1 SAMUEL 4:3 - AMÜSA BAIBEL (BSI)

³ Asünyingrü amüdongjilang thali rode, Israel zirünü yocho, “Tuepü Abüdongba-nü chünye Ihsa Filistinrü khyang kohsohcho? Abi Ihsa yola zehnung ko arorüh khehlanü Ihsa khümchonung nengdang Ihsanü Shiloh lanü Abüdongba Singdi tsü hironung.”

1 SAMUEL 4:3 Iomraidhean Croise

2 SAMUEL 15:25

Hütsüde yangthsabanü Zadok te yocho, “Yuzeng Singdi tsü Yangdilang thali hiwüng. Abüdongba-nü Ite künyang lümkhang, hütsü yohpüba müdümla I khyang hütsü ngusohnungthsa nyümong khüdu abinü Ih nüli ronung.

1 ROHTHÜP 17:1

Adelü yangthsaba David yangthsarü kuh la licho. Nyümong khüdu abinü azikehba Nathan yanglang adsinung mütheh yocho, “Ih hila Cedar singnü thsacho kuh la lire, ta Abüdongba Yuzeng Singdilü shükuh la yohpüle!”

NENGSEKHI 74:1

O Tsingrang, tuepü Nühnü ihrü hita pehjücho? Nühnü Nüpu nyitsarü te lede nengdang zichüronung do?

NENGSEKHI 74:11

Tuepü Nühnü ihrü tronung dhsonglicho? Tuepü Nü hongkoh müthsüpü pümro?

ISAYA 50:1

Abüdongba-nü hita yore, “Adhrerünü anitpü za müthehcho kyo, Ihnü I nyitsarüti tsisohchoepü nührünü lümre ang? Khang tsisohba athrahcho yuzi khülo? Aunü atsurü ayurü thsanung icho kyo, arangyohlang Ihnü nührü ichoepü nührünü lümrü mah-o? Mah, nührü, nührü münyi ngang yangtsilang tsicho; Nührü thsamehcho ngang nührü iipehcho.

ISAYA 58:3

Nyitsarünü tsingdhingre, “Abüdongba-nü mümüdhekhang tuepü Ihsanü kongnung? Abinü mükhichikhang tuepü Ihsanü mütsuyongpü linung?” Abüdongba-nü arüh te yore, “Yuje tsü hi: nührünü khüulang kongde, khüulanglü nührü thsanyücho thsa nührü pohki nguchirü sehchire.

ISAYA 59:1

Nührü khümchonung Abüdongba khura sumüzeh mahkhang nührünü dsicho yuchinung khura nangtbenglepü tülüm!

ISAYA 59:2

Hütsü nührü münyi khu Abinü nührü yu müyuchire. Nührünü Abi mübünung müküpde nührü münyi khu Tsingrangba tenü nührü zasohre.

JEREMIA 3:16

Hütsüpü khode nührü hütsüla mükhilong kangnang, nührünü adelü I Anyengchotacho Singdi nengdang müdangchinung. Arühnü adelü hütsü nengdang mülümdhingnung mahkhang mülümchehnung; arühnü müdhsütahnung mahkhang apasü mükülüpnung.

JEREMIA 7:4

Ihsa khümcho lile! Hi Abüdongba Amübükuh, hi Abüdongba amübükuh, hi Abüdongba Amübükuh pü akihyochüba yu hiri chah adelü tüyudsi!”

KHIDHINGCHO 10:33

Müyurünü Amüsa Sinai zong pehjüpü, nyümong asang tsehcho. Abüdongba Yuzeng Singdi tsü arüh müdongnung yangchi lede arüh bekhu wücho.

KHIDHINGCHO 10:35

Khodederü Yuzeng Singdi tsü shemüsunang Mosa-nü yocho, “Shemüsung, Abüdongba; Nü thrünyirü Nü rorüti tsü drü tsisho tsisohng!”

KHIDHINGCHO 31:6

Ko Mosa-nü arüh bebüba Eleazar tsurü Finehas, sünü Amüsa kohro ko rühti xükümcho abinü nüpü khatalang tsü wüsohcho.

AZIKA YU 29:24

Hütsüde lihküpnü, ‘Tuepü Abüdongba-nü arüh lih la hita nguchicho, pü tsingdhingnung. Tu chahnü Abi rihlong chürocho?’

AZIKA YU 31:26

“Tsingrangba Yuzeng vakha hi khyüng ko Abüdongba nührü Tsingrang Yuzeng Singdi bete tsü yohpüng, hütsü abi nyitsarü nengdang yuzithsanung.

2 TIMOTI 3:5

Amichah du müsa bichipü yuje tsülü mükhyüchoba, hirinü jeng linung. Hitari nyitsarü tenü za lieng.

IBRIRÜ 9:4

Hütsüla Müchiji tahji hon bholu khüdu ko hon füh la manna zehpü hon-nü müshütiba Amüsa Singdi khüdu, Aron ja chah anu chipü ko yuzeng lungtpah anyüh licho.

JOSHUA 4:7

Abüdongba Yuzeng Singdi lahkhu hitside Jordan yongkhinü pohzahchoepü nührünü arüh te young. Hiri lung khunü hila tu tikehcho Israelrü khyang lümchehsohnung.”

JOSHUA 6:6

Joshua-nü bebürüti dsinü arüh te yocho, “Yuzeng Singdi tsü dhieng ko nührü dhünyehnü rühti bipü hütsü bekhu püte.”

JOSHUA 7:7

Ko Joshua-nü yocho, “Abüdongba Tsingrang! Tuepü Nühnü ihrü Jordan keh norocho? Amor-rü kheh la jünungba ang? Ihrü changsohnungba ang? Tuepü ihrü yah Jordan khüulang tsü mülisohcho?

JOSHUA 7:8

O Abüdongba, Ihnü tu yonung, tunüo Israelrü arorüh tenü shehli roko.

1 PETER 3:21

khüi nührü ade khümchoro hütsü baptiba adüzü thonguchoba lile. Hiba hi fü chah axüh mütsahpehchoba mah, ta lümlong amüchongnü Tsingrangba te anyengchoba külüpcho lile. Jisu Khrista kangli ropü,

JUDA 1:5

Tunüo nührünü hi atümung müdhenye, Ihnü nührü te Abüdongba-nü khüta Israelrü khüdupi Ijip lih lanü khümchocho; ta akhanglang arühnü müyudsichonü arüh changjücho, hütsü nengdang Ihnü nührü khyang lümchehsohnyüre.

1 SAMUEL 1:24

Abi lümjingko khanglang, abükyünü abi yola misü bongtho khüdu ko hüm süreh dhüre ko yongkha shinga khüdu hipü Shiloh lang wücho. Abükyünü akhunga Samuel nüpü Shiloh la Abüdongba kulang wücho.

1 SAMUEL 14:18

Saul-nü bebüba Ahija te yocho, “Yuzeng Singdi tsü hirung.” (Hütsü nyümong Israelrü bete Ahija-nü hütsü dhicho.)

1 SAMUEL 4:2

Filistinrünü mahcho ko dee khee khatapü arühnü Israelrü kohcho ko nyüh hajar müyü kyüsehcho.