”

MATHI 6:24

“Sünüsü abüdongrü anyüh müdikehcheh; abinü khüdu thrünyinung ko akhüu müinung; khüdu te yochonyinung ko akhüu tsü müchümükehnung. Nührünü Tsingrangba ko kuthsi anyüding müdikehcheh.

YUSE ATSA LUK 4:8

Jisu-nü lalingcho, “Amüsa yunü yore, ‘Abüdongba nü Tsingrang mübüng ko abi du dikehng!’”

JOHAN 4:24

Tsingrangba tsü Anbü, ko sürünü abi mübünang Anbü la ko yuje la mübünung athsalang.”

AZIKA YU 10:20

Abüdongba nührü Tsingrang yocho nyieng ko Abi du mübüng. Abi te yuje choung ko Abi nengla du nührünü yuchüm.

AZIKA YU 13:4

Abüdongba khanglang wüng ko Abi dhiching; abi yocho nyieng ko Abi yuzeng yohpüng; Abi mübüng ko Abi te yuje cho lieng.

AZIKA YU 4:29

Hütsüla nührünü Abüdongba nührü Tsingrang yangchinung ko nührünü nührü lasih apümnü Abi yangchikhang, Abi ngunung.

AZIKA YU 6:13

Abüdongba nührü Tsingrang dhiching, Abi du mübüng ko Abi nengla du yuchüm.

JOSHUA 13:31

Hütsüla Gilead changsho ko Bashan la Og yanglih yangditi Ashtarot ko Edrei zehcho. Hi apüm tsü Manase tsurü Makhir trah achangsho khyang jücho.

JOSHUA 24:14

Joshua-nü mütozah yocho, “Hütsüeko ade, Abüdongba dhiching ko yuje cho abi dikehng. Nührü jümürünü Mesopotamia ko Ijip la mübüba tsingrangti tsü pehng ko Abüdongba du dikehng.

JOSHUA 24:23

Abinü yocho, “Khang nührünü shuparü tsingrangti tenü zaang ko Israel Tsingrang, Abüdongba te yochonyinung yuchüm.”

YUKHARÜTI 10:16

Hütsüta arühnü shupa tsingrang pehjüpü Abüdongba mübücho; ko Israel chongcha nengdang abinü lümxücho.

YUKHARÜTI 10:6

Adesü thali Israelrünü Baal ko Ashtarot, Syria, Sidon, Moab, Amon ko Filistiarü tsingrangti mübü Abüdongba nyüm amünyi shitpahcho. Arühnü Abüdongba thrüchahchüpeh abi mümübücho.

YUKHARÜTI 2:11

Hütsüde Israelrünü Abüdongba nyüm amünyi shitpahcho ko Baal tsingrang dikehcho.

YUKHARÜTI 2:13

Arühnü Abüdongba pehpü Baal tsingrang ko Ashtarot tsingrang mübücho.

1 SAMUEL 31:10

Hütsüpü arühnü abi thsunohrü tsü arüh tsingrang Astarte tsingranglarü amübükuh la yohpücho ko abi fü tsü Beth Shan yangdi tbükhüm chah hamkehpücho.